വയനാട് ദുരന്തത്തില് മരിച്ചവര്ക്ക് നിയമസഭ 15-ാം കേരള നിയമസഭയുടെ 12-ാം സമ്മേളനം ചരമോപചാരമര്പ്പിച്ചു. വയനാട്ടില് ഉണ്ടായത് സമാനതകളില്ലാത്ത ദുരന്തമെന്ന് മുഖ്യമന്ത്രി പറഞ്ഞു. ശാസ്ത്രലോകത്തിന്റെയും കേന്ദ്രത്തിന്റെയും സഹായം അനിവാര്യമെന്നും അദ്ദേഹം പറഞ്ഞു. ഉരുള്പൊട്ടലില് ജീവന് നഷ്ടമായവര്ക്ക് സ്പീക്കര് ആദരാഞ്ജലി അര്പ്പിച്ചു. വയനാട് ദുരന്തത്തില് ലോകം മുഴുവന് കേരളത്തിന് ഒപ്പം നിന്നുവെന്നും എ എം ഷംസീര് പറഞ്ഞു. രാത്രിയിലുണ്ടായ ദുരന്തത്തില് നൂറുകണക്കിന് ജീവനുകളാണ് മണ്ണിനടിയില്പ്പെട്ടത്, രക്ഷാപ്രവര്ത്തനത്തിന് കക്ഷിരാഷ്ട്രീയ ഭേദമില്ലാതെ ജാതിമത വേര്തിരിവില്ലാതെ കേരളമൊന്നാകെ മുന്നിട്ടറങ്ങി. വയനാട് ദുരന്തത്തില് ലോകം മുഴുവന് കേരളത്തിന് ഒപ്പം നിന്നെന്ന് സ്പീക്കര് എഎം ഷംസീര് അനുസ്മരിച്ചു. രാത്രിയിലുണ്ടായ ദുരന്തത്തില് നൂറുകണക്കിന് ജീവനുകളാണ് മണ്ണിനടിയില്പ്പെട്ടത്. രക്ഷാപ്രവര്ത്തനത്തിന് കക്ഷിരാഷ്ട്രീയ ഭേദമില്ലാതെ, ജാതിമത വേര്തിരിവില്ലാതെ, കേരളമൊന്നാകെ മുന്നിട്ടിറങ്ങിയെന്നും അദ്ദേഹം പറഞ്ഞു. ദുരന്തത്തില് ഉറ്റവരെയും ഉടയവരെയും നഷ്ടപ്പെട്ട എല്ലാ ദുരന്തബാധിതരുടേയും ദുഖത്തില് നിയമസഭ പങ്കുചേരുന്നുവെന്നും ദുരന്തമേഖലയെ കരകയറ്റാന് ഊണും ഉറക്കവും ഉപേക്ഷിച്ച പ്രവര്ത്തിച്ച എല്ലാവര്ക്കും നിയമസഭ ആദരവ് അര്പ്പിക്കുന്നുവെന്നും അദ്ദേഹം പറഞ്ഞു. സമാനതകളില്ലാത്ത മഹാ ദുരന്തമാണ് വയനാട് സംഭവിച്ചതെന്നും മുഖ്യമന്ത്രി പിണറായി വിജയന് പറഞ്ഞു. കാലാവസ്ഥ വ്യതിയാനം മൂലമുണ്ടാകുന്ന അതിതീവ്ര മഴയാണ് ഉരുള്പൊട്ടലിന് കാരണമായത്. ചൂരല്മല, മുണ്ടക്കൈ, അട്ടമല എന്നീ സ്ഥലങ്ങളെ നേരിട്ട് ബാധിച്ച ദുരന്തത്തില് 231 ജീവനുകള് നഷ്ടപ്പെടുകയും 41 പേരെ കാണാതാവുകയും ചെയ്തു. 145 വീടുകള് പൂര്ണമായും 170 എണ്ണം ഭാഗകമായും തകര്ന്നു. 240 വീടുകള് വാസയോഗ്യമല്ലാതാവുകയം 180 വീടുകള് ഒഴുകിപ്പോവുകയും ചെയ്തു. ചുരുങ്ങിയത് 1200 കോടിയുടെ നഷ്ടമാണ് മേപ്പാടിയില് ഉണ്ടായതെന്ന് അദ്ദേഹം പറഞ്ഞു. കോഴിക്കോട് ജില്ലയില് വിലങ്ങാട് ഉണ്ടായ ഉരുള്പൊട്ടലില് ഒരു ജീവനും കൃഷിയും വളര്ത്തുമൃഗങ്ങളും അടക്കം കനത്ത നാശനഷ്ടം ഉണ്ടായെന്നും വിലങ്ങാട് ചുരുങ്ങിയത് 217 കോടിയുടെ നഷ്ടം ഉണ്ടായതായാണ് കണക്കാക്കപ്പെടുന്നതെന്നും മേപ്പാടിയിലെ ദുരിത ബാധിതര്ക്ക് സുരക്ഷിതമായ ടൗണ്ഷിപ്പ് നിര്മിക്കാനുള്ള നടപടികള് ദ്രുതഗതിയില് പുരോഗമിച്ച് വരികയാണെന്നും അദ്ദേഹം പറഞ്ഞു. വയനാട് ദുരിതാശ്വാസ പ്രവര്ത്തനത്തിലും രക്ഷാപ്രാവര്ത്തനത്തിലും സര്ക്കാരിന് പ്രതിപക്ഷത്തിന്റെ പൂര്ണ പിന്തുണ ഉണ്ടായിരുന്നെന്നും ദുരിതാശ്വാസ പ്രവര്ത്തനം പൂര്ത്തിയാവുന്നത് വരെ ആ പിന്തുണ ഉണ്ടാകുമെന്നും പ്രതിപക്ഷ നേതാവ് വി ഡി സതീശന് പറഞ്ഞു. വയനാട് ദുരന്തം എല്ലാവരുടെയും മനസ്സിലുണ്ടാക്കിയ നോവ് ജീവിതാവസാനം വരെ ഉണ്ടാകുമെന്നും അദ്ദേഹം പറഞ്ഞു. കേന്ദ്ര സര്ക്കാരിന്റെ ഭാഗത്ത് നിന്ന് സാമ്പത്തിക സഹായം ഉണ്ടായില്ലെന്നും സതീശന് പറഞ്ഞു.
Related Articles
ചൂരല്മല- മുണ്ടക്കൈ: കോണ്ഗ്രസ് നിര്മിക്കുന്ന 50 വീടുകളുടെ തറക്കല്ലിടല് രാഹുല് ഗാന്ധി നിര്വഹിച്ചു
കല്പ്പറ്റ : ചൂരല്മല- മുണ്ടക്കൈ ഉരുള്പൊട്ടല് ദുരന്തബാധിതര്ക്ക് കോണ്ഗ്രസ് നിര്മിക്കുന്ന വീടുകളുടെ തറക്കല്ലിടല് നിര്വഹിച്ച് ലോക്സഭാ പ്രതിപക്ഷ നേതാവ് രാഹുല് ഗാന്ധി. കോണ്ഗ്രസ് നിര്മ്മിക്കുന്ന നൂറു വീടുകളില് 50 വീടുകളാണ് മേപ്പാടിയിലെ കുന്നമ്പറ്റയില് ആദ്യം നിര്മ്മിക്കുന്നത്. ചടങ്ങില് പ്രിയങ്ക ഗാന്ധി എം പി, എ ഐ സി സി ജനറല് സെക്രട്ടറി കെ സി വേണുഗോപാല്, കെ പിസി സി പ്രസിഡന്റ് സണ്ണി ജോസഫ് ഉള്പ്പെടെയുള്ളവര് പങ്കെടുത്തു. 1,041 ചതുരശ്ര അടിയുള്ള വീടും എട്ട് സെന്റ് ഭൂമിയും […]
മാമുക്കോയ അന്തരിച്ചു: മൺമറയുന്നത് ചിരിയെ മലയാളിയുടെ ജീവിതചര്യയാക്കിയ സൂപ്പർ സ്റ്റാർ
നടൻ മാമുക്കോയ അന്തരിച്ചു. കോഴിക്കോട്ടെ സ്വകാര്യ ആശുപത്രിയിൽ വെച്ചായിരുന്നു അന്ത്യം. കഴിഞ്ഞ ദിവസം കാളികാവിൽ സെവൻസ് ഫുട്ബോൾ ടൂർണമെന്റ് ഉദ്ഘാടനം ചെയ്യാൻ എത്തിയ അദ്ദേഹത്തെ ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിക്കുകയായിരുന്നു. തീവ്രപരിചരണ വിഭാഗത്തിൽ തുടരുകയായിരുന്ന താരത്തിന് ഹൃദയാഘാതത്തിന് പുറമെ തലച്ചോറിലെ രക്തസ്രാവം കൂടിയതാണ് വെല്ലുവിളിയാകുന്നതായി ഡോക്ടർമാർ കഴിഞ്ഞ ദിവസം വ്യക്തമാക്കിയിരുന്നു. സെവൻസ് ഫുട്ബോൾ മത്സരം ഉദ്ഘാടനം ചെയ്യാനെത്തിയ താരം ഗ്രൗണ്ടിൽ ഇറങ്ങി കളിക്കാരെ പരിചയപ്പെടുകയും ആരാധകർക്കൊപ്പം ഫോട്ടോ എടുക്കുകയായിരുന്നു. ഇതിനിടെയാണ് തളർച്ച അനുഭവപ്പെട്ടത്്. ഉടൻ തന്നെ മൈതാനത്ത് […]
അപകടത്തില് പരിക്കേറ്റ കോണ്ഗ്രസ് നേതാവും മുന് എംഎല്എയുമായ കെ പി കുഞ്ഞിക്കണ്ണന് നിര്യാതനായി
കോണ്ഗ്രസ് നേതാവും മുന് എംഎല്എയുമായ കെ പി കുഞ്ഞിക്കണ്ണന് അന്തരിച്ചു. ഉദുമ മുന് എംഎല്എയാണ്. അപകടത്തെത്തുടര്ന്ന് ചികിത്സയിലായിരുന്നു. ദീര്ഘകാലം കെപിസിസി ജനറല് സെക്രട്ടറിയായിരുന്നു. കഴിഞ്ഞ ഏഴാം തീയതിയാണ് കുഞ്ഞിക്കണ്ണന് സഞ്ചരിച്ചിരുന്ന വാഹനം കണ്ണൂരില് വെച്ച് അപകടത്തില്പ്പെട്ടത്. വാരിയെല്ലിന് ഗുരുതരമായി പരിക്കേറ്റിരുന്നു. ആരോഗ്യസ്ഥിതി വഷളായതിനെത്തുടര്ന്ന് കഴിഞ്ഞ രണ്ടു ദിവസമായി വെന്റിലേറ്ററിലായിരുന്നു. കെ കരുണാകരന് ഡിഐസി രൂപീകരിച്ചപ്പോള് കുഞ്ഞിക്കണ്ണനും അദ്ദേഹത്തിനൊപ്പമുണ്ടായിരുന്നു. 1987 ലാണ് കുഞ്ഞിക്കണ്ണന് നിയമസഭയില് ഉദുമ മണ്ഡലത്തെ പ്രതിനിധീകരിച്ചത്. വടക്കന് കേരളത്തിലെ കോണ്ഗ്രസിന്റെ മുഖമായിരുന്ന കെ പി കുഞ്ഞിക്കണ്ണന് […]




