അമ്പലത്തറ: അംഗൻവാടി പ്രവേശനോൽസവത്തിന്റെ ഭാഗമായി കോടോം-ബേളൂർ ഗ്രാമപഞ്ചായത്തിൽ 19-ാം വാർഡിൽ ഗുരുപുരം, ആനക്കല്ല്, മണ്ടേങ്ങാനം, ലാലൂർ അംഗൻവാടികളിലെ പ്രവേശനോൽസവം കുട്ടികളുടെയും രക്ഷിതാക്കളുടെയും നാട്ടുകാരുകാരുടെയും സാന്നിദ്ധ്യം കൊണ്ടും സംഘാടന മികവുകൊണ്ടും ഏറെ ശ്രദ്ധേയവും ആവേശകരവുമായി മാറി. അംഗൻവാടിയിലേക്ക് പുതുതായി വന്ന കൂട്ടുക്കാരെ വർണ്ണ തൊപ്പി അണിയിച്ച് ഘോഷയാത്രയായി അംഗൻവാടികളിലേക്ക് സ്വീകരിച്ചു.പുതുതായി വന്നവർക്കും സ്‌ക്കൂളുകളിലേക്ക് പോകുന്ന കുട്ടുക്കാർക്കും നിരവധി സമ്മാനങ്ങളും നൽകി. രക്ഷിതാക്കളും കുടുംബശ്രീ യൂണിറ്റുകൾ ക്ലബ്ബുകൾ എന്നിവർ സമ്മാനങ്ങൾ സംഭാവന ചെയ്തു
പായസവും മധുര പലഹാരങ്ങളുംവിതരണം ചെയ്തു. ആനക്കല്ല് അംഗൻവാടിയിൽ പഞ്ചായത്ത് വൈ. പ്രസിഡന്റ് പി.ദാമോദരൻ ഉൽഘാടനം ചെയ്തു. ഗുരുപുരം അംഗൻവാടിയിൽ ICDS സൂപ്പർവൈസർ ആശാലത ഉൽഘാടനം ചെയ്തു. മണ്ടേങ്ങാനത്ത് മുൻ മെമ്പർ പി.എൽ.ഉഷയും ലാലൂരിൽ ശ്യാംകുമാറും ഉൽഘാടനം ചെയ്തു.വാർഡ് കൺവീനർ പി.ജയകുമാർ, സി.പി.സവിത, ടി.കെ.പുരുഷോത്തമൻ ,പി.എം.രാമചന്ദ്രൻ ,രാജേഷ് എണ്ണപ്പാറ, ഡോ.അഞ്ജലി, പി.വി.സി നമ്പ്യാർ ,ബി മുരളി ,അഖിത, തങ്കമണി ,അനിത, രജനി എന്നിവർവിവിധകേന്ദ്രങ്ങളിൽ പ്രസംഗിച്ചു.
