പാറപ്പള്ളി: സംസ്ഥാന തല തയ്‌ക്കോണ്ടോ ചാമ്പ്യന്‍ഷിപ്പില്‍ ഗോള്‍ഡ് മെഡല്‍ നേടിയ ഗുരുപുരം കല്ലാംതോലിലെ ഇ.വി. ഋതുദേവ്, സില്‍വര്‍ മെഡല്‍ നേടിയ ഗുരുപുരം പാടിയിലെ എ.വി.ശിവനന്ദ എന്നിവരെ കോടോംബേളൂര്‍ ഗ്രാമപഞ്ചായത്ത് 19-ാം വാര്‍ഡ് നേതൃത്വത്തില്‍ അനുമോദിച്ചു.വാര്‍ഡ് മെമ്പറും വൈ. പ്രസിഡന്റുമായ പി.ദാമോദരന്‍ ഉപഹാരം നല്‍കി. അമ്പലത്തറ ഹയര്‍ സെക്കന്ററിയിലെ ഒമ്പതാം തരം വിദ്യാര്‍ത്ഥിയായ ഇ.വി. ഋതുദേവ് കല്ലാംതോലിലെ പി.വി.ഉപേന്ദ്രന്‍ – രജിന ദമ്പതികളുടെ മകനും എട്ടാംതരം വിദ്യാര്‍ത്ഥിനിയായ എ.വി.ശിവനന്ദ പാടിയിലെ മധു-ബേബി ദമ്പതികളുടെ മകളുമാണ്.
ഗുരുപുരം പ്രജിത്ത് നേതൃത്വം നല്‍കുന്ന ഗ്രാന്‍ഡ് മാസ്റ്റര്‍ അക്കാഡമിയിലെ അംഗങ്ങളാണ് ഇരുവരും. മുന്‍ വൈ: പ്രസിഡന്റ് പി.എല്‍.ഉഷ, വാര്‍ഡ് കണ്‍വീനര്‍ പി.ജയകുമാര്‍, അയല്‍ സഭ കണ്‍വീനര്‍ ബി.മുരളി, ഗ്രാന്‍ഡ് മാസ്റ്റര്‍ പ്രജിത്ത് എന്നിവരുംസംബന്ധിച്ചു
