പ്രളയം, ഉരുള്പൊട്ടല്, കടല്ക്ഷോഭം, ചുഴലിക്കാറ്റുകള് തുടങ്ങിയ വിവിധ തരത്തിലുള്ള പ്രകൃതിദുരന്തങ്ങളുടെ ആവര്ത്തനമാണ് സമീപകാലത്ത് ഉണ്ടാകുന്നതെന്നും കാലാവസ്ഥാ വ്യതിയാനംമൂലമുണ്ടാകുന്ന വിപത്തുകള് സംബന്ധിച്ച മുന്നറിയിപ്പുകളുടെ രീതിയില് കാലഘട്ടത്തിനുസരിച്ചുള്ള മാറ്റം വരുത്താന് എല്ലാവരും തയാറാകണമെന്നും മുഖ്യമന്ത്രി പിണറായി വിജയന്. ദുരന്തങ്ങളില് ഭൂരിഭാഗവും അതിതീവ്ര മഴയുമായി ബന്ധപ്പെട്ടതാണ്. അതിതീവ്ര മഴ പലപ്പോഴും മുന്കൂട്ടി പ്രവചിക്കപ്പെടുന്നില്ല. പൊതുവായ ആഗോള ഡാറ്റാബേസും മാനദണ്ഡങ്ങളും ഉപയോഗിച്ച് ശരാശരി മഴയാണ് പ്രവചിക്കുന്നുത്. എന്നാല് പൊടുന്നനെ അതിതീവ്രമായ മഴ പെയ്യുന്നു. കേന്ദ്ര കാലാവസ്ഥ വകുപ്പ്, കേന്ദ്ര ജലകമ്മീഷന്, ജിയോളജിക്കല് സര്വ്വേ ഓഫ് ഇന്ത്യ എന്നിങ്ങനെയുള്ള കേന്ദ്ര സ്ഥാപനങ്ങളാണ് മുന്നറിയിപ്പുകള് നല്കുന്നത്. ഈ മുന്നറിയിപ്പ് രീതിയില് കാലഘട്ടത്തിനനുസൃതമായ മാറ്റങ്ങള് വരുത്തതുവാന് എല്ലാവരും തയ്യാറാകേണ്ടതുണ്ട്. കാലാവസ്ഥാ വ്യതിയാനം മൂലമുണ്ടാക്കുന്ന ദുരന്താഘാതങ്ങള് ലഘൂകരിക്കാനും കൈകാര്യംചെയ്യാനും സംസ്ഥാന സര്ക്കാര് പ്രതിജ്ഞാബദ്ധമാണ്. കോട്ടയത്ത് ഇന്സ്റ്റിറ്റ്യൂട്ട് ഫോര് ക്ലൈമറ്റ് ചേഞ്ച് സ്റ്റഡീസ് ആരംഭിച്ചത് ഈ മേഖലകളില് ഗവേഷണം നടത്തി സര്ക്കാരിന് നയപരമായ ഉപദേശങ്ങള് നല്കുകയെന്ന ലക്ഷ്യത്തോടെയാണിത്. വയനാട്ടിലെ ദുരന്തത്തിന്റെ പശ്ചാത്തലത്തില്, ദുരന്തത്തിന്റെ മൂലകാരണത്തെക്കുറിച്ച് വിശദമായ അന്വേഷണവും അത്തരം പ്രകൃതിദുരന്തങ്ങളുടെ ആഘാതം ലഘൂകരിക്കുന്നതിനായുള്ള നയപരമായ ഉപദേശങ്ങളും സമഗ്രമായിത്തന്നെ വേണ്ടതുണ്ട്. തീവ്ര മഴയുടെ പ്രവചനം മെച്ചപ്പെടുത്തുന്നതിനായി കേരളത്തിന് അനുസൃതമായ മോഡല് പരാമീറ്റേഴ്സ് വികസിപ്പിക്കുന്നതിന് പഠനങ്ങള് നടത്താന് കാലാവസ്ഥ വ്യതിയാന പഠനകേന്ദ്രത്തോട് ആവശ്യപ്പെടുമെന്നും മുഖ്യമന്ത്രി പറഞ്ഞു.
Related Articles
അര്ജുന് ഇനി ഓര്മ്മ, കണ്ണീരോടെ വിടനല്കി ജന്മനാടും കുടുംബവും; മൃതദേഹം വീട്ടുവളപ്പില് സംസ്കരിച്ചു
ഷിരൂരിലെ മണ്ണിടിച്ചിലില് മരിച്ച അര്ജുന്റെ മൃതദേഹം കോഴിക്കോട് കണ്ണാടിക്കലിലെ വീട്ടുവളപ്പില് സംസ്കരിച്ചു. കുടുംബാംഗങ്ങളും നാട്ടുകാരുമടക്കമുള്ളവര് അന്ത്യാഞ്ജലി അര്പ്പിച്ചു. ഹൈന്ദവാചാര പ്രകാരമുള്ള ചടങ്ങുകള്ക്ക് ശേഷം വീട്ടുവളപ്പില് ഒരുക്കിയ ചിതയിലാണ് സംസ്കരിച്ചത്. അര്ജുന്റെ സഹോദരന് അഭിജിത്ത് ആണ് ചിതയ്ക്ക് തീകൊളുത്തിയത്. മന്ത്രി കെ ബി ഗണേഷ് കുമാര് അടക്കം രാഷ്ട്രീയ പ്രമുഖര് ചടങ്ങില് സന്നിഹിതരായിരുന്നു. ജന്മനാടുനല്കിയ യാത്രാമൊഴിയോടെയാണ് അര്ജുന് എന്ന മുപ്പതുകാരന് വിടവാങ്ങിയത്. അര്ജുന് അന്ത്യാഞ്ജലി അര്പ്പിക്കാന് ആയിരങ്ങളാണ് കണ്ണാടിക്കലിലെ വീട്ടിലെത്തിയത്
വിദ്യാര്ത്ഥികളുടെ യാത്രാ നിരക്ക് : സംസ്ഥാനത്ത് സ്വകാര്യ ബസുടമകള് സമരത്തിലേക്ക്
സംസ്ഥാനത്ത് സ്വകാര്യ ബസുടമകള് സമരത്തിലേക്ക്; വിദ്യാര്ത്ഥികളുടെ മിനിമം യാത്ര നിരക്ക് അഞ്ച് രൂപയാക്കണം പുതിയ അധ്യയന വര്ഷത്തില് പുതിയ നിരക്ക് വേണം. ഇല്ലെങ്കില് ബസ് സര്വീസ് നിര്ത്തി വെക്കും. വിദ്യാര്ത്ഥികളുടെ യാത്രാ നിരക്ക് വര്ധിപ്പിക്കണമെന്നാണ് ബസുടമകളുടെ ആവശ്യം. മിനിമം നിരക്കായ ഒരു രൂപയില് നിന്ന് അഞ്ച് രൂപയായി ഉയര്ത്തണമെന്നാണ് ആവശ്യം. പുതിയ അധ്യയന വര്ഷത്തില് പുതിയ നിരക്ക് വേണം. ഇല്ലെങ്കില് ബസ് സര്വീസ് നിര്ത്തി വെക്കുമെന്നും ഓള് കേരള ബസ് ഓപ്പറേറ്റേഴ്സ് ഓര്ഗനൈസേഷന് പാലക്കാട് നടത്തിയ വാര്ത്താസമ്മേളനത്തില് […]
വിഴിഞ്ഞത്ത് ട്രയല് റണ് ഉദ്ഘാടനം ചെയ്ത് മുഖ്യമന്ത്രി, ‘ഇന്ത്യ ലോക ഭൂപടത്തില് ഇടംപിടിച്ചു’
വിഴിഞ്ഞത്ത് ട്രയല് റണ്ണിന്റെ ഔദ്യോഗിക ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. വിഴിഞ്ഞത്തിലൂടെ ഇന്ത്യ ലോക ഭൂപടത്തില് ഇടംപിടിച്ചെന്ന് മുഖ്യമന്ത്രി. അദാനി ഗ്രൂപ്പിനും അദ്ദേഹം നന്ദി പറഞ്ഞു. ഇത് സ്വപ്ന സാക്ഷാത്കാരമാണ്. കരണ് അദാനിക്ക് ഈ അവസരത്തില് നന്ദി അറിയിക്കുന്നതായും പിണറായി പറഞ്ഞു. കേരള വികസന അധ്യായത്തില് പുതിയ ഏടാണ് വിഴിഞ്ഞം. ദീര്ഘകാലത്തെ സ്വപ്നം യാഥാര്ത്ഥ്യമായെന്നും മുഖ്യമന്ത്രി പറഞ്ഞു. മദര്ഷിപ്പുകള് ധാരാളമായി വിഴിഞ്ഞത്തേക്ക് എത്തും. ലോകത്തിലെ വന്കിട തുറമുഖങ്ങളില് ഒന്നാണ് വിഴിഞ്ഞം. ലോകത്തെ തന്നെ ഏറ്റവും വലിയ […]



