ഒടയംചാല് : ബാത്തൂര് ശ്രീ ഭഗവതി ക്ഷേത്രത്തിന്റെ പരിധിയിലുള്ള ചെന്തളം പുതിയ വളപ്പ് (കരിച്ചേരി തറവാട് കോയ്മ ) വയനാട്ടുകുലവന് ദേവസ്ഥാനത്ത് ദേവപ്രശ്ന ചിന്തയും , ആഘോഷ കമ്മിറ്റി രൂപികരിരണയോഗവും നാളെ രാവിലെ 10 മണിക്ക് ദേവസ്ഥാനത്ത് നടക്കും.
രാജപുരം : ഹോസ്ദുര്ഗ് സബ് ജില്ലാ കലോത്സവം 2024 നവംബര് 4 മുതല് 8 വരെ സെന്റ് മേരീസ് എ.യു.പി. സ്കൂള് മാലക്കല്ലില് വച്ച് നടക്കും. കലാപ്രതിഭകളുടെ മത്സരവേദിയായ ഈ മഹോത്സവത്തിന്റെ ഔദ്യോഗിക ലോഗോ ഡിസൈന് നിര്മിക്കാന് സൃഷ്ടികള് ക്ഷണിച്ചു. *ലോഗോ സമര്പ്പിക്കേണ്ട അവസാന തീയതി* ഒക്ടോബര് 5 ആയി നിശ്ചയിച്ചിട്ടുണ്ട്. കലോത്സവത്തിന്റെ ആത്മാവും ആവേശവും പ്രകടമാകുന്ന സൃഷ്ടികള് ഉണ്ടാകേണ്ടതാണ്. മികച്ച ലോഗോ ഡിസൈന് മത്സരാര്ത്ഥികളെ ആദരിക്കാനും കലോത്സവത്തിന്റെ മുഖചിഹ്നമായി തിരഞ്ഞെടുക്കാനുമാണ് പദ്ധതി. സൃഷ്ടികള് *12355stmarysaups@gmail.com* എന്ന […]
ബന്തടുക്ക: കരുവാടകം ശ്രീ ദുർഗാ പരമേശ്വരി ക്ഷേത്രത്തിലെ ശ്രീകോവിൽ പുനർനിർമ്മാണത്തിന്റെ ശിലാന്യാസ കർമ്മം നിർവ്വഹിച്ചു. സംപൂജൃ സ്വാമി വിവിക്താനന്ദ സരസ്വതിയാണ് ശിലാന്യാസ കർമ്മം നിർവ്വഹിച്ചത്. തുടർന്ന് അദ്ദേഹം അനുഗ്രഹ പ്രഭാഷണംനടത്തി. ക്ഷേത്രം പ്രസിഡന്റ്് എ സി പ്രഭാകരൻ നായർ അധ്യക്ഷത വഹിച്ചു. പി എം രാമചന്ദ്രൻ സ്വാഗതവും മധുസൂദനൻ പളളക്കാട് നന്ദിയും പറഞ്ഞു.
കോളിച്ചാല് : കാഞ്ഞങ്ങാട് – പാണത്തൂര് സംസ്ഥാന പാതയില് കോളിച്ചാല് പാലത്തിന്റെ കൈവരികള് ടിപ്പര് ലോറി ഇടിച്ച് തകര്ന്ന് ഒരു വര്ഷം കഴിഞ്ഞിട്ടും കൈവരികള് പുതുക്കി നിര്മ്മിക്കാന് നടപടികള് സ്വീകരിക്കാത്ത അധികൃതരുടെ നിലപാടില് പ്രതിഷേധിച്ച് കേരള വ്യാപാരി വ്യവസായി ഏകോപന സമിതി കോളിച്ചാല് യൂണിറ്റിന്റെ ആഭിമുഖ്യത്തില് പ്രതിഷേധ സമരം സംഘടിപ്പിച്ചു. KVVES കോളിച്ചാല് യൂണിറ്റ് പ്രസിഡണ്ട് അനീഷ് വട്ടക്കാട്ട് ഉദ്ഘാടനം ചെയ്തു. സെക്രട്ടറി ജസ്റ്റിന് തങ്കച്ചന് , ട്രഷറര് സെബാന് കാരക്കുന്നേല്, ജോസ് മോന് തോപ്പുകാലായില് തുടങ്ങിയവര്നേതൃത്വംനല്കി.