വയനാട് ദുരന്തത്തില് മരിച്ചവര്ക്ക് നിയമസഭ 15-ാം കേരള നിയമസഭയുടെ 12-ാം സമ്മേളനം ചരമോപചാരമര്പ്പിച്ചു. വയനാട്ടില് ഉണ്ടായത് സമാനതകളില്ലാത്ത ദുരന്തമെന്ന് മുഖ്യമന്ത്രി പറഞ്ഞു. ശാസ്ത്രലോകത്തിന്റെയും കേന്ദ്രത്തിന്റെയും സഹായം അനിവാര്യമെന്നും അദ്ദേഹം പറഞ്ഞു. ഉരുള്പൊട്ടലില് ജീവന് നഷ്ടമായവര്ക്ക് സ്പീക്കര് ആദരാഞ്ജലി അര്പ്പിച്ചു. വയനാട് ദുരന്തത്തില് ലോകം മുഴുവന് കേരളത്തിന് ഒപ്പം നിന്നുവെന്നും എ എം ഷംസീര് പറഞ്ഞു. രാത്രിയിലുണ്ടായ ദുരന്തത്തില് നൂറുകണക്കിന് ജീവനുകളാണ് മണ്ണിനടിയില്പ്പെട്ടത്, രക്ഷാപ്രവര്ത്തനത്തിന് കക്ഷിരാഷ്ട്രീയ ഭേദമില്ലാതെ ജാതിമത വേര്തിരിവില്ലാതെ കേരളമൊന്നാകെ മുന്നിട്ടറങ്ങി. വയനാട് ദുരന്തത്തില് ലോകം മുഴുവന് കേരളത്തിന് ഒപ്പം നിന്നെന്ന് സ്പീക്കര് എഎം ഷംസീര് അനുസ്മരിച്ചു. രാത്രിയിലുണ്ടായ ദുരന്തത്തില് നൂറുകണക്കിന് ജീവനുകളാണ് മണ്ണിനടിയില്പ്പെട്ടത്. രക്ഷാപ്രവര്ത്തനത്തിന് കക്ഷിരാഷ്ട്രീയ ഭേദമില്ലാതെ, ജാതിമത വേര്തിരിവില്ലാതെ, കേരളമൊന്നാകെ മുന്നിട്ടിറങ്ങിയെന്നും അദ്ദേഹം പറഞ്ഞു. ദുരന്തത്തില് ഉറ്റവരെയും ഉടയവരെയും നഷ്ടപ്പെട്ട എല്ലാ ദുരന്തബാധിതരുടേയും ദുഖത്തില് നിയമസഭ പങ്കുചേരുന്നുവെന്നും ദുരന്തമേഖലയെ കരകയറ്റാന് ഊണും ഉറക്കവും ഉപേക്ഷിച്ച പ്രവര്ത്തിച്ച എല്ലാവര്ക്കും നിയമസഭ ആദരവ് അര്പ്പിക്കുന്നുവെന്നും അദ്ദേഹം പറഞ്ഞു. സമാനതകളില്ലാത്ത മഹാ ദുരന്തമാണ് വയനാട് സംഭവിച്ചതെന്നും മുഖ്യമന്ത്രി പിണറായി വിജയന് പറഞ്ഞു. കാലാവസ്ഥ വ്യതിയാനം മൂലമുണ്ടാകുന്ന അതിതീവ്ര മഴയാണ് ഉരുള്പൊട്ടലിന് കാരണമായത്. ചൂരല്മല, മുണ്ടക്കൈ, അട്ടമല എന്നീ സ്ഥലങ്ങളെ നേരിട്ട് ബാധിച്ച ദുരന്തത്തില് 231 ജീവനുകള് നഷ്ടപ്പെടുകയും 41 പേരെ കാണാതാവുകയും ചെയ്തു. 145 വീടുകള് പൂര്ണമായും 170 എണ്ണം ഭാഗകമായും തകര്ന്നു. 240 വീടുകള് വാസയോഗ്യമല്ലാതാവുകയം 180 വീടുകള് ഒഴുകിപ്പോവുകയും ചെയ്തു. ചുരുങ്ങിയത് 1200 കോടിയുടെ നഷ്ടമാണ് മേപ്പാടിയില് ഉണ്ടായതെന്ന് അദ്ദേഹം പറഞ്ഞു. കോഴിക്കോട് ജില്ലയില് വിലങ്ങാട് ഉണ്ടായ ഉരുള്പൊട്ടലില് ഒരു ജീവനും കൃഷിയും വളര്ത്തുമൃഗങ്ങളും അടക്കം കനത്ത നാശനഷ്ടം ഉണ്ടായെന്നും വിലങ്ങാട് ചുരുങ്ങിയത് 217 കോടിയുടെ നഷ്ടം ഉണ്ടായതായാണ് കണക്കാക്കപ്പെടുന്നതെന്നും മേപ്പാടിയിലെ ദുരിത ബാധിതര്ക്ക് സുരക്ഷിതമായ ടൗണ്ഷിപ്പ് നിര്മിക്കാനുള്ള നടപടികള് ദ്രുതഗതിയില് പുരോഗമിച്ച് വരികയാണെന്നും അദ്ദേഹം പറഞ്ഞു. വയനാട് ദുരിതാശ്വാസ പ്രവര്ത്തനത്തിലും രക്ഷാപ്രാവര്ത്തനത്തിലും സര്ക്കാരിന് പ്രതിപക്ഷത്തിന്റെ പൂര്ണ പിന്തുണ ഉണ്ടായിരുന്നെന്നും ദുരിതാശ്വാസ പ്രവര്ത്തനം പൂര്ത്തിയാവുന്നത് വരെ ആ പിന്തുണ ഉണ്ടാകുമെന്നും പ്രതിപക്ഷ നേതാവ് വി ഡി സതീശന് പറഞ്ഞു. വയനാട് ദുരന്തം എല്ലാവരുടെയും മനസ്സിലുണ്ടാക്കിയ നോവ് ജീവിതാവസാനം വരെ ഉണ്ടാകുമെന്നും അദ്ദേഹം പറഞ്ഞു. കേന്ദ്ര സര്ക്കാരിന്റെ ഭാഗത്ത് നിന്ന് സാമ്പത്തിക സഹായം ഉണ്ടായില്ലെന്നും സതീശന് പറഞ്ഞു.
Related Articles
മുണ്ടേരിക്കടവില് 14 കിലോ കഞ്ചാവുമായി ദമ്പതികള് പിടിയില്
കണ്ണൂര് /കണ്ണൂര് മുണ്ടേരിക്കടവില് 14 കിലോ ഗ്രാം കഞ്ചാവുമായി ദമ്പതികള് പിടിയിലായി. പശ്ചിമ ബംഗാള് സ്വദേശികളായ ജാക്കിര് സിദ്കാര്, ഭാര്യ അലീമ ബീബി എന്നിവരാണ് പിടിയിലായത്. മുണ്ടേരിക്കടവ് റോഡില് മുള ഡിപ്പോക്ക് സമീപത്തെ വാടക വീട്ടില് നിന്നാണ് കഞ്ചാവ് കണ്ടെത്തിയത്. ആവശ്യക്കാര്ക്ക് വില്പ്പന നടത്താന് ഇതര സംസ്ഥാനങ്ങളില് നിന്നെത്തിച്ച കഞ്ചാവാണെന്ന് കരുതുന്നു. രഹസ്യ വിവരം ലഭിച്ചതിനെ തുടര്ന്നാണ് ചക്കരക്കല്ല് പോലീസ് പരിശോധന നടത്തിയത്. സംഭവത്തില് സി ഐ ആസാദിന്റെ നേതൃത്വത്തിലുള്ള സംഘം കേസെടുത്ത് അന്വേഷണം തുടങ്ങി.
വിദ്യാര്ഥി ഷോക്കേറ്റുമരിച്ച സ്കൂള് സര്ക്കാര് ഏറ്റെടുത്തു
തിരുവനന്തപുരം : വിദ്യാര്ഥി വൈദ്യുതാഘാതമേറ്റുമരിച്ച തേവലക്കര സ്കൂള് സര്ക്കാര് ഏറ്റെടുത്തു. സ്കൂള് മാനേജരെ പിരിച്ചുവിട്ടാണ് സര്ക്കാര് നടപടി. സി പി എം ആഭിമുഖ്യത്തിലുള്ള മാനേജ് മെന്റാണ് സ്കൂള് നടത്തി വന്നിരുന്നത്. മന്ത്രി ശിവന്കുട്ടിയാണ് നടപടികള് അറിയിച്ചത്. സംഭവത്തിനു ശേഷം സ്കൂള് ഹെഡ്മാസ്റ്ററെ സസ്പെന്റ് ചെയ്തിരുന്നു. കൊല്ലം തേവലക്കര സ്കൂള് മാനേജ്മെന്റിന് വീഴ്ചയുണ്ടായെന്ന് ചൂണ്ടിക്കാട്ടിയാണ് വിദ്യാഭ്യാസ വകുപ്പിന്റെ നടപടി. അപകടത്തിനിടയാക്കിയ കാരണം സംബന്ധിച്ച മാനേജരുടെ വിശദീകരണം സര്ക്കാര് തള്ളിക്കളഞ്ഞു. മാനേജരെ അയോഗ്യനാക്കി കൊല്ലം ജില്ലാ വിദ്യാഭ്യാസ ഓഫീസര്ക്ക് സ്കൂളിന്റെ […]
കർഷകന്റെ വാഴ കെഎസ്ഇബി വെട്ടിക്കളഞ്ഞ സംഭവം; മൂന്നരലക്ഷം രൂപ നഷ്ടപരിഹാരം നൽകാൻ ധാരണ
കോതമംഗത്ത് കർഷകന്റെ വാഴകൾ കെഎസ്ഇബി ഉദ്യോഗസ്ഥർ വെട്ടിനശിപ്പിച്ച സംഭവത്തിൽ നഷ്ടപരിഹാരം നൽകും. മൂന്നര ലക്ഷം രൂപ കർഷകന് നൽകാനാണ് കൃഷി- വൈദ്യുതി മന്ത്രിമാർ നടത്തിയ ചച്ചയിൽ ധാരണയായിരിക്കുന്നത്. എറണാകുളം കോതമംഗലം സ്വദേശിയായ തോമസിന്റെ കുലച്ചുനിന്ന വാഴകളാണ് കെഎസ്ഇബി ഉദ്യോഗസ്ഥർ മുന്നറിയിപ്പ് ഇല്ലാതെ വെട്ടിയത്. 400 ൽ അധികം വാഴകളായിരുന്നു വെട്ടിയത്. ഹൈടെൻഷൻ വൈദ്യുതി ലൈനിന് ഭീഷണിയാണെന്ന് പറഞ്ഞായിരുന്നു വാഴകൾ വെട്ടിയത്. കർഷകന് നാല് ലക്ഷം രൂപയുടെ നഷ്ടം സംഭവിച്ചുവെന്നായിരുന്ന വിലയിരുത്തിയത്. സംഭവത്തിന് പിന്നാലെ വിമർശം ഉയർന്നിരുന്നു. ഇതിന് […]




