കേരളത്തില് രണ്ടാമത്തെ എംപോക്സ് സ്ഥിരീകരിച്ചു. വിദേശത്ത് നിന്ന് വന്ന എറണാകുളം സ്വദേശിയായ യുവാവിനാണ് രോഗം സ്ഥിരീകരിച്ചത്. സ്വകാര്യ ആശുപത്രിയില് ചികിത്സയിലാണ് ഇയാള്. ഇന്നലെ വൈകീട്ടോടെയാണ് രോഗ നിര്ണയം നടത്തിയത്. അതേസമയം രോഗം ഗുരുതരമാകാന് സാധ്യതയില്ലെന്നാണ് ആരോഗ്യ വിഭാഗം പറയുന്നത്. വിമാനത്താവളത്തില് നടന്ന പരിശോധനയിലാണ് യുവാവിന് രോഗലക്ഷണങ്ങള് കണ്ടെത്തിയത്. തുടര്ന്ന് ഇയാളുടെ സാമ്പിളുകള് പരിശോധനയ്ക്ക് അയക്കുകയായിരുന്നു. നേരത്തെ യുഎഇയില് നിന്ന് വന്ന മലപ്പുറം സ്വദേശിയായ യുവാവിന് എംപോക്സ് സ്ഥിരീകരിച്ചിരുന്നു. മലപ്പുറത്തേത്ത് ക്ലേഡ് വണ് വകഭേദമാണെന്ന് കേന്ദ്ര ആരോഗ്യ മന്ത്രാലയം അറിയിച്ചിരുന്നു. എറണാകുളത്തെ യുവാവിന് പനിയും തൊലിപ്പുറത്ത് ചിക്കന് പോക്സിന് സമാനമായ തുടിപ്പുകളും കണ്ടിരുന്നു. ഇതേ തുടര്ന്ന് ഇയാളെ നിരീക്ഷണത്തിലാക്കാന് തീരുമാനിക്കുകയായിരുന്നു. നേരത്തെ ക്ലേഡ് വണ് ആദ്യമായിട്ടാണ് ഇന്ത്യയില് സ്ഥിരീകരിച്ചത്. പശ്ചിമ ആഫ്രിക്കയിലാണ് ഈ വകഭേദം ആദ്യമായി കണ്ടെത്തിയത്. അതിവേഗം വ്യാപിക്കുന്ന ഗണത്തിലുള്ളതാണ് ക്ലേഡ് വണ്. ഇതിന്റെ വ്യാപനത്തെ തുടര്ന്ന് ഓഗസ്റ്റില് ലോകാരോഗ്യ സംഘടന ആരോഗ്യ അടിയന്തരാവസ്ഥ പ്രഖ്യാപിച്ചിരുന്നു. രോഗലക്ഷണങ്ങള് ഉള്ളവര് ഉടനെ തന്നെ വൈദ്യസഹായം ഉറപ്പാക്കണമെന്നാണ് ആരോഗ്യ വകുപ്പ് നിര്ദേശം നല്കുന്നത്. രണ്ടാമത്തെ കേസ് റിപ്പോര്ട്ട് ചെയ്തതോടെ കനത്ത ജാഗ്രതയിലാണ് ആരോഗ്യ വകുപ്പ്. നിലവില് കേന്ദ്രത്തിന്റെ മാര്ഗനിര്ദേശങ്ങള് പ്രകാരമാണ് എംപോക്സ് പ്രതിരോധ പ്രവര്ത്തനങ്ങള് നടക്കുന്നത്
Related Articles
ഗവര്ണറുടെ ഹിയറിംഗ് ഇന്ന് : എംജി, കണ്ണൂര് വിസിമാര്ക്ക് ഹാജരാകാന് നിര്ദേശം
തിരുവനന്തപുരം: യുജിസി ചട്ടപ്രകാരമല്ലാതെ നിയമിതരായ വൈസ് ചാന്സലര്മാരെ പുറത്താക്കുന്നതിന് മുന്നോടിയായി രണ്ട് വിസിമാരുടെ ഹിയറിംഗ് ഇന്ന് രാജ്ഭവനില് നടത്തും. എംജി സര്വകലാശാല വിസി പ്രൊഫ. സാബു തോമസ്, കണ്ണൂര് വിസി ഡോ. ഗോപിനാഥ് രവീന്ദ്രന് എന്നിവര്ക്കാണ് ഗവര്ണര് ഇന്ന് ഹിയറിംഗ് നടത്തുക. വിസിമാരുടെ ആവശ്യപ്രകാരമാണ് വീണ്ടും ഹിയറിംഗ് നടത്തുന്നത്. റഷ്യന് സന്ദര്ശനത്തിലായിരുന്നതിനാല് കഴിഞ്ഞ ഡിസംബര് 12-ന് നടത്തിയ ഹിയറിംഗില് പങ്കെടുക്കാന് സാബു തോമസിന് കഴിഞ്ഞിരുന്നില്ല. അദ്ദേഹത്തിന്റെ ആവശ്യപ്രകാരമാണ് സമയം നല്കിയത്. അന്നത്തെ ഹിയറിംഗില് കണ്ണൂര് വിസിയ്ക്ക് വേണ്ടി […]
കത്തോലിക്കാ കോണ്ഗ്രസ് മുന്നോട്ടുവെയ്ക്കുന്ന അവകാശങ്ങള് നേടിയെടുക്കുക തന്നെ ചെയ്യും : മാര്.ജോസഫ് പാംപ്ലാനി
പാണത്തൂര് : കത്തോലിക്കാ കോണ്ഗ്രസ് മുന്നോട്ടുവെയ്ക്കുന്ന അവകാശങ്ങള് അത് നമ്മള് നേടിയെടുക്കുക തന്നെ ചെയ്യുമെന്ന് മാര്.ജോസഫ് പാപ്ലാനി. കത്തോലിക്കാ കോണ്ഗ്രസ് നയിക്കുന്ന അവകാശ സംരക്ഷണ യാത്ര പാണത്തൂരില് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കാരണം കത്തോലിക്കാ കോണ്ഗ്രസ് ഒരു കാര്യം മുന്നോട്ടുവെയ്ക്കുന്നെങ്കില് അത് ന്യായമായ കാര്യമേ ഞങ്ങള് പറയുകയുളളൂ. പറഞ്ഞത് കത്തോലിക്കാ കോണ്ഗ്രസ് ആണെയെങ്കില് അത് നേടിയെടുത്ത ശേഷമേ ഞങ്ങള് സമരം അവസാനിപ്പിക്കുകയുളളു എന്ന സത്യം മനസിലാക്കുക.കേരളത്തില് പലനേതാക്കന്മാരും ഈ ദിവസങ്ങളില് കത്തോലിക്കാ കോണ്ഗ്രസിനേയും സഭാ നേതൃത്വത്തേയും […]
സംസ്ഥാനത്ത് തദ്ദേശ തിരഞ്ഞെടുപ്പ് രണ്ട് ഘട്ടങ്ങളിലായി; ഡിസംബര് 9, 11 തിയ്യതികളില്, 13ന് വോട്ടെണ്ണല് സംസ്ഥാനത്ത് മാതൃക പെരുമാറ്റ ചട്ടം നിലവില് വന്നു
തിരുവനന്തപുരം : സംസ്ഥാനത്ത് തദ്ദേശ തിരഞ്ഞെടുപ്പ് രണ്ട് ഘട്ടങ്ങളിലായായി. ഡിസംബര് 9, 11 ഡിസംബര് 9, 11 തിയ്യതികളിലാണ് വോട്ടെടുപ്പ് നടക്കുക. തിരുവനന്തപുരം മുതല് എറണാകുളം വരെയുള്ള 7 ജില്ലകളില് ഡിസംബര് 9 ന് വോട്ടെടുപ്പ്. തൃശൂര് മുതല് കാസര്കോട് വരെയുള്ള 7 ജില്ലകളില് ഡിസംബര് 11 ന് ആയിരിക്കും വോട്ടെടുപ്പ്സംസ്ഥാന തിരഞ്ഞടുപ്പ് കമ്മിഷനാണ് പ്രഖ്യാപനം നടത്തിയത്. തിരഞ്ഞെടുപ്പ് പ്രഖ്യാപിച്ചതോടെ സംസ്ഥാനത്ത് മാതൃക പെരുമാറ്റ ചട്ടം നിലവില് വന്നു. ഡിസംബര് 13ന് വോട്ടെണ്ണല് നടക്കും. സംസ്ഥാന തിരഞ്ഞെടുപ്പ് […]




