സംസ്ഥാനത്ത് ചൂട് കനക്കുന്നു. എട്ടു ജില്ലകളില് താപനില മുന്നറിയിപ്പ് ഉണ്ട്. കനത്ത ചൂടിന്റെ പശ്ചാത്തലത്തില് ജാഗ്രതയുടെ ഭാഗമായി ഈ ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലേര്ട്ട് പ്രഖ്യാപിച്ചു. കൊല്ലം, കോട്ടയം, പാലക്കാട് ജില്ലകളില് 37 ഡിഗ്രി സെല്ഷ്യസ് വരെയും ആലപ്പുഴ, എറണാകുളം, തൃശൂര്, കോഴിക്കോട്, കണ്ണൂര് ജില്ലകളില് 36 ഡിഗ്രി സെല്ഷ്യസ് വരെയും അടുത്ത ദിവസങ്ങളില് താപനില ഉയര്ന്നേക്കും എന്നാണ് കാലാവസ്ഥ വകുപ്പിന്റെ മുന്നറിയിപ്പില് പറയുന്നത്. സാധാരണയെക്കാള് 2-3 ഡിഗ്രി സെല്ഷ്യസ് വരെ താപനില ഉയരാന് സാധ്യത ഉണ്ട്. കാലാവസ്ഥ വകുപ്പിന്റെ കണക്ക് പ്രകാരം സംസ്ഥാനത്ത് ഏറ്റവും കൂടുതല് ചൂട് രേഖപ്പെടുത്തിയത് പുനലൂരിലാണ് ( 37.8). ചൂട് ഉയരുന്നതിനിടെ തൃശൂര് , എറണാകുളം ജില്ലകളിലെ ചില മേഖലകളില് ചെറിയ തോതില് മഴ ലഭിച്ചു. മധ്യ തെക്കന് ജില്ലയില് മഴ ലഭിക്കാന് സാധ്യത ഉണ്ടെന്ന് കാലാവസ്ഥാ വിദഗ്ധര് പറയുന്നു. അതേ സമയം സംസ്ഥാനത്ത് താപനില ഉയര്ന്ന നിലയില് തുടരുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ് ഉണ്ട്. സൂര്യാഘാതം ഏല്ക്കാനുള്ള സാധ്യതകള് കൂടുതല് ആയതിനാല് ആളുകളള് ജ?ഗ്രത പാലിക്കണമെന്ന് അധികൃതര് അറിയിച്ചു. സൂര്യാഘാത സാധ്യത പരിഗണിച്ച് വെയിലത്ത് ജോലി ചെയ്യുന്നവരുടെ ജോലി സമയം പുനക്രമീകരിച്ചിട്ടുണ്ട്. വെയിലത്ത് ജോലി ചെയ്യുന്ന തൊഴിലാളികളുടെ സമയം ഏപ്രില് 30 വരെയാണ് പുനക്രമീകരിച്ചത്. താപ നില ഉയരുന്ന സാഹചര്യത്തിലാണ് ജോലി സമയം പുന ക്രമീകരിച്ചുകൊണ്ടുളള ലേബര് കമ്മീഷണറേറ്റിന്റെ ഉത്തരവ്. പകല് സമയം ജോലി ചെയ്യുന്നവര്ക്ക് 12 മുതല് വൈകീട്ട് മൂന്ന് വരെ വിശ്രമം അനുവദിക്കും. ഷിഫ്റ്റ് വ്യവസ്ഥയില് ഉള്ളവര്ക്ക് ഉച്ചയ്ക്ക് 12 ന് ഷിഫ്റ്റ് അവസാനിക്കും. വൈകീട്ട് മൂന്നിന് ഇത് പുനരാരംഭിക്കുന്ന തരത്തിലാണ് ക്രമീകരണം. ജില്ലാ ലേബര് ഓഫീസര്, അസി. ലേബര് ഓഫീസര് എന്നിവരുടെ മേല്നോട്ടത്തില് പ്രത്യേക ടീമുകള് രൂപീകരിച്ച് ദൈനംദിന പരിശോധന നടത്തും.
Related Articles
സ്വര്ണവില പവന് ഒരു ലക്ഷത്തില് താഴെയെത്തി; ഇന്ന് രണ്ട് തവണകളായി കുറഞ്ഞത് 7000ത്തിലേറെ രൂപ
കൊച്ചി : സംസ്ഥാനത്ത് സ്വര്ണവിലയില് ഇന്ന് രണ്ട് തവണകളായി ഏഴായിരത്തിലേറെ രൂപയുടെ ഇടിവ്. സ്വര്ണവില പവന് ഒരു ലക്ഷം രൂപയ്ക്ക് താഴെയെത്തി. ഇന്ന് രണ്ട് തവണകളായാണ് സ്വര്ണത്തിന്റെ വില കുറഞ്ഞത്. രാവിലെ ഒരു പവന് സ്വര്ണത്തിന് 4360 രൂപയാണ് കുറഞ്ഞത്. ഉച്ചയ്ക്ക് ശേഷം സ്വര്ണം പവന് 3200 രൂപ കൂടി ഇടിഞ്ഞതോടെ ഒരു പവന് സ്വര്ണത്തിന് 99,480 രൂപയായി. രാവിലെ പവന് 102680 രൂപയായിരുന്നു വില. ഇന്ന് മാത്രം സ്വര്ണത്തിന് ഇടിഞ്ഞത് 7560 രൂപയാണ്. ഈ മാസം […]
എഴുപതാമത്-നെഹ്റു-ട്രോഫി/ ജേതാക്കളായി കാരിച്ചാല് ചുണ്ടന്
എഴുപതാമത് നെഹ്റു ട്രോഫി വള്ളം കളിയില് ജേതാക്കളായി കാരിച്ചാല് ചുണ്ടന് . വാശിയേറിയ മത്സരമാണ് നടന്നത്. ചെറുവള്ളങ്ങളുടെ ഹീറ്റ് മത്സരത്തോടെയാണ് മത്സരം തുടങ്ങിയത്. ഇത്തവണ വിജയകിരീടത്തില് മുത്തമിട്ടതോടെ പതിനാറാം കിരീടം സ്വന്തമാക്കിയിരിക്കുകയാണ് പള്ളാത്തുരിത്തിയുടെ കാരിച്ചാല്. തുടര്ച്ചയായി അഞ്ചാം കിരീടം സ്വന്തമാക്കിയിരിക്കുകയാണ് പള്ളാത്തുരിത്തി ബോട്ട് ക്ലബ്. വി ബി സി കൈനകരിയുടെ വീയപുരം ചുണ്ടനാണ് രണ്ടാം സ്ഥാനത്ത്. കുമരകം ടൗണ് ബോട്ട് ക്ലബിന്റെ നടുഭാഗം ചുണ്ടനും നിരണം ബോട്ട് ക്ലബ് തുഴഞ്ഞ നിരണം ചുണ്ടനും മൂന്നാമതും നാലാമതുമായി ഫിനിഷ് […]
പയ്യന്നൂരില് അക്രമം തുടരുന്നു ; എഡിഎം സമാധാനയോഗം വിളിച്ചു
കണ്ണൂര്: തെരഞ്ഞെടുപ്പിനു പിന്നാലെ പയ്യന്നൂരില് അക്രമങ്ങള് തുടരുന്ന പശ്ചാത്തലത്തില് എഡിഎം സമാധാനയോഗം വിളിച്ചു. പയ്യന്നൂര് താലൂക്ക് ഓഫീസ് കോണ്ഫറന്സ് ഹാളില് ?ന്ന് വൈകുന്നേരം ചേരുന്ന യോഗത്തില് എല്ലാ കക്ഷികളും പങ്കെടുക്കണമെന്ന് ജില്ലാഭരണകൂടം അഭ്യര്ഥിച്ചു. വോട്ടെടുപ്പ് കഴിഞ്ഞ് രണ്ടാം ദിവസവും പയ്യന്നൂരില് പരക്കെ അക്രമം തുടരുകയാണ്. സ്വതന്ത്രസ്ഥാനാര്ഥി വി.കുഞ്ഞികൃഷ്ണനെ അനുകൂലിച്ചെന്ന പേരില് സിപിഎം പ്രവര്ത്തകന് ടി.പുരുഷോത്തമന്റെ വീടിന് നേരെ കഴിഞ്ഞ ദിവസം ആക്രമണം ഉണ്ടായിരുന്നു. വീടിന്റെ ജനല് ചില്ലുകള് എറിഞ്ഞുടച്ചശേഷം പുറത്തു നിര്ത്തിയിട്ട കാര് അക്രമികള് കത്തിച്ചു. ഇന്നലെ […]



