രാജപുരം എണ്ണപ്പാറ കുടുംബാരോഗ്യ കേന്ദ്രം പൊതുജനാരോഗ്യ വിഭാഗത്തിന്റെ നേതൃത്വത്തിൽ മെയ് 16 മുതൽ നടത്തുന്ന ഊർജിത ഡെങ്കിപ്പനി പ്രതിരോധ യജ്ഞത്തിന്റെ ഭാഗമായി കോടോം കേന്ദ്രീകരിച്ചു ഗൃഹസന്ദർശനം, ഉറവിടനശീകരണം, ബോധവത്കരണം എന്നിവ സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് പി ശ്രീജ വാർഡ് മെമ്പർ പി കുഞ്ഞികൃഷ്ണൻ ആശംസകളർപ്പിച്ചു സംസാരിച്ചു. ജനപ്രതിനിധികൾ, കുടുംബശ്രീ വളണ്ടിയർമാർ, ആരോഗ്യപ്രവർത്തകർ, ആശ പ്രവർത്തകർ തുടങ്ങി നിരവധി പേർ പങ്കാളികളായി.
