അതിതീവ്ര മഴയുടെ പശ്ചാത്തലത്തില് ജാഗ്രതാ നിര്ദേശവുമായി വയനാട് ജില്ലാ കളക്ടര് ഡിആര് മേഘശ്രീ. ഉരുള്പ്പൊട്ടല് സാധ്യത പ്രദേശങ്ങളിലുള്ളവരും മുന് വര്ഷങ്ങളില് ഉരുള്പ്പൊട്ടി ദുരന്തമുണ്ടായ പ്രദേശങ്ങളില് ഉള്ളവരും ജാഗ്രത പുലര്ത്തണമെന്നാണ് കളക്ടറുടെ മുന്നറിയിപ്പ്. അപകടഭീഷണി നിലനില്ക്കുന്നതിനാല് ക്യാമ്പുകളിലേക്ക് മാറാന് ആവശ്യപ്പെട്ടിട്ടുള്ളവര് എത്രയും വേഗം താമസസ്ഥലത്ത് നിന്നും ക്യാമ്പുകളിലേക്ക് മാറണമെന്നും കളക്ടര് അറിയിച്ചു. അതേസമയം കുറുമ്പാലക്കോട്ട, ലക്കിടി മണിക്കുന്നു മല, മുട്ടില് കോല്പ്പാ കോളനി, കാപ്പിക്കളം, സുഗന്ധഗിരി, പൊഴുതന പ്രദേശങ്ങളിലുള്ളവര് അതീവ ജാഗ്രത പുലര്ത്തണമെന്നാണ് നിര്ദേശം. തദ്ദേശ സ്ഥാപന സെക്രട്ടറിമാരും വില്ലേജ് ഓഫീസര്മാരും വേണ്ട നടപടികള് സ്വീകരിക്കണമെന്നും നിര്ദേശം നല്കിയിട്ടുണ്ട്. അതേസമയം ദുരന്തമേഖലയില് ആംബുന്സുകള്ക്കും നിയന്ത്രണം കൊണ്ടുവന്നിട്ടുണ്ട്. ആംബുലന്സുകള് ഗതാഗത തടസ്സമുണ്ടാക്കുന്നതിനാലാണ് നടപടിയെന്ന് കളക്ടര് വിശദീകരിച്ചു. 25 ആംബുലന്സുകള് മതിയെന്നും കളക്ടര്. സംസ്ഥാനത്ത് വീണ്ടും മഴ കനക്കുമെന്നാണ് കാലാവസ്ഥ വകുപ്പിന്റെ മുന്നറിയിപ്പ്. വടക്കന് കേരളത്തിലും മധ്യകേരളത്തിലും ശക്തമായ മഴയ്ക്ക് സാധ്യതയുണ്ട്. മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഇന്ന് ഓറഞ്ച് അലര്ട്ടാണ് പ്രഖ്യാപിച്ചിരുന്നത്. മണ്ണിടിച്ചില് സാധ്യതയുള്ള എല്ലാ സ്ഥലങ്ങളിലും അതീവ ജാഗ്രതാ നിര്ദേശം നല്കിയിട്ടുണ്ട്. കനത്ത മഴ രക്ഷാപ്രവര്ത്തനത്തിന് അടക്കം തടസ്സമാകുന്നുണ്ട്. മുണ്ടക്കൈയില് ഇന്നത്തെ രക്ഷാപ്രവര്ത്തനം അവസാനിച്ചു. ചൂരല്മലയില് ഇപ്പോഴും തുടരുന്നുണ്ട്. അതേസമയം ചാലിയാറില് ഇന്നത്തെ തിരച്ചില് നിര്ത്തിയിട്ടുണ്ട്. നാളെ രാവിലെ പുനരാരംഭിക്കും. മലപ്പുറം വാഴക്കാട് മണന്തല കടവില് നിന്ന് കുട്ടിയുടെ മൃതദേഹം ലഭിച്ചിട്ടുണ്ട്. ബെയ്ലി പാലം നിര്മാണം രാത്രിയിലും തുടരുകയാണ്. കൂടുതല് സാധനങ്ങള് എത്തിച്ചാല് മാത്രമേ ഇവ പൂര്ത്തിയാക്കൂ. എങ്കില് മാത്രമേ കൂടുതല് പ്രദേശങ്ങളിലേക്ക് എത്തി രക്ഷാപ്രവര്ത്തം ഊര്ജിതമാക്കാന് സാധിക്കൂ. ഉരുള്പ്പൊട്ടലില് മരിച്ചവരുടെ എണ്ണം 245 ആയി ഉയര്ന്നു. ഇന്ന് 94 മൃതദേഹം കൂടി കണ്ടെത്തിയിട്ടുണ്ട്. നിലമ്പൂരില് നിന്ന് മൃതദേഹങ്ങളുമായി എത്തിയ ആംബുലന്സുകള് മേപ്പാടി ആശുപത്രിയിലേക്ക് എത്തിക്കൊണ്ടിരിക്കുകയാണ്. മുണ്ടക്കൈയില് നേരത്തെ രക്ഷാദൗത്യത്തിന്റെ ഭാഗമായി എത്തിച്ച മണ്ണുമാന്തി യന്ത്രം ഉപയോഗിച്ച് തകര്ന്ന വീടുകളുടെ അവശിഷ്ടങ്ങളും മണ്ണും മാറ്റിയാണ് തിരച്ചില് നടക്കുന്നത്. രാവിലെ ഇവിടെ സൈനികര് പരിശോധിച്ചെങ്കിലും അവശിഷ്ടങ്ങളൊന്നും മുഴുവനായും മാറ്റാനായിരുന്നില്ല. നിലവില് കനത്ത മഴയില് മുണ്ടക്കൈയ്യിലേക്കുള്ള താല്ക്കാലിക പാലവും മുങ്ങിയിരിക്കുകയാണ്
Related Articles
മുഖ്യമന്ത്രിയോടു മാപ്പ് പറഞ്ഞ് പി വി അന്വര്
മുഖ്യമന്ത്രി പിണറായി വിജയന് എതിരായ വിവാദ പരാമര്ശത്തില് ക്ഷമാപണം നടത്തി നിലമ്പൂര് എംഎല്എ പിവി അന്വര്. നിയമസഭാ മന്ദിരത്തിന് മുന്നില് നടത്തിയ പത്രസമ്മേളത്തിനിടെ നടത്തിയ അധിക്ഷേപപരമായ പരാമര്ശങ്ങളിലാണ് അന്വര് മാപ്പ് പറഞ്ഞത്. ഫേസ്ബുക്കില് പങ്കുവച്ച വീഡിയോയിലൂടെയാണ് അന്വറിന്റെ ക്ഷമ പറച്ചില്. വാക്കുകള് അങ്ങനെ ആയിപ്പോയതില് ഖേദിക്കുന്നു എന്നാണ് അന്വര് പറയുന്നത്. മുഖ്യമന്ത്രീ, അങ്ങയോട് ആത്മാര്ത്ഥമായി ക്ഷമ ചോദിക്കുന്നു എന്നായിരുന്നു അന്വര് പങ്കുവച്ച വീഡിയോയുടെ ക്യാപ്ഷനില് പറയുന്നത്. ‘പ്രിയമുള്ളവരേ..ഏകദേശം രണ്ട് മണിക്കൂറുകള്ക്ക് മുന്പ് നിയമസഭാ മന്ദിരത്തിന് മുന്നില് ഞാന് […]
തദ്ദേശ പൊതുതിരഞ്ഞെടുപ്പ്: രാഷ്ട്രീയപാര്ട്ടികള്ക്ക് ചിഹ്നം അനുവദിച്ച് വിജ്ഞാപനമായി
തിരുവനന്തപുരം : സംസ്ഥാനത്തെ തദ്ദേശസ്ഥാപന തിരഞ്ഞെടുപ്പില് മത്സരിക്കുന്നതിന് രാഷ്ട്രീയപാര്ട്ടികള്ക്ക് ചിഹ്നം അനുവദിച്ച് സംസ്ഥാന തിരഞ്ഞെടുപ്പ് കമ്മീഷന് വിജ്ഞാപനം പുറപ്പെടുവിച്ചു. രാഷ്ട്രീയപാര്ട്ടികള്ക്ക് നാല് പട്ടികകളിലായാണ് ചിഹ്നം അനുവദിച്ചിട്ടുള്ളത്. കേന്ദ്ര തിരഞ്ഞെടുപ്പ് കമ്മീഷന്റെ അംഗീകാരമുള്ള ആറ് ദേശീയപാര്ട്ടികളെ പട്ടിക ഒന്നിലും, ആറ് കേരള സംസ്ഥാന പാര്ട്ടികളെ പട്ടിക രണ്ടിലും ഉള്പ്പെടുത്തിയാണ് ചിഹ്നം അനുവദിച്ചിട്ടുള്ളത്. കേന്ദ്ര തിരഞ്ഞെടുപ്പ് കമ്മീഷന് അംഗീകരിച്ചിട്ടുള്ള ചിഹ്നങ്ങളാണ് ആ പാര്ട്ടികള്ക്ക് നല്കിയിട്ടുള്ളത്. വിജ്ഞാപനം www.sec.kerala.gov.inവെബ് സൈറ്റില് പരിശോധിക്കാം. മൂന്നാംപട്ടികയില്, മറ്റ് സംസ്ഥാനങ്ങളിലെ അംഗീകൃത പാര്ട്ടികളും കേരള അസംബ്ലിയിലൊ […]
പത്തനംതിട്ട പോക്സോ കേസ്: പോലീസ് ഉദ്യോഗസ്ഥര്ക്കെതിരെ നടപടിക്ക് വകുപ്പുതല ശിപാര്ശ
പത്തനംതിട്ട: പത്തനംതിട്ടയിലെ പോക്സോ കേസ് അട്ടിമറിച്ചതില് പ്രതികളായ പോലീസ് ഉദ്യോഗസ്ഥര്ക്കെതിരെ നടപടിക്ക് വകുപ്പുതല ശിപാര്ശ. തിരുവല്ല ഡി വൈ എസ് പി. നന്ദകുമാര്, ആറന്മുള സി ഐ. പ്രവീണ് എന്നിവര്ക്കെതിരെയാണ് നടപടിക്ക് ശിപാര്ശ നല്കിയത്. കേസിലെ പ്രതിയായ ഹൈക്കോടതി അഭിഭാഷകന് നൗഷാദ് തോട്ടത്തിലിനെ അറസ്റ്റ് ചെയ്യാത്തത് ഉള്പ്പെടെയുള്ള കാര്യങ്ങള് പോലീസിന്റെ അന്തസ്സിന് കോട്ടം വരുത്തി എന്നാണ് കണ്ടെത്തല്. പതിനാറുകാരിയായ പെണ്കുട്ടി അതിക്രൂര പീഡനത്തിന് ഇരയായ കേസിലാണ് നടപടി. കേസില് കോന്നി മുന് ഡി വൈ എസ് പി. […]




