പനത്തടി / പനത്തടി താനത്തിങ്കാല്‍ വയനാട്ടുകുലവന്‍ ദേവസ്ഥാനത്ത് നീണ്ട നൂറ്റിരുപത് വര്‍ഷങ്ങള്‍ക്ക് ശേഷം നടക്കുന്ന വയനാട്ടുകുലവന്‍ തെയ്യം കെട്ട് മഹോത്സവത്തിന്റെ ഭാഗമായി കലവറ ഘോഷയാത്രയും സാംസ്‌കാരിക സമ്മേളനവും നടത്തി. സമ്മേളനം ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണന്‍ ഉദ്ഘാടനം ചെയ്തു. ആഘോഷകമ്മിറ്റി ചെയര്‍മാന്‍ എന്‍ ബാലചന്ദ്രന്‍ നായര്‍ അധ്യക്ഷത വഹിച്ചു. പഞ്ചായത്ത് പ്രസിഡന്റ് മാരായ ടി കെ നാരായണന്‍ , പി ശ്രീജ. ബാത്തൂര്‍ കഴകം പ്രസിഡന്റ് ഇ കെ ഷാജി, കള്ളാര്‍ സെന്റ് ജോസഫ് ചര്‍ച്ച് വികാരി ഫാ. ജോസഫ് തറപ്പുതൊട്ടിയില്‍, പരപ്പ ബ്ലോക്ക് മെംബര്‍ അരുണ്‍ രംഗത്ത് മല, പഞ്ചായത്ത് വൈസ് പ്രസിഡന്റ്, പ്രിയ ഷാജി, സുപ്രിയ, ലത അരവിന്ദന്‍, രാധാകൃഷ്ണ ഗൗഡ,പനത്തടി പഞ്ചായത്തംഗങ്ങളായ എന്‍ വിന്‍സെന്റ്, രാധാ സുകുമാരന്‍, കെ കെ വേണുഗോപാല്‍, കെ ജെ ജെയിംസ്, സജിനി മോള്‍ വി, സൗമ്യ മോള്‍, പ്രിതി കെ എസ് , ദേവസ്ഥാനം പ്രസിഡന്റ് സുകുമാരന്‍ വളപ്പില്‍, ടി ഉണ്ണികൃഷ്ണന്‍, മനോജ് സി കെ പുല്ലുമല, ജനറല്‍ കണ്‍വീനര്‍ കൂക്കള്‍ ബാലകൃഷ്ണന്‍ എന്നിവര്‍ സംസാരിച്ചു. ഇന്ന് രാത്രി 8 മണിക്ക് കണ്ടനാര്‍ കേളന്‍ തെയ്യത്തിന്റെ വെള്ളാട്ടം ബപ്പിടല്‍ ചടങ്ങ്,
രാത്രി 11 മണിക്ക് വിഷ്ണു മൂര്‍ത്തിയുടെ തിടങ്ങല്‍,
11.30 ന് വയനാട്ടുകുലവന്‍ തെയ്യത്തിന്റെ വെള്ളാട്ടം എന്നിവ നടക്കും.
