കേരള സീനിയർ സിറ്റിസൺസ് ഫോറം കൊട്ടോടി യൂണിറ്റ് വാർഷിക ജനറൽ ബോഡി യോഗവും ഭാരവാഹി തെരഞ്ഞെടുപ്പും നാളെ

കൊട്ടോടി : കേരള സീനിയർ സിറ്റിസൺസ് ഫോറം കൊട്ടോടി യൂണിറ്റ് വാർഷിക ജനറൽ ബോഡി യോഗവും ഭാരവാഹികളുടെ തെരഞ്ഞെടുപ്പും നാളെ ഉച്ചകഴിഞ്ഞ് 2.30ന് കൊട്ടോടിയിൽ നടക്കും. കളളാർ പഞ്ചായത്ത് പ്രസിഡന്റ് ടി കെ നാരായണൻ ഉദ്ഘാടനം ചെയ്യും. യൂണിറ്റ് പ്രസിഡന്റ് വി. കേളുനായർ മഞ്ഞങ്ങാനം അധ്യക്ഷത വഹിക്കും.സംസ്ഥാന സെക്രട്ടറി ജോർജ്ജ് വർഗ്ഗീസ് വയോജനങ്ങൾ നേരിടുന്ന വെല്ലുവിളികൾ എന്ന വിഷയത്തിൽ മുഖ്യപ്രഭാഷണം നടത്തും. യുണിറ്റ് സെക്രട്ടറി തോമസ് വടക്കേമുണ്ടാനിയിൽ റിപ്പോർട്ട് അവതരിപ്പിക്കും. പഞ്ചായത്തംഗങ്ങളായ കൃഷ്ണകുമാർ, ജോസ് പുതുശേരിക്കാലായിൽ, വ്യാപാരി വ്യവസായി ഏകോപന സമിതി യുണിറ്റ് പ്രസിഡന്റ് കെ.കൃഷ്ണൻ, മുൻ പഞ്ചായത്തംഗം അബ്ദുളള, സീനിയർ സിറ്റസൺസ് ഫോറം പഞ്ചായത്ത് രക്ഷാധികാരി കെ.മാധവൻ നായർ, പ്രസിഡന്റ് പി.എം.ജോൺ പ്ലാച്ചേരിൽ, സെക്രട്ടറി എം.ജെ.ലൂക്കോസ് മുളവനാൽ എന്നിവർ പ്രസംഗിക്കും.യൂണിറ്റ് വൈസ് പ്രസിഡന്റ് സി.നാരായണൻ സാഗതവും ജോ.സെക്രട്ടറി സി.കൃഷ്ണൻ നന്ദിയും പറയും. തുടർന്ന് പുതിയ ഭാരവാഹികളുടെ തെരഞ്ഞെടുപ്പ് നടക്കും.