സംസ്ഥാനത്ത് ചൂട് കനക്കുന്നു. എട്ടു ജില്ലകളില് താപനില മുന്നറിയിപ്പ് ഉണ്ട്. കനത്ത ചൂടിന്റെ പശ്ചാത്തലത്തില് ജാഗ്രതയുടെ ഭാഗമായി ഈ ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലേര്ട്ട് പ്രഖ്യാപിച്ചു. കൊല്ലം, കോട്ടയം, പാലക്കാട് ജില്ലകളില് 37 ഡിഗ്രി സെല്ഷ്യസ് വരെയും ആലപ്പുഴ, എറണാകുളം, തൃശൂര്, കോഴിക്കോട്, കണ്ണൂര് ജില്ലകളില് 36 ഡിഗ്രി സെല്ഷ്യസ് വരെയും അടുത്ത ദിവസങ്ങളില് താപനില ഉയര്ന്നേക്കും എന്നാണ് കാലാവസ്ഥ വകുപ്പിന്റെ മുന്നറിയിപ്പില് പറയുന്നത്. സാധാരണയെക്കാള് 2-3 ഡിഗ്രി സെല്ഷ്യസ് വരെ താപനില ഉയരാന് സാധ്യത ഉണ്ട്. കാലാവസ്ഥ വകുപ്പിന്റെ കണക്ക് പ്രകാരം സംസ്ഥാനത്ത് ഏറ്റവും കൂടുതല് ചൂട് രേഖപ്പെടുത്തിയത് പുനലൂരിലാണ് ( 37.8). ചൂട് ഉയരുന്നതിനിടെ തൃശൂര് , എറണാകുളം ജില്ലകളിലെ ചില മേഖലകളില് ചെറിയ തോതില് മഴ ലഭിച്ചു. മധ്യ തെക്കന് ജില്ലയില് മഴ ലഭിക്കാന് സാധ്യത ഉണ്ടെന്ന് കാലാവസ്ഥാ വിദഗ്ധര് പറയുന്നു. അതേ സമയം സംസ്ഥാനത്ത് താപനില ഉയര്ന്ന നിലയില് തുടരുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ് ഉണ്ട്. സൂര്യാഘാതം ഏല്ക്കാനുള്ള സാധ്യതകള് കൂടുതല് ആയതിനാല് ആളുകളള് ജ?ഗ്രത പാലിക്കണമെന്ന് അധികൃതര് അറിയിച്ചു. സൂര്യാഘാത സാധ്യത പരിഗണിച്ച് വെയിലത്ത് ജോലി ചെയ്യുന്നവരുടെ ജോലി സമയം പുനക്രമീകരിച്ചിട്ടുണ്ട്. വെയിലത്ത് ജോലി ചെയ്യുന്ന തൊഴിലാളികളുടെ സമയം ഏപ്രില് 30 വരെയാണ് പുനക്രമീകരിച്ചത്. താപ നില ഉയരുന്ന സാഹചര്യത്തിലാണ് ജോലി സമയം പുന ക്രമീകരിച്ചുകൊണ്ടുളള ലേബര് കമ്മീഷണറേറ്റിന്റെ ഉത്തരവ്. പകല് സമയം ജോലി ചെയ്യുന്നവര്ക്ക് 12 മുതല് വൈകീട്ട് മൂന്ന് വരെ വിശ്രമം അനുവദിക്കും. ഷിഫ്റ്റ് വ്യവസ്ഥയില് ഉള്ളവര്ക്ക് ഉച്ചയ്ക്ക് 12 ന് ഷിഫ്റ്റ് അവസാനിക്കും. വൈകീട്ട് മൂന്നിന് ഇത് പുനരാരംഭിക്കുന്ന തരത്തിലാണ് ക്രമീകരണം. ജില്ലാ ലേബര് ഓഫീസര്, അസി. ലേബര് ഓഫീസര് എന്നിവരുടെ മേല്നോട്ടത്തില് പ്രത്യേക ടീമുകള് രൂപീകരിച്ച് ദൈനംദിന പരിശോധന നടത്തും.
Related Articles
ക്നാനായ മള്ട്ടിസ്റ്റേറ്റ് കോ-ഓപ്പറേറ്റീവ് ക്രെഡിറ്റ് സൊസൈറ്റിയുടെ മലബാര് മേഖലയിലെ ഷെയര്ഹോള്ഡേഴ്സ് സമ്മേളനം നടത്തി
രാജപുരം: ക്നാനായ മള്ട്ടിസ്റ്റേറ്റ് കോ-ഓപ്പറേറ്റീവ് ക്രെഡിറ്റ് സൊസൈറ്റിയുടെ മലബാര് മേഖലയിലെ ഷെയര്ഹോള്ഡേഴ്സ് സമ്മേളനം നടത്തി. കുടിശിക നിവാരണം, അംഗങ്ങളുടെ കുട്ടികളില് എസ് എസ് എല് സി പ്ലസ് ടു പരീക്ഷയില് എല്ലാ വിഷയങ്ങള്ക്കും എ പ്ലസ്, എ വണ് ലഭിച്ചവര്ക്ക് ക്യാഷ് അവാര്ഡ് ദാനം, ലാഭവിഹിതവിതരണം എന്നിവ നടന്നു. മാലക്കല്ല് ലൂര്ദ് മാതാ ചര്ച്ച് പാരീഷ് ഹാളില് നടന്ന സമ്മേളനം രാജപുരം ഫൊറോനാ വികാരി ഫാ.ജോസ് അരീച്ചിറ ഉദ്ഘാടനം ചെയ്തു. സൊസൈറ്റി ചെയര്മാന് പ്രൊഫ. കെ.ജെ.ജോയി മുപ്രാപ്പള്ളി […]
സീ കേരളയിൽ പാട്ടിന്റെ പൂനിലാവൊരുക്കാൻ സ്വർണ.കെ.എസ്
ഇരിയ :മലയാളത്തിലെ സമ്പൂർണ എന്റർടെയ്ൻമെന്റ് ചാനലായ സീ കേരളയിലെ സൂപ്പർ ഹിറ്റ് മ്യൂസിക് റിയാലിറ്റി ഷോ സരിഗമപ സീസൺ 2 വിലേക്ക് ഇരിയ ലാലൂരിലെ സ്വർണ കെ.എസ് തെരഞ്ഞെടുക്കപ്പെട്ടു. സംസ്ഥാന സ്കൂൾ കലോൽസവങ്ങളിൽ തുടർച്ചയായി ലളിതഗാനം, കവിതാലാപനം, ശാസ്ത്രീയ സംഗീതം എന്നിവയിൽ ഒന്നാം സ്ഥാനം നേടിയിട്ടുണ്ട്. 2021-2022 അദ്ധ്യയന വർഷത്തിൽ കണ്ണൂർ യൂണിവേഴ്സിറ്റി സംഗീത പ്രതിഭാ പട്ടം കരസ്ഥമാക്കി. നിരവധി ഭക്തിഗാനങ്ങൾക്കും കവിതകൾക്കും സംഗീതം നൽകുകയും ആലപിക്കുകയും ചെയ്തിട്ടുണ്ട്, സംഗീത പൂർണ്ണ ശ്രി കാഞ്ഞങ്ങാട് ടി.പി. ശ്രീനിവാസൻ […]
ഇന്ത്യയില് ജീവിതശൈലീ രോഗങ്ങള് മൂലമുള്ള മരണം വര്ദ്ധിച്ചതായി പഠനം
ഇന്ത്യയില് ജീവിതശൈലീ രോഗങ്ങള് (Non-communicable diseases – NCDs) മൂലമുള്ള മരണനിരക്ക് വര്ദ്ധിച്ചതായി പുതിയ പഠനം. ഹൃദയസംബന്ധമായ അസുഖങ്ങള്, അര്ബുദം, ശ്വാസകോശ രോഗങ്ങള് തുടങ്ങിയവ കാരണം മരിക്കുന്നവരുടെ എണ്ണം 2010-നും 2019-നും ഇടയില് വര്ദ്ധിച്ചതായി പ്രശസ്ത മെഡിക്കല് ജേര്ണലായ ‘ദി ലാന്സെറ്റി’ല് പ്രസിദ്ധീകരിച്ച പഠനത്തില് പറയുന്നു. ലണ്ടനിലെ ഇംപീരിയല് കോളേജ് സ്കൂള് ഓഫ് പബ്ലിക് ഹെല്ത്തിലെ പ്രൊഫസര് മജീദ് എസ്സാറ്റിയുടെ നേതൃത്വത്തിലാണ് പഠനം നടന്നത്. ഈ കാലയളവില് സ്ത്രീകളില് മരണസാധ്യത 2.1% വര്ദ്ധിച്ചപ്പോള് പുരുഷന്മാരില് ഇത് 0.1% […]



