പ്രധാനമന്ത്രി നരേന്ദ്രമോദി വയനാട്ടിലെ ഉരുള്പൊട്ടല് ദുരന്തമേഖലകള് സന്ദര്ശിക്കും. ശനിയാഴ്ചയാണ് പ്രധാനമന്ത്രി വയനാട്ടിലെത്തുക. ഡല്ഹിയില് നിന്നും പ്രത്യേക വിമാനത്തില് കണ്ണൂരിലെത്തുന്ന അദ്ദേഹം തുടര്ന്ന് ഹെലികോപ്ടറിലാകും മേപ്പാടിയിലെത്തുക. മേപ്പാടിയിലെത്തുന്ന അദ്ദേഹം ഉരുള്പൊട്ടലുണ്ടായ ചൂരല്മല, മുണ്ടക്കൈ മേഖലയും ദുരിതാശ്വാസ ക്യാമ്പുകളും സന്ദര്ശിച്ചേക്കും. സന്ദര്ശനത്തിന്റെ കാര്യം പ്രധാനമന്ത്രിയുടെ ഓഫീസ് ഔദ്യോഗികമായി കേരളത്തെ അറിയിച്ചു. വരവിനോട് അനുബന്ധിച്ചുള്ള ക്രമീകരണങ്ങളും ആരംഭിച്ച് കഴിഞ്ഞു. പ്രധാനമന്ത്രിയുടെ സുരക്ഷാ ചുമതലയുള്ള എസ് പി ജി സംഘം വയനാട്ടിലെത്തും. കേരളത്തിലേക്ക് ഒരു സാങ്കേതിക സംഘത്തെ പ്രധാനമന്ത്രി അയക്കുമെന്ന വിവരങ്ങളും പുറത്ത് വരുന്നുണ്ട് .വയനാട്ടിലെത്തുന്ന എസ് പി ജി സംഘം മേഖലയില് പരിശോധന നടത്തും. അതോടൊപ്പം നിര്ണ്ണായക യോഗങ്ങളും നടക്കും. പ്രധാനമന്ത്രി കേരളത്തിലെ ദുരന്ത ഭൂമി സന്ദര്ശിക്കാത്തതില് കോണ്ഗ്രസ് ഉള്പ്പെടേയുള്ള പ്രതിപക്ഷ പാര്ട്ടികള് ഇന്ന് പാര്ലമെന്റില് അടക്കം പ്രതിഷേധം അറിയിച്ചിരുന്നു. പ്രധാനമന്ത്രിയുടെ സന്ദര്ശനത്തെ വളരെ പ്രതീക്ഷയോടെയാണ് കേരളവും നോക്കിക്കാണുന്നത്. ദുരന്തം നേരിട്ട വയനാടിനായി കേന്ദ്ര സര്ക്കാര് പ്രത്യേക പാക്കേജ് പ്രഖ്യാപിക്കുമോയെന്നും സംസ്ഥാനം ഉറ്റുനോക്കുന്നു.
Related Articles
വീണ്ടും നിരാശ; പതിനൊന്നാം തവണയും അബ്ദുല് റഹീം കേസ് മാറ്റിവച്ചു
സഊദി ബാലന് കൊല്ലപ്പെട്ട കേസില് 19 വര്ഷമായി റിയാദിലെ ജയിലില് കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി മച്ചിലകത്ത് അബ്ദുല് റഹീമിന്റെ മോചനകാര്യത്തില് ഇന്നും നതീരുമാനമുണ്ടായില്ല. പബ്ലിക് റൈറ്റ് പ്രകാരമുള്ള കേസില് തീര്പ്പാവാത്തതാണ് ജയില് മോചനം അനന്തമായി നീളാന് കാരണം. ഇത് പതിനൊന്നാം തവണയാണ് റിയാദിലെ ക്രിമിനല് കോടതി കേസ് മാറ്റിവെക്കുന്നത്. തിങ്കളാഴ്ച രാവിലെ എട്ടിന് സിറ്റിങ് ആരംഭിച്ചെങ്കിലും മറ്റൊരു ദിവസത്തേക്ക് മാറ്റിവെക്കുകയായിരുന്നു. ഇത് പതിനൊന്നാം തവണയാണ് റിയാദിലെ ക്രിമിനല് കോടതി കേസ് മാറ്റിവെക്കുന്നത്. അബ്ദുല് റഹീമും […]
രാജസ്ഥാനിലെ രണ്ട് ഗ്രാമങ്ങളില് അജ്ഞാതരോഗം പടരുന്നു;അഞ്ച് ദിവസത്തിനിടെ അഞ്ച് കുട്ടികള് മരിച്ചു
ജയ്പുര്: രാജസ്ഥാനിലെ രണ്ട് ഗ്രാമങ്ങളില് അജ്ഞാതരോഗം പടരുന്നതായി റിപ്പോര്ട്ട്. അഞ്ച് ദിവസത്തിനിടെ അഞ്ച് കുട്ടികള് മരിച്ചു. മരിച്ച കുട്ടികള് രണ്ട് വയസിനും നാല് വയസിനും ഇടയില് പ്രായമുള്ളവരാണ്. സലുമ്പാര് ജില്ലയിലെ ഘാട്ട, ലാല്പുര ഗ്രാമങ്ങളിലാണ് അജ്ഞാതരോഗം പടരുന്നത്. അസുഖത്തിന്റെ കാരണം കണ്ടെത്താന് ഗ്രാമത്തില് ആരോഗ്യവകുപ്പിന്റെ പരിശോധനകള് തുടരുകയാണ്. ഗ്രാമങ്ങളില് ആര്എന്ടി മെഡിക്കല് കോളജിന്റെ നേതൃത്വത്തില് വിപുലമായ പരിശോധനകള് നടക്കുന്നുണ്ട്. ആളുകളുടെ രക്തത്തിന്റെ സാമ്പിളുകളും പ്രദേശത്തെ ജലസ്രോതസില് നിന്നുള്ള സാമ്പിളുകളും ശേഖരിച്ചിട്ടുണ്ട്. രോഗം പകരുന്നത് എങ്ങനെയാണെന്നോ രോഗത്തിന്റെ കാരണം […]
ഭാവിയുടെ വാഗ്ദാനങ്ങളായി 12 എഴുത്തുകാര്
ദില്ലി: രാജ്യത്തെ യുവതലമുറയുടെ കഴിവുകള് വളര്ത്തിയെടുക്കാനായി ഡെയ്ലി ഹണ്ടിന്റെ നേതൃത്വത്തില് തുടങ്ങിയ #StoryForGlory (സ്റ്റോറി ഫോര് ഗ്ലോറി) വന് വിജയം. 12 പുതുതലമുറ എഴുത്തുകാരെയാണ് ഇതിലൂടെ ലഭിച്ചിരിക്കുന്നത്. കഠിനമായ പരിശീലനവും, സെലക്ഷന് പ്രക്രിയയും കടന്നാണ് ഇത്രയും പേരെ കണ്ടെത്തിയിരിക്കുന്നത്.




