സംസ്ഥാനത്തെ നിപ ബാധയില് ആശ്വാസ കണക്കുകളുമായി ആരോഗ്യമന്ത്രി. ഇന്ന് നാല് പേരുടെ പരിശോധനാ ഫലം നെഗറ്റീവ് ആയതായി മന്ത്രി വീണാ ജോര്ജ് അറിയിച്ചു. പുതുതായി 7 പേരാണ് ആശുപത്രികളില് അഡ്മിറ്റ് ആയതെന്നും ആകെ 8 പേരാണ് ചികിത്സയില് കഴിയുന്നതെന്നും മന്ത്രി പുറത്തിറക്കിയ വാര്ത്താകുറിപ്പില് അറിയിച്ചു. 472 പേരാണ് നിലവില് സമ്പര്ക്ക പട്ടികയിലുള്ളത്. അതില് 220 പേരാണ് ഹൈറിസ്ക് വിഭാഗത്തിലുള്ളതെന്നും കണക്കുകള് ചൂണ്ടിക്കാണിക്കുന്നു. ഇതുവരെ ആകെ 836 പേര്ക്ക് മാനസിക ആരോഗ്യ സേവനങ്ങള് നല്കിയിട്ടുണ്ടെന്നും മന്ത്രി വ്യക്തമാക്കി. മലപ്പുറം കളക്ടറേറ്റില് വൈകുന്നേരം ചേര്ന്ന നിപ അവലോകന യോഗത്തില് വീണാ ജോര്ജ് ഓണ്ലൈനായാണ് പങ്കെടുത്തത്. കുറച്ച് ദിവസങ്ങള്ക്ക് മുന്പ് നിപ ബാധയെ തുടര്ന്ന് കൗമാരക്കാരന് മരണപ്പെട്ടതിന് പിന്നാലെ വീണ്ടും സംസ്ഥാനത്ത് നിപ ഭീതി ഉയര്ന്നിരുന്നു. കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലിരിക്കെ കഴിഞ്ഞ ഞായറാഴ്ച രാവിലെയാണ് മലപ്പുറം സ്വദേശിയായ പതിനാലുകാരന് മരണപ്പെട്ടത്. അതിനിടെ, പൂനെയിലെ നാഷണല് ഇന്സ്റ്റിറ്റ്യൂട്ട് ഓഫ് വൈറോളജിയില് നിന്നുള്ള ഡോ.ആര് ബാലസുബ്രഹ്മണ്യന്റെ നേതൃത്വത്തിലുള്ള വിദ്ഗധ സംഘം സംഭവ സ്ഥലത്തെത്തി വവ്വാലുകളില് നിന്ന് സാമ്പിളുകള് ശേഖരിച്ചിരുന്നു. നിലവില് മലപ്പുറം ജില്ലയിലെ വിവിധ ഇടങ്ങളില് നിയന്ത്രണങ്ങള് ഇപ്പോഴും തുടരുകയാണ്. ഇതിന് പിന്നാലെ ജാഗ്രതാ നിര്ദ്ദേശവും പുറപ്പെടുവിച്ചിരുന്നു. പക്ഷിമൃഗാദികളുടെ കടിയേറ്റതും പൊട്ടിയതും പോറല് ഉള്ളതുമായ പഴങ്ങള്, പച്ചക്കറികള് എന്നിവ കഴിക്കരുതെന്നും തുറന്നതും മൂടിവെയ്ക്കാത്തതുമായ കലങ്ങളില് ശേഖരിച്ചിട്ടുള്ള കള്ളും മറ്റ് പാനീയങ്ങളും ഒഴിവാക്കണമെന്നും മുന്നറിയിപ്പില് പറഞ്ഞിരുന്നു.
Related Articles
‘ട്രിവാൻഡ്രം ടു കശ്മീർ’ സന്ദീപിന്റെ മോഹസവാരി
രാജപുരം: ഒരു മോഹത്തിൽ നിന്നു തുടങ്ങിയ സൈക്കിൾ യാത്രയ്ക്കാണ് കേശവദാസപുരം സ്വദേശി സന്ദീപ് ഉണ്ണി തിരുവനന്തപുരത്തുനിന്നും തുടക്കം കുറിച്ചത്. ഇന്ത്യയെ അറിയുക. സൈക്കിൾ സവാരി എന്നും കമ്പം. കൊല്ലത്തേയ്ക്കും പത്തനംതിട്ടയിലേയ്ക്കും മറ്റും സൈക്കിളിൽ പോയി വരിക വെറും ഹോബി മാത്രം. അപ്പോഴാണ്, എന്തുകൊണ്ട് ഇന്ത്യയുടെ ഹൃദയഭൂമിയിലൂടെ സഞ്ചരിച്ച്് ഹിമവാന്റെ മന്ദസ്മിതങ്ങൾ ഏറ്റുവാങ്ങി വന്നുകൂട എന്നു ചിന്തിച്ചത്. യാത്ര തുടങ്ങിയപ്പോൾ പക്ഷേ, ആശയത്തിനൊരു സന്ദേശവും സന്ദീപ് നൽകി. ‘ നമ്മെ സംരക്ഷിക്കുന്ന ഡോക്ടർന്മാരെയും നഴ്സുമാരെയും പോലീസിനെയും അക്രമിക്കാതിരിക്കുക, മാരക […]
കത്തോലിക്കാ കോണ്ഗ്രസ് നയിക്കുന്ന അവകാശ സംരക്ഷണ യാത്രയ്ക്ക് പാണത്തൂരില് ഉജ്വല തുടക്കം
പാണത്തൂര്: കത്തോലിക്കാ കോണ്ഗ്രസ് നയിക്കുന്ന അവകാശ സംരക്ഷണ യാത്രയ്ക്ക് പാണത്തൂരില് ഉജ്വല തുടക്കം. കത്തോലിക്ക കോണ്ഗ്രസ് ഗ്ലോബല് പ്രസിഡന്റ് പ്രൊഫ. രാജീവ് കൊച്ചുപറമ്പില് നയിക്കുന്ന അവകാശ സംരക്ഷണയാത്രയുടെ സംസ്ഥാനതല ഉദ്ഘാടനം മാര്.ജോസഫ് പാംപ്ലാനി നിര്വ്വഹിച്ചു. തലശ്ശേരി അതിരൂപതാ അര്ച്ച് ബിഷപ്പ് മാര് ജോസഫ് പാംപ്ലാനി, താമരശ്ശേരി രൂപതാ ബിഷപ്പും കത്തോലിക്കാ കോണ്ഗ്രസ് ബിഷപ്പ് ഡെലെഗേറ്റുമായ മാര് റെമിജിയോസ് ഇഞ്ചനാനിയില് എന്നിവര് ചേര്ന്ന് യാത്ര ഫ്ലാഗോഫ് ചെയ്തു. പനത്തടി ഫൊറോന ആതിഥേയരായ പരിപാടിയില് കാസര്കോട് സോണിലെ കാഞ്ഞങ്ങാട്, വെള്ളരിക്കുണ്ട്, […]
വയനാട്ടില് അതിതീവ്ര മഴ, അപകട സാധ്യതാ മേഖലയില് നിന്ന് ക്യാമ്പുകളിലേക്ക് മാറണമെന്ന് ജില്ലാ കളക്ടര് ഉരുള്പ്പൊട്ടലില് മരിച്ചവരുടെ എണ്ണം 245 ആയി ഉയര്ന്നു അ
അതിതീവ്ര മഴയുടെ പശ്ചാത്തലത്തില് ജാഗ്രതാ നിര്ദേശവുമായി വയനാട് ജില്ലാ കളക്ടര് ഡിആര് മേഘശ്രീ. ഉരുള്പ്പൊട്ടല് സാധ്യത പ്രദേശങ്ങളിലുള്ളവരും മുന് വര്ഷങ്ങളില് ഉരുള്പ്പൊട്ടി ദുരന്തമുണ്ടായ പ്രദേശങ്ങളില് ഉള്ളവരും ജാഗ്രത പുലര്ത്തണമെന്നാണ് കളക്ടറുടെ മുന്നറിയിപ്പ്. അപകടഭീഷണി നിലനില്ക്കുന്നതിനാല് ക്യാമ്പുകളിലേക്ക് മാറാന് ആവശ്യപ്പെട്ടിട്ടുള്ളവര് എത്രയും വേഗം താമസസ്ഥലത്ത് നിന്നും ക്യാമ്പുകളിലേക്ക് മാറണമെന്നും കളക്ടര് അറിയിച്ചു. അതേസമയം കുറുമ്പാലക്കോട്ട, ലക്കിടി മണിക്കുന്നു മല, മുട്ടില് കോല്പ്പാ കോളനി, കാപ്പിക്കളം, സുഗന്ധഗിരി, പൊഴുതന പ്രദേശങ്ങളിലുള്ളവര് അതീവ ജാഗ്രത പുലര്ത്തണമെന്നാണ് നിര്ദേശം. തദ്ദേശ സ്ഥാപന സെക്രട്ടറിമാരും […]



