വയനാട് ഉരുള്പൊട്ടലില് സഹായഹസ്തവുമായി തമിഴ്നാട്. രക്ഷാപ്രവര്ത്തനത്തിനും പുനരധിവാസത്തിനുമായി സംസ്ഥാനത്തിന് അഞ്ച് കോടി രൂപ നല്കും എന്ന് തമിഴ്നാട് മുഖ്യമന്ത്രി എംകെ സ്റ്റാലിന് അറിയിച്ചു. മുഖ്യമന്ത്രി പിണറായി വിജയനുമായി താന് ഫോണില് സംസാരിച്ചു എന്ന് സ്റ്റാലിന് അറിയിച്ചു. വയനാട്ടിലെ ഉരുള്പൊട്ടല് ദുരന്തത്തില് ബാധിക്കപ്പെട്ട മലയാളി സഹോദരങ്ങളുടെ ദുഃഖത്തില് തമിഴ്നാട് പങ്കുചേരുന്നു എന്നും അദ്ദേഹം പറഞ്ഞു. ഐ എ എസ് ഉദ്യോഗസ്ഥരുടെ നേതൃത്വത്തില് രണ്ട് സംഘങ്ങളെ സഹായിക്കാന് അയക്കുന്നുണ്ട്. ഇത് കൂടാതെ, ഞങ്ങള് ഡോക്ടര്മാരും നഴ്സുമാരും അടങ്ങുന്ന ഒരു മെഡിക്കല് സംഘത്തെയും ഫയര് & റെസ്ക്യൂ സര്വീസസ് ടീമിനെയും അയയ്ക്കുന്നുണ്ട്,’ സ്റ്റാലിന് ഫേസ്ബുക്കില് കുറിച്ചു. നമ്മള് ഒറ്റക്കെട്ടായി ഈ ദുരന്തത്തെ തരണം ചെയ്യും എന്നും അദ്ദേഹം കൂട്ടിച്ചേര്ത്തു. നേരത്തെ പ്രധാനമന്ത്രി നരേന്ദ്ര മോദി, ലോക്സഭയിലെ പ്രതിപക്ഷ നേതാവ് രാഹുല് ഗാന്ധി, കേന്ദ്ര ആഭ്യന്തര മന്ത്രി അമിത് ഷാ എന്നിവരും പിണറായി വിജയനുമായി സംസാരിച്ചിരുന്നു. രക്ഷാപ്രവര്ത്തനത്തിന് എല്ലാ സഹായങ്ങളും കേന്ദ്ര സര്ക്കാര് വാഗ്ദാനം ചെയ്തിട്ടുണ്ട്. ദുരന്തത്തില് മരിച്ചവര്ക്ക് രണ്ട് ലക്ഷം രൂപയും പരിക്കേറ്റവര്ക്ക് 50000 രൂപയും പ്രധാനമന്ത്രിയുടെ ദുരിതാശ്വാസനിധിയില് നിന്ന് നല്കും.
Related Articles
നേമം, കൊച്ചുവേളി റെയില്വേ സ്റ്റേഷനുകളുടെ പേര് മാറ്റി
തിരുവനന്തപുരം ജില്ലയിലെ പ്രധാനപ്പെട്ട രണ്ട് റെയില് വേ സ്റ്റേഷനുകളാണ് കൊച്ചുവേളിയും നേമവും. രാജ്യത്തെ വിവിധ നഗരങ്ങളേയും തിരുവനന്തപുരത്തേയും തമ്മില് ബന്ധിപ്പിക്കുന്ന വിവിധ ട്രെയിനുകള് യാത്ര ആരംഭിക്കുന്നതും അവസാനിപ്പിക്കുന്നതുമായി സ്റ്റേഷനെന്ന പ്രത്യേകതയും കൊച്ചുവേളിക്കുണ്ട്. ഇപ്പോഴിതാ ഈ രണ്ട് സ്റ്റേഷനുകളുടേയും പേര് മാറാന് പോകുന്നു. നേമം, കൊച്ചുവേളി റെയില്വേ സ്റ്റേഷനകളുടെ പേര് മാറ്റണമെന്ന ആവശ്യം നേരത്തെ തന്നെ ഉയര്ന്നിരുന്നു. സംസ്ഥാന സര്ക്കാര് തന്നെയായിരുന്നു ഈ ആവശ്യത്തിനു പുന്നില്. രണ്ട് സ്റ്റേഷനുകള്ക്കും പകരം നല്കേണ്ട പേരും സര്ക്കാര് കണ്ടുവെച്ചിരുന്നു. എന്നാല് പേര് […]
പി പി ദിവ്യയുടെ ജാമ്യാപേക്ഷയില് വിധി വെള്ളിയാഴ്ച
എഡിഎമ്മിന്റെ മരണവുമായി ബന്ധപ്പെട്ട് ആത്മഹത്യാ പ്രേരണക്കുറ്റത്തിന് റിമാന്ഡില് കഴിയുന്ന കണ്ണൂര് ജില്ലാ പഞ്ചായത്ത് മുന് പ്രസിഡന്റ് പി പി ദിവ്യയുടെ ജാമ്യാപേക്ഷയില് കോടതി വെള്ളിയാഴ്ച വിധി പറയും.നവീന് ബാബുവിനെതിരെ കൈക്കൂലി വാങ്ങിയതില് തെളിവില്ലെന്ന് പ്രോസിക്യൂഷന് കോടതിയില് വാദിച്ചു. എന്നാല് എഡിഎം കൈക്കൂലി വാങ്ങിയെന്നും ഇതിന് സാഹചര്യ തെളിവുകള് മാത്രമേ ഉള്ളൂ എന്നും ദിവ്യയുടെ വക്കീല് വാദിച്ചു. തെളിവായി പ്രശാന്തിന്റെയും എഡിഎമ്മിന്റെയും ഫോണ്രേഖകളും കൈമാറി. നിരപരാധിയെ ജയിലിലടക്കാന് വ്യഗ്രതയെന്നും പ്രതിഭാഗം കോടതിയില് വാദിച്ചു. തലശ്ശേരി പ്രിന്സിപ്പല് സെഷന്സ് കോടതിയാണ് […]
എസ് ഐ ആര്: കേരളം സുപ്രീം കോടതിയിലേക്ക്; തീരുമാനമെടുത്ത് സര്വകക്ഷി യോഗം
തിരുവനന്തപുരം : തീവ്ര വോട്ടര് പട്ടിക പരിഷ്കരണ (എസ് ഐ ആര്)ത്തിനെതിരെ സുപ്രീം കോടതിയെ സമീപിക്കാനൊരുങ്ങി കേരളം. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന സര്വകക്ഷി യോഗമാണ് ഈ തീരുമാനമെടുത്തത്. കേസില് കക്ഷിചേരുമെന്ന് കോണ്ഗ്രസ്സ് അറിയിച്ചു. ബി ജെ പി ഒഴികെയുള്ള എല്ലാ കക്ഷികളും സുപ്രീം കോടതിയെ സമീപിക്കുന്നതിനെ അനുകൂലിച്ചു. സംസ്ഥാനത്ത് തദ്ദേശ സ്വയംഭരണ തിരഞ്ഞെടുപ്പ് ആസന്നമായിരിക്കേ, എസ് ഐ ആര് ചോദ്യം ചെയ്യാനുള്ള നിയമോപദേശം സര്ക്കാര് എന്ന നിലയിലും രാഷ്ട്രീയ പാര്ട്ടി എന്ന നിലയിലും തേടുമെന്ന് […]



