വയനാട്ടിലെ ഉരുള്പൊട്ടല് ദുരന്തത്തിന്റെ പശ്ചാത്തലത്തില് മുഖ്യമന്ത്രിയുടെ ദുരിതാശ്വാസ നിധിയില് പങ്കുചേര്ന്ന് കൂടുതല് പേര്. ദുരിതബാധിതരെ സഹായിക്കുന്നതിന്റെ ഭാഗമായി സിപിഎം എംപിമാരും എംഎല്എമാരും ഒരു മാസത്തെ ശമ്പളം ദുരിതാശ്വാസ നിധിയിലേക്ക് സംഭാവന ചെയ്യുമെന്നാണ് അറിയിച്ചിട്ടുള്ളത്.എംപിമാരായ കെ രാധാകൃഷ്ണന്, ബികാഷ് രഞ്ചന് ഭട്ടാചാര്യ, ജോണ് ബ്രിട്ടാസ്, അംറാ റാം, വി ശിവദാസന്, എഎ റഹീം, സു വെങ്കിടേശന്, ആര് സച്ചിതാനന്തം എന്നിവര് ദുരിതാശ്വാസ നിധിയില് പങ്കാളികളാകും. മാസശമ്പളമായ ഓരോ ലക്ഷം രൂപവീതം കണക്കാക്കിയാല് എട്ട് ലക്ഷം രൂപയാവും സിപിഎം എംപിമാര് സംഭാവന ചെയ്യുക. ഇതിന് പുറമെ എംപിമാരുടെ തദ്ദേശ വികസന ഫണ്ടില്നിന്ന് മാര്ഗരേഖ പ്രകാരം പുനര്നിര്മാണ പദ്ധതികള്ക്ക് സഹായം നല്കാനും തീരുമാനിച്ചിട്ടുണ്ട്. സിപിഎം എംഎല്എമാര് അവരുടെ ഒരു മാസത്തെ വേതനമായ 50,000 രൂപ ദുരിതാശ്വാസ നിധിയിലേക്ക് സംഭാവന ചെയ്യുമെന്നും അറിയിച്ചിട്ടുണ്ട്. ഇതോടെ കൂടുതല് സംഭാവനകള് ദുരുിതാശ്വാസ നിധിയിലേക്ക് വരികയാണ്.സിപിഎം സംസ്ഥാന കമ്മിറ്റി 25 ലക്ഷം രൂപ സംഭാവന ചെയ്യുമെന്ന് അറിയിച്ചിട്ടുണ്ട്. കൂടാതെ പാര്ട്ടിയുടെ ത്രിപുര, തമിഴ്നാട് ഘടകങ്ങള് പത്ത് ലക്ഷം രൂപയും നല്കുമെന്ന്അറിയിച്ചിരുന്നു. നേരത്തെ മുഖ്യമന്ത്രി പിണറായി വിജയന് ഒരു ലക്ഷം രൂപ ദുരിതാശ്വാസ നിധിയിലേക്ക് സംഭാവന ചെയ്തിരുന്നു. അദ്ദേഹത്തിന്റെ ഭാര്യ കമല 33,000 രൂപയും സംഭാവന ചെയ്തിരുന്നു. അതേസമയം, വയനാട് ദുരന്തത്തിന് ഇരയാവര്ക്കുള്ള മുഖ്യമന്ത്രിയുടെ ദുരിതാശ്വാസ നിധിയിലേക്ക് എംഎല്എ എന്ന നിലയിലുള്ള ഒരു മാസത്തെ ശമ്പളം നല്കുമെന്ന് മുതിര്ന്ന കോണ്ഗ്രസ് നേതാവ് രമേശ് ചെന്നിത്തലയും പ്രഖ്യാപിച്ചിരുന്നു.
Related Articles
ഭിന്നശേഷിക്കാർക്ക് നൽകിവരുന്ന ഏകീകൃത തിരിച്ചറിയൽ കാർഡ് ഇനി ആധികാരിക രേഖ
തിരുവനന്തപുരം: ഭിന്നശേഷിക്കാർക്ക് നൽകിവരുന്ന ഏകീകൃത തിരിച്ചറിയൽ കാർഡ് ഇനി ആധികാരിക രേഖ. ഏകീകൃത തിരിച്ചറിയൽ കാർഡ് ഇവർക്ക് വിവിധ ആനുകൂല്യങ്ങൾ നൽകുന്നതിനുള്ള ഔദ്യോഗിക രേഖയാക്കി സർക്കാർ ഉത്തരവ് പുറത്തിറക്കി. ഭിന്നശേഷി അവകാശനിയമപ്രകാരമുള്ളതടക്കം വിവിധ ആനുകൂല്യങ്ങളും അവകാശങ്ങളും അനുവദിക്കുന്നതിനാണ് യു.ഡി.ഐ.ഡി കാർഡ് ആധികാരിക രേഖയാക്കി ഉത്തരവായത്. ചില സർക്കാർ വകുപ്പുകളും പൊതുമേഖലാ സ്ഥാപനങ്ങളും ഈ കാർഡ് അംഗീകരിക്കുന്നില്ലെന്ന പരാതിയുടെ സാഹചര്യത്തിലാണ് പുതിയ ഉത്തരവെന്ന് ഉന്നത വിദ്യാഭ്യാസ മന്ത്രി ആർ. ബിന്ദു അറിയിച്ചു. കാർഡ് ഇതുവരെ ലഭിച്ചിട്ടില്ലാത്തവർക്ക് ആനുകൂല്യങ്ങൾക്ക് ഉത്തരവുകൾ […]
മലയാളം ഇനി ഭരണഭാഷ; ബില്ലില് ഒപ്പിട്ട് ഗവര്ണര്
തിരുവനന്തപുരം : മലയാളം ഭരണഭാഷയാക്കാനുള്ള ബില്ലില് ഒപ്പിട്ട് ഗവര്ണര് രാജേന്ദ്ര ആര്ലേക്കര്. 2025 ഒക്ടോബറില് നിയമസഭ പാസാക്കിയ ബില്ലാണിത്. ബില്ല് പാസാക്കണമെന്ന് നേരത്തേ സാംസ്കാരിക നേതാക്കള് പ്രധാനമന്ത്രി നരേന്ദ്രമോദിയെ കണ്ട് ആവശ്യപ്പെട്ടിരുന്നു. ഇതോടെ ഒന്ന് മുതല് പത്ത് വരെയുള്ള ക്ലാസുകളില് മലയാളം നിര്ബന്ധമാക്കും. സര്വകലാശാല പാഠ്യക്രമങ്ങളില് മലയാളം നിര്ബന്ധമായും പഠിപ്പിക്കും. കേരള ഔദ്യോഗിക ഭാഷാ ആക്ട് 1969 പ്രകാരം സംസ്ഥാനത്ത് ഇതുവരെ ഇംഗ്ലീഷും മലയാളവുമായിരുന്നു ഔദ്യോഗിക ഭാഷ. എന്നാല് ഇപ്പോള് മലയാളം മാത്രമാണ് ഔദ്യോഗിക ഭാഷയാക്കിയിരിക്കുന്നത്. കോടതി […]
കാലത്തിന്റെ മാറ്റം എക്സൈസ് വകുപ്പിന് ഉയര്ത്തുന്നത് വലിയ വെല്ലുവിളികള്: മന്ത്രി എം ബി രാജേഷ്
ചങ്ങനാശേരി: കാലത്തിന്റെ മാറ്റം എക്സൈസ് വകുപ്പിന്റെ ചുമതലകളില് വലിയ മാറ്റങ്ങളാണു കൊണ്ടുവന്നിട്ടുള്ളതെന്നും വെല്ലുവിളികളെ ഫലപ്രദമായി നേരിടാന് കേരളത്തിലെ എക്സൈസ് സേനയ്ക്കാവുന്നുണ്ടെന്നും തദ്ദേശ സ്വയംഭരണ-എക്സൈസ് വകുപ്പു മന്ത്രി എം.ബി. രാജേഷ്. ചങ്ങനാശേരി എക്സൈസ് ഓഫീസ് സമുച്ചയത്തിന്റെ നിര്മാണോദ്ഘാടനവും ശിലാസ്ഥാപനവും ചങ്ങനാശേരി ഗവണ്മെന്റ് ഹൈസ്കൂളിലെ കുട്ടികളുടെ തിയറ്റര് ഹാളില് നടന്ന ചടങ്ങില് നിര്വഹിച്ചു കൊണ്ട് പ്രസംഗിക്കുകയാരുന്നു അദ്ദേഹം. മറ്റു സംസ്ഥാനങ്ങളിലെ ഏജന്സികളുമായി സഹകരിച്ചുകൊണ്ടു പ്രവര്ത്തിക്കാന് എക്സൈസ് വകുപ്പിന് കഴിഞ്ഞിട്ടുണ്ട്. ആന്ഡമാന് നിക്കോബാര് ദ്വീപുകള് കണ്ട ഏറ്റവും വലിയ ലഹരിവേട്ടയ്ക്കിടയാക്കിയത് കേരളത്തിലെ […]



