മുണ്ടക്കൈ-ചൂരല്മല മേഖലകളില് സര്വനാശം സൃഷ്ടിച്ച ഉരുള്പൊട്ടലിന് പിന്നാലെ മൂന്ന് വില്ലേജുകള് ഉള്പ്പെടുന്ന മേപ്പാടി പഞ്ചായത്തിനെ ദുരന്തബാധിത മേഖലയായി പ്രഖ്യാപിച്ച് സംസ്ഥാന സര്ക്കാര്. വൈത്തിരി താലൂക്കിലെ കോട്ടപ്പടി, വെള്ളാര്മല, തൃക്കൈപ്പറ്റ വില്ലേജുകള് ഉള്പ്പെടുന്ന പ്രദേശമാണ് ദുരന്തബാധിത മേഖല. സംസ്ഥാന ദുരിതാശ്വാസ കമ്മീഷണറും പ്രിന്സിപ്പല് സെക്രട്ടറിയുമായ ടിങ്കു ബിസ്വാള് ആണ് ഇതുസംബന്ധിച്ച ഉത്തരവിറക്കിയത്. ഉരുള്പൊട്ടലുണ്ടായ ജൂലൈ മുപ്പത് മുതല് ഈ പ്രദേശങ്ങള് ദുരന്തബാധിത പ്രദേശങ്ങളായി കണക്കാക്കുമെന്ന് ഉത്തരവില് പറയുന്നു. ഉരുള്പൊട്ടലില് ഏറ്റവും കൂടുതല് ബാധിക്കപ്പെട്ട മേഖലകളില് ഒന്നായിരുന്നു വെള്ളാരിമല വില്ലേജ് ഓഫീസിന്റെ പരിധിയില് ഉള്പ്പെടുന്ന മുണ്ടക്കൈ, ചൂരല്മല, അട്ടമല എന്നീ പ്രദേശങ്ങള്. മേപ്പാടി പഞ്ചായത്തിലെ 10, 11, 12 വാര്ഡുകളായിരുന്നു ഇവ മൂന്നും. വെള്ളാരിമല വില്ലേജ് ഓഫീസ് കെട്ടിടത്തിന് ഉള്പ്പെടെ ഉരുള്പൊട്ടലില് കേടുപാടുകള് സംഭവിച്ചിരുന്നു. തുടര്ന്ന് കഴിഞ്ഞ നാല് ദിവസമായി വില്ലേജ് ഓഫീസിന്റെ പ്രവര്ത്തനം ഉള്പ്പെടെ നിലച്ചിരുന്നു. ജൂലൈ 30 പുലര്ച്ചെ ഒന്നിലേറെ തവണ ഉണ്ടായ ഉരുള്പൊട്ടലില് മുന്നൂറിലധികം പേര്ക്ക് ജീവന് നഷ്ടപ്പെടുകയും നൂറുകണക്കിന് പേര്ക്ക് പരിക്കേല്ക്കുകയും ചെയ്തിരുന്നു. മരണസംഖ്യ ഇനിയും ഉയരുമെന്നാണ് ആശങ്ക. ഇരുന്നൂറില് അധികം പേരെ ഇനിയും കണ്ടെത്താനുണ്ടെന്നാണ് കണക്കുകള് വ്യക്തമാക്കുന്നത്. മേഖലയിലെ അയ്യായിരത്തില് അധികം വരുന്ന ജനങ്ങളെയാണ് ഉരുള്പൊട്ടല് നേരിട്ട് ബാധിച്ചത്. നാനൂറിലധിക വീടുകള് ഉണ്ടായിരുന്ന മുണ്ടക്കൈ മേഖലയില് നിലവില് ശേഷിക്കുന്നത് അന്പതില് താഴെ വീടുകള് മാത്രമാണ്. അത്രയും അധികമാണ് ദുരന്തത്തിന്റെ വ്യാപ്തി. നിലവില് രക്ഷപ്പെട്ടവര് മേപ്പാടിയിലെ തന്നെ വിവിധ ദുരിതാശ്വാസ കേന്ദ്രങ്ങളിലാണ് കഴിയുന്നത്. അതേസമയം, ഉരുള്പൊട്ടലിന്റെ പശ്ചാത്തലത്തില് മാനസികാഘാതം ലഘൂകരിക്കുന്നതിന് ആരോഗ്യ വകുപ്പിന്റെ നേതൃത്വത്തില് ഊര്ജിത പ്രവര്ത്തനങ്ങള് നടന്നു വരുന്നതായി മന്ത്രി വീണാ ജോര്ജ് അറിയിച്ചിട്ടുണ്ട്. ജൂലൈ 30ന് തന്നെ ആരോഗ്യ വകുപ്പ് ജില്ലയില് മാനസികാരോഗ്യ ദുരന്ത നിവാരണ ടീം രൂപീകരിച്ചുവെന്ന് മന്ത്രി വ്യക്തമാക്കി. ഉരുള്പൊട്ടലുമായി ബന്ധപ്പെട്ട എല്ലാ ആശുപത്രികളിലും ദുരിതാശ്വാസ ക്യാമ്പുകളിലും, മാനസികാരോഗ്യ ഹെല്പ്പ് ഡെസ്കുകള് സ്ഥാപിച്ചു. ഇതില് സൈക്ക്യാട്രിസ്റ്റിന്റെ നേതൃത്വത്തില് ക്ലിനിക്കല് സൈക്കോളജിസ്റ്റ്കള്, സൈക്ക്യാട്രിക്ക് സോഷ്യല് വര്ക്കര്മാര്, കൗണ്സിലര്മാര് എന്നിവരടങ്ങുന്ന 121 അംഗീകൃത മാനസികാരോഗ്യ പ്രവര്ത്തകരെ ഉള്പ്പെടുത്തിയെന്നും മന്ത്രി അറിയിച്ചു.
Related Articles
ആലപ്പുഴയില് പട്ടാപ്പകല് വീടുകയറി അക്രമം
ആലപ്പുഴ: ആലപ്പുഴയില് ഒരു സംഘം വീട് കയറി ആക്രമിച്ചു. വളഞ്ഞവഴി അയോധ്യ നഗറിലാണ് സംഭവം. ഗര്ഭിണി ഉള്പ്പടെയുള്ള വീട്ടുക്കാരെ വടിവാളുമായി എത്തിയ സംഘം ആക്രമിക്കുകയായിരുന്നു. ഇതിന്റെ ദൃശ്യങ്ങള് പുറത്തുവന്നിട്ടിട്ടുണ്ട്. സ്ഥലത്തെത്തിയ പൊലീസിന് നേരെയും കയ്യേറ്റശ്രമം നടന്നു. സംഭവത്തില് നാല് സ്ത്രീകള്ക്കാണ് പരിക്കേറ്റത്. ഇവരെ അടുത്തുള്ള ആശുപത്രിയില് പ്രവേശിപ്പിച്ചു. എട്ടംഗ അക്രമി സംഘത്തിലെ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്.
തൃശൂര് ഡിഐജി ഓഫീസിന് മുന്നില് യൂത്ത് കോണ്ഗ്രസിന്റെ ‘കൊലച്ചോറ് സമരം’
തൃശൂര്: തൃശൂരില് ഡിഐജി ഓഫീസിന് മുന്നില് യൂത്ത് കോണ്ഗ്രസ് ‘കൊലച്ചോറ് സമരം’ നടത്തി. കുന്നംകുളത്തെ കസ്റ്റഡി മര്ദനത്തില് പ്രതിഷേധിച്ചാണ് യൂത്ത് കോണ്ഗ്രസ് പ്രവര്ത്തകരുടെ പ്രതീകാത്മക സമരം. മര്ദിച്ച പോലീസുകാരുടെ മുഖംമൂടി ധരിച്ച് പോലീസ് യൂണിഫോം ധരിച്ചാണ് സമരക്കാര് പ്രതിഷേധത്തിനെത്തിയത്. ഡിഐജി ഓഫീസിന് മുന്നിലെ ബാരിക്കേഡിന് സമീപം ഇലയിട്ട് പ്രതിഷേധവും നടത്തിയിരുന്നു. പോലീസ് സ്റ്റേഷനുകളില് ആളുകളെ തല്ലിക്കൊല്ലുകയാണെന്ന് യൂത്ത് കോണ്ഗ്രസ് ആരോപിച്ചു. 2023 ഏപ്രില് അഞ്ചിനാണ് യൂത്ത് കോണ്ഗ്രസ് ചൊവ്വന്നൂര് മണ്ഡലം പ്രസിഡന്റ് വി എസ് സുജിത്തിനെ കുന്നംകുളം […]
അര്ജുന് ഇനി ഓര്മ്മ, കണ്ണീരോടെ വിടനല്കി ജന്മനാടും കുടുംബവും; മൃതദേഹം വീട്ടുവളപ്പില് സംസ്കരിച്ചു
ഷിരൂരിലെ മണ്ണിടിച്ചിലില് മരിച്ച അര്ജുന്റെ മൃതദേഹം കോഴിക്കോട് കണ്ണാടിക്കലിലെ വീട്ടുവളപ്പില് സംസ്കരിച്ചു. കുടുംബാംഗങ്ങളും നാട്ടുകാരുമടക്കമുള്ളവര് അന്ത്യാഞ്ജലി അര്പ്പിച്ചു. ഹൈന്ദവാചാര പ്രകാരമുള്ള ചടങ്ങുകള്ക്ക് ശേഷം വീട്ടുവളപ്പില് ഒരുക്കിയ ചിതയിലാണ് സംസ്കരിച്ചത്. അര്ജുന്റെ സഹോദരന് അഭിജിത്ത് ആണ് ചിതയ്ക്ക് തീകൊളുത്തിയത്. മന്ത്രി കെ ബി ഗണേഷ് കുമാര് അടക്കം രാഷ്ട്രീയ പ്രമുഖര് ചടങ്ങില് സന്നിഹിതരായിരുന്നു. ജന്മനാടുനല്കിയ യാത്രാമൊഴിയോടെയാണ് അര്ജുന് എന്ന മുപ്പതുകാരന് വിടവാങ്ങിയത്. അര്ജുന് അന്ത്യാഞ്ജലി അര്പ്പിക്കാന് ആയിരങ്ങളാണ് കണ്ണാടിക്കലിലെ വീട്ടിലെത്തിയത്



