സംസ്ഥാനത്തെ നിപ ബാധയില് ആശ്വാസ കണക്കുകളുമായി ആരോഗ്യമന്ത്രി. ഇന്ന് നാല് പേരുടെ പരിശോധനാ ഫലം നെഗറ്റീവ് ആയതായി മന്ത്രി വീണാ ജോര്ജ് അറിയിച്ചു. പുതുതായി 7 പേരാണ് ആശുപത്രികളില് അഡ്മിറ്റ് ആയതെന്നും ആകെ 8 പേരാണ് ചികിത്സയില് കഴിയുന്നതെന്നും മന്ത്രി പുറത്തിറക്കിയ വാര്ത്താകുറിപ്പില് അറിയിച്ചു. 472 പേരാണ് നിലവില് സമ്പര്ക്ക പട്ടികയിലുള്ളത്. അതില് 220 പേരാണ് ഹൈറിസ്ക് വിഭാഗത്തിലുള്ളതെന്നും കണക്കുകള് ചൂണ്ടിക്കാണിക്കുന്നു. ഇതുവരെ ആകെ 836 പേര്ക്ക് മാനസിക ആരോഗ്യ സേവനങ്ങള് നല്കിയിട്ടുണ്ടെന്നും മന്ത്രി വ്യക്തമാക്കി. മലപ്പുറം കളക്ടറേറ്റില് വൈകുന്നേരം ചേര്ന്ന നിപ അവലോകന യോഗത്തില് വീണാ ജോര്ജ് ഓണ്ലൈനായാണ് പങ്കെടുത്തത്. കുറച്ച് ദിവസങ്ങള്ക്ക് മുന്പ് നിപ ബാധയെ തുടര്ന്ന് കൗമാരക്കാരന് മരണപ്പെട്ടതിന് പിന്നാലെ വീണ്ടും സംസ്ഥാനത്ത് നിപ ഭീതി ഉയര്ന്നിരുന്നു. കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലിരിക്കെ കഴിഞ്ഞ ഞായറാഴ്ച രാവിലെയാണ് മലപ്പുറം സ്വദേശിയായ പതിനാലുകാരന് മരണപ്പെട്ടത്. അതിനിടെ, പൂനെയിലെ നാഷണല് ഇന്സ്റ്റിറ്റ്യൂട്ട് ഓഫ് വൈറോളജിയില് നിന്നുള്ള ഡോ.ആര് ബാലസുബ്രഹ്മണ്യന്റെ നേതൃത്വത്തിലുള്ള വിദ്ഗധ സംഘം സംഭവ സ്ഥലത്തെത്തി വവ്വാലുകളില് നിന്ന് സാമ്പിളുകള് ശേഖരിച്ചിരുന്നു. നിലവില് മലപ്പുറം ജില്ലയിലെ വിവിധ ഇടങ്ങളില് നിയന്ത്രണങ്ങള് ഇപ്പോഴും തുടരുകയാണ്. ഇതിന് പിന്നാലെ ജാഗ്രതാ നിര്ദ്ദേശവും പുറപ്പെടുവിച്ചിരുന്നു. പക്ഷിമൃഗാദികളുടെ കടിയേറ്റതും പൊട്ടിയതും പോറല് ഉള്ളതുമായ പഴങ്ങള്, പച്ചക്കറികള് എന്നിവ കഴിക്കരുതെന്നും തുറന്നതും മൂടിവെയ്ക്കാത്തതുമായ കലങ്ങളില് ശേഖരിച്ചിട്ടുള്ള കള്ളും മറ്റ് പാനീയങ്ങളും ഒഴിവാക്കണമെന്നും മുന്നറിയിപ്പില് പറഞ്ഞിരുന്നു.
Related Articles
സംസ്ഥാനത്ത് ഒറ്റപ്പെട്ട ശക്തമായ മഴക്ക് സാധ്യത; നാല് ജില്ലകളില് യെല്ലോ അലര്ട്ട്
തിരുവനന്തപുരം / സംസ്ഥാനത്ത് ഒറ്റപ്പെട്ട ശക്തമായ മഴക്ക് സാധ്യതയെന്ന് കേന്ദ്രകാലാവസ്ഥ വകുപ്പിന്റെ മുന്നറിയിപ്പ്. നാല് ജില്ലകളില് യെല്ലോ അലര്ട്ട് പ്രഖ്യാപിച്ചു.പത്തനംതിട്ട,ഇടുക്കി,തൃശൂര്,മലപ്പുറം ജില്ലകളിലാണ് യെല്ലോ അലര്ട്ട്. അടുത്ത അഞ്ചു ദിവസവും സംസ്ഥാനത്ത് മഴ ശക്തമായി തുടരുമെന്നാണ് മുന്നറിയിപ്പ്.അതേസമയം ഇന്ന് തിരുവനന്തപുരം, കൊല്ലം, ആലപ്പുഴ ജില്ലകളില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ നേരിയ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്നും അധികൃതര് അറിയിച്ചു. ശക്തമായ കാറ്റിനും ഇടിമിന്നലിനും സാധ്യതയുള്ളതിനാല് ജനങ്ങള് ജാഗ്രത പാലിക്കണമെന്നും മുന്നറിയിപ്പുണ്ട്.
കാലത്തിന്റെ മാറ്റം എക്സൈസ് വകുപ്പിന് ഉയര്ത്തുന്നത് വലിയ വെല്ലുവിളികള്: മന്ത്രി എം ബി രാജേഷ്
ചങ്ങനാശേരി: കാലത്തിന്റെ മാറ്റം എക്സൈസ് വകുപ്പിന്റെ ചുമതലകളില് വലിയ മാറ്റങ്ങളാണു കൊണ്ടുവന്നിട്ടുള്ളതെന്നും വെല്ലുവിളികളെ ഫലപ്രദമായി നേരിടാന് കേരളത്തിലെ എക്സൈസ് സേനയ്ക്കാവുന്നുണ്ടെന്നും തദ്ദേശ സ്വയംഭരണ-എക്സൈസ് വകുപ്പു മന്ത്രി എം.ബി. രാജേഷ്. ചങ്ങനാശേരി എക്സൈസ് ഓഫീസ് സമുച്ചയത്തിന്റെ നിര്മാണോദ്ഘാടനവും ശിലാസ്ഥാപനവും ചങ്ങനാശേരി ഗവണ്മെന്റ് ഹൈസ്കൂളിലെ കുട്ടികളുടെ തിയറ്റര് ഹാളില് നടന്ന ചടങ്ങില് നിര്വഹിച്ചു കൊണ്ട് പ്രസംഗിക്കുകയാരുന്നു അദ്ദേഹം. മറ്റു സംസ്ഥാനങ്ങളിലെ ഏജന്സികളുമായി സഹകരിച്ചുകൊണ്ടു പ്രവര്ത്തിക്കാന് എക്സൈസ് വകുപ്പിന് കഴിഞ്ഞിട്ടുണ്ട്. ആന്ഡമാന് നിക്കോബാര് ദ്വീപുകള് കണ്ട ഏറ്റവും വലിയ ലഹരിവേട്ടയ്ക്കിടയാക്കിയത് കേരളത്തിലെ […]
‘മല്ലു ഹിന്ദു ഓഫീസേഴ്സ്’; ഹിന്ദു ഐഎഎസ് ഉദ്യോഗസ്ഥരെ ചേര്ത്ത് വാട്സാപ്പ് ഗ്രൂപ്പ്; വിവാദം
കേരളത്തിന്റെ സാമൂഹിക അന്തരീക്ഷത്തില് ഞെട്ടല് ഉളവാക്കിക്കൊണ്ട് ഹിന്ദു ഐ എ എസ് ഉദ്യോഗസ്ഥരുടെ വാട്സ് ആപ് ഗ്രൂപ്പ്. വ്യവസായ വകുപ്പ് ഡയറക്ടര് കെ ഗോപാലകൃഷ്ണന് ഐ എ എസ് അഡ്മിനായാണ് ഗ്രൂപ്പ് രൂപപ്പെട്ടത്. മല്ലു ഹിന്ദു ഓഫീസേഴ്സ് എന്ന പേരിലാണ് ഗ്രൂപ്പ് നിലവില് വന്നത്. ഗ്രൂപ്പില് അംഗങ്ങളാക്കപ്പെട്ടതെല്ലാം ഹിന്ദു മതവിഭാഗത്തില് പെട്ട ഉദ്യോഗസ്ഥര് മാത്രമായിരുന്നു. സംഭവം ഐ എ എസുകാര്ക്കിടയില് തന്നെ ചര്ച്ചയായതോടെ ഗ്രൂപ്പ് മണിക്കൂറുകള്ക്കുള്ളില് ഡിലീറ്റ് ചെയ്തു. തന്റെ ഫോണ് ഹാക്ക് ചെയ്തതാണെന്നും സൈബര് പോലീസില് […]



