ചുളളിക്കര : കളളാര് പഞ്ചായത്ത് ചുളളിക്കര എല് പി സ്ക്കുളില് ദുരിതാശ്വാസ ക്യാമ്പ് തുറന്നു. 22 കുടുംബങ്ങളെ മാറ്റിപാര്പ്പിച്ചു.പഞ്ചായത്ത് പരിധിയിലെ ഓട്ടക്കണ്ടം, മുണ്ടമാണി, കുട്ടിക്കാനം എന്നിവിടങ്ങളില് നിന്നുളള 18 കുടുംബങ്ങളെ ദുരിതാശ്വാസക്യാമ്പിലും 4 കുടുംബങ്ങളെ അവരുടെ ബന്ധുവീടുകളിലേക്കുമാണ് മാറ്റിയത്. പഞ്ചായത്തും റവന്യു, ആരോഗ്യവകുപ്പും ക്യാമ്പൊരുക്കുന്നതിന് നേതൃത്വം നല്കി.
കളളാര്: കള്ളാര് പഞ്ചായത്തിലെ മണ്ണിടിച്ചല് ഭീഷണിയുള്ള മുണ്ടമാണി നീലിമല എന്നി പ്രദേശങ്ങളിലെ നൂറോളം ആള്ക്കാര് താമസിക്കുന്ന ചുള്ളിക്കര സ്കൂളിലെ ദുരിതാശ്വാസ ക്യാമ്പിലേക്ക് സേവാഭാരതി കള്ളാര് യൂണിറ്റിന്റെ നേതൃത്വത്തില് ഭക്ഷ്യസാധനങ്ങള് നല്കി.
കളളാർ : അടോട്ടുകയയിൽ നിന്നും പാണത്തൂരിലെക്ക് പോവുകയായിരുന്നു കുഴൽക്കിണർ ലോറി മറിഞ്ഞു. ഡ്രൈവർ ഉൾപ്പെടെ 9 പേർക്ക് പരിക്കേറ്റു. കുത്തനെയുള്ള ഇറക്കത്തിൽ നിയന്ത്രണം വിട്ടതാണ് അപകടകാരണം. അപകടത്തിൽ ഡ്രൈവർ ഉൾപ്പെടെ വാഹനത്തിൽ ഉണ്ടായിരുന്ന 9 തൊഴിലാളികൾക്കാണ് പരിക്കേറ്റത്. പരിക്കേറ്റ 3 പേരെ പൂടംകല്ല് താലൂക്ക് ആശുപത്രിയിലും 6 പേരെ കാഞ്ഞങ്ങാട് ജില്ലാ ആശുപത്രിയിലെയ്ക്കും മാറ്റി. ഓടിക്കൂടിയ നാട്ടുകാരാണ് രക്ഷാപ്രവർത്തനംനടത്തിയത്.