പ്രധാനമന്ത്രി നരേന്ദ്രമോദി വയനാട്ടിലെ ഉരുള്പൊട്ടല് ദുരന്തമേഖലകള് സന്ദര്ശിക്കും. ശനിയാഴ്ചയാണ് പ്രധാനമന്ത്രി വയനാട്ടിലെത്തുക. ഡല്ഹിയില് നിന്നും പ്രത്യേക വിമാനത്തില് കണ്ണൂരിലെത്തുന്ന അദ്ദേഹം തുടര്ന്ന് ഹെലികോപ്ടറിലാകും മേപ്പാടിയിലെത്തുക. മേപ്പാടിയിലെത്തുന്ന അദ്ദേഹം ഉരുള്പൊട്ടലുണ്ടായ ചൂരല്മല, മുണ്ടക്കൈ മേഖലയും ദുരിതാശ്വാസ ക്യാമ്പുകളും സന്ദര്ശിച്ചേക്കും. സന്ദര്ശനത്തിന്റെ കാര്യം പ്രധാനമന്ത്രിയുടെ ഓഫീസ് ഔദ്യോഗികമായി കേരളത്തെ അറിയിച്ചു. വരവിനോട് അനുബന്ധിച്ചുള്ള ക്രമീകരണങ്ങളും ആരംഭിച്ച് കഴിഞ്ഞു. പ്രധാനമന്ത്രിയുടെ സുരക്ഷാ ചുമതലയുള്ള എസ് പി ജി സംഘം വയനാട്ടിലെത്തും. കേരളത്തിലേക്ക് ഒരു സാങ്കേതിക സംഘത്തെ പ്രധാനമന്ത്രി അയക്കുമെന്ന വിവരങ്ങളും പുറത്ത് വരുന്നുണ്ട് .വയനാട്ടിലെത്തുന്ന എസ് പി ജി സംഘം മേഖലയില് പരിശോധന നടത്തും. അതോടൊപ്പം നിര്ണ്ണായക യോഗങ്ങളും നടക്കും. പ്രധാനമന്ത്രി കേരളത്തിലെ ദുരന്ത ഭൂമി സന്ദര്ശിക്കാത്തതില് കോണ്ഗ്രസ് ഉള്പ്പെടേയുള്ള പ്രതിപക്ഷ പാര്ട്ടികള് ഇന്ന് പാര്ലമെന്റില് അടക്കം പ്രതിഷേധം അറിയിച്ചിരുന്നു. പ്രധാനമന്ത്രിയുടെ സന്ദര്ശനത്തെ വളരെ പ്രതീക്ഷയോടെയാണ് കേരളവും നോക്കിക്കാണുന്നത്. ദുരന്തം നേരിട്ട വയനാടിനായി കേന്ദ്ര സര്ക്കാര് പ്രത്യേക പാക്കേജ് പ്രഖ്യാപിക്കുമോയെന്നും സംസ്ഥാനം ഉറ്റുനോക്കുന്നു.
Related Articles
സ്ഥിരം ലഹരികുറ്റവാളികളെ തടവിലിടും
തിരുവനന്തപുരം: ലഹരി ഉപഭോഗവും വിതരണവും സംബന്ധിച്ച് സ്ഥിരമായി കുറ്റകൃത്യങ്ങളില് ഏര്പ്പെടുന്നവര്ക്കെതിരെ കരുതല് തടങ്കലിനുള്ള ഉത്തരവ് പുറപ്പെടുവിക്കുമെന്ന് മുഖ്യമന്ത്രി പിണറായി വിജയന് നിയമസഭയില് പറഞ്ഞു. 1988 ലെ പ്രിവന്ഷന് ഓഫ് ഇല്ലിസിറ്റ് ട്രാഫിക് ഇന് നാര്ക്കോട്ടിക് ഡ്രഗ്സ് ആന്റ് സൈക്കോട്രോപ്പിക് സബ്സ്റ്റന്സസ് ആക്ടിലെ വ്യവസ്ഥകള് പ്രകാരമാണിത്. പി സി വിഷ്ണുനാഥിന്റെ അടിയന്തര പ്രമേയ നോട്ടീസിന് മറുപടി നല്കവെയാണ് സംസ്ഥാന സര്ക്കാര് സ്വീകരിക്കാന് ഉദ്ദേശിക്കുന്ന ലഹരി വിരുദ്ധനടപടികളെക്കുറിച്ച് മുഖ്യമന്ത്രി വിശദീകരിച്ചത്. പി ഐ ടി എന് ഡി പി എസ് […]
രാഹുല് ഗാന്ധിയുമായി കൂടിക്കാഴ്ച നടത്തി കെ സുധാകരന്; കേരള ജനതക്കായി പോരാടിയ നേതാവെന്ന് രാഹുല് ഗാന്ധി
ന്യൂഡല്ഹി : ലോക്സഭാ പ്രതിപക്ഷ നേതാവ് രാഹുല് ഗാന്ധിയുമായി കൂടിക്കാഴ്ച നടത്തി സുധാകരന് എംപി. ഡല്ഹിയിലെത്തിയാണ് സുധാകരന് രാഹുലിനെ കണ്ടത്. കോണ്ഗ്ര്സ ദേശീയ അധ്യക്ഷന് മല്ലികാര്ജുന് ഖാര്ഗെയെയും സുധാകരന് കണ്ടു. കെസി വേണുഗോപാലും കൂടിക്കാഴ്ചയിലുണ്ടായിരുന്നു. കേരളത്തിലെ ജനങ്ങള്ക്ക് വേണ്ടി ജീവിതം മുഴുവന് പോരാടിയ നേതാവാണ് സുധാകരന് എന്നും യഥാര്ഥ പോരാളിയാണെന്നും രാഹുല് ഗാന്ധി എക്സില് കുറിച്ചു. യുഡിഎഫ് ഒറ്റക്കെട്ടാണ്. കേരളത്തില് 100 സീറ്റുകളോടെ കോണ്ഗ്രസ് വന് വിജയത്തിലെത്തും.വെല്ലുവിളികളിലും കൊടുങ്കാറ്റിലും പരീക്ഷണങ്ങളിലുമെല്ലാം കേരളത്തിലെ ജനങ്ങള്ക്കൊപ്പം നിന്ന് തന്റെ ജീവിതകാലം […]
സംഘര്ഷം രൂക്ഷം; റിയാദിലെ യുഎസ് എംബസിക്ക് നേരെ ഡ്രോണ് ആക്രമണം; ഹോര്മുസ് കടലിടുക്ക് ഇറാന് അടച്ചു
ടെഹ്റാന് : ഇറാന്റെ പരമോന്നത നേതാവ് ആയത്തുല്ല അലി ഖാംനഈ കൊല്ലപ്പെട്ടതിന് പിന്നാലെ പശ്ചിമേഷ്യന് മേഖലയില് സംഘര്ഷം രൂക്ഷമായി. ഇറാന്റെ തലസ്ഥാനമായ ടെഹ്റാനില് ഇസ്റാഈലും അമേരിക്കയും അതിശക്തമായ ബോംബാക്രമണം തുടരുകയാണ്. തിരിച്ചടിയായി ഇറാന് ഗള്ഫ് രാജ്യങ്ങളിലെ അമേരിക്കന് കേന്ദ്രങ്ങള്ക്ക് നേരെ മിസൈല്-ഡ്രോണ് വര്ഷവും നടത്തുന്നു. ഇതിനിടെ, ആഗോള എണ്ണവ്യാപാരത്തിന്റെ നട്ടെല്ലായ ഹോര്മുസ് കടലിടുക്ക് ഇറാന് അടച്ചതോടെ ലോകം വന് സാമ്പത്തിക പ്രതിസന്ധിയിലേക്ക് നീങ്ങുന്ന സാഹചര്യവും ഉണ്ടായിരിക്കുന്നു. ടെഹ്റാനില് കനത്ത ബോംബാക്രമണം; 787 മരണം തിങ്കളാഴ്ച അര്ദ്ധരാത്രി മുതല് […]




