പാണത്തൂര്: കാസറഗോഡ് ജില്ലാ പഞ്ചായത്ത് 2023-24 വാര്ഷിക പദ്ധതിയില് ഉള്പ്പെടുത്തി നവീകരിച്ച സ്കൂള് ഓഡിറ്റോറിയത്തിന്റെ ഉദ്ഘാടനവും, പൊതു വിദ്യാഭ്യാസ വകുപ്പ് ഗോത്ര വിഭാഗത്തില് ഉള്പ്പെടുത്തി സ്കൂളിന് അനുവദിച്ച പ്രത്യേക പഠന പരിപോഷണ പരിപാടിയുടെ ഉദ്ഘാടനവും, 2024 മാര്ച്ചില് എസ്.എസ്.എല്.സി. പരീക്ഷയില് ഉന്നത വിജയം നേടിയ വിദ്യാര്ത്ഥികള്ക്കുള്ള അനുമോദനവും,സബ് ജില്ലാ-ജില്ലാ കായികമേള, ശാസ്ത്രമേളകളിലെ വിജയികള്ക്കുള്ള അനുമോദനവും കേരളപിറവി ദിനമായ നാളെ ഉച്ചക്ക് 2 മണിക്ക് പാണത്തൂര് ഗവ:ഹൈസ്കൂള് ഓഡിറ്റോറിയത്തില് വച്ച് നടക്കും.
ബളാംതോട്: കേരള സീനിയിര് സിറ്റിസണ്സ് ഫോറം ബളാംതോട് യൂണിറ്റ് വാര്ഷിക സമ്മേളനം നാളെ ഉച്ചകഴിഞ്ഞ് രണ്ടിന് സഹൃദയ ക്ലബില് നടക്കും. സംഘടനാ പഞ്ചായത്ത് കമ്മറ്റി പ്രസിഡന്റ് ആര് സൂര്യനാരായണഭട്ട് ഉദ്ഘാടനം ചെയ്യും.വി.കൃഷ്ണന്കുട്ടി നായര് അധ്യക്ഷത വഹിക്കും.സംസ്ഥാന സെക്രട്ടറി ജോര്ജ്ജ് വര്ഗ്ഗീസ് മുഖ്യപ്രഭാഷണം നടത്തും.കെ.മണി, തോമസ്ടി.തയ്യില്,കൂക്കള് രാഘവന്,അഡ്വ.അംബികാസൂനു, കെ.കൃഷ്ണന്കുട്ടി, ശ്യാമള കൃഷ്ണന് എന്നിവര് പ്രസംഗിക്കും.
പനത്തടി : ചെറുപനത്തടി സെന്റ് മേരിസ് ഇംഗ്ലീഷ് മീഡിയം സ്കൂളിൽ നവീകരിച്ച മാത്സ് ലാബ് ഉദ്ഘാടനം ചെയ്തു..പ്രിൻസിപ്പൽ ഫാ. ജോസ് കളത്തിപ്പറമ്പിൽ ലാബ് ഉദ്ഘാടനകർമ്മംനിർവഹിച്ചു പ്രൈമറിതലം മുതൽ ഹൈസ്കൂൾ വരെയുള്ള കുട്ടികൾക്ക് ഗണിത പഠനം എളുപ്പമാക്കാൻ പറ്റിയ മോഡലുകളും ഉപകരണങ്ങളും അടങ്ങിയതാണ് നവീകരിച്ച പുതിയ ലാബ്.