ചുളളിക്കര: ബൈക്ക് നിയന്ത്രണം വിട്ട് മറിഞ്ഞ് നട്ടെല്ലിന് ഗുരുതര പരിക്കേറ്റ് കണ്ണൂർ മിംസ് ആശുപത്രിയിൽ ചികിത്സയിൽ കഴിയുന്ന അയറോട്ടെ ചേന്നംകുളം ജോസിന്റെ ചികിത്സ സഹായവുമായി ബന്ധപ്പെട്ട് ഓസ്‌ട്രേലിയയിലെ ബ്രിസ് ബണിൽ താമസിക്കുന്ന കോട്ടയം അതിരൂപതയിലെ ക്‌നാനായ കുടുംബാംഗങ്ങൾ ചേർന്ന് പിരിച്ചെടുത്ത 2,83,696/-രൂപയുടെ ചെക്ക് അവരുടെ ബന്ധുക്കൾ ജോസിന്റെ അമ്മ എൽസമ്മയ്ക്ക് കൈമാറി. സമീപം ജോസിന്റെ ഭാര്യ അഞ്ചുവും മക്കളും കൂടെ ഉണ്ടായിരുന്നു. ജോസിന്റെ അമ്മ അഞ്ചുവർഷമായി അരയ്ക്ക് താഴോട്ട് തളർന്ന് കട്ടിലിൽ തന്നെയാണ്. ജോസിന്റെ പിതാവ് 20 വർഷം മുമ്പ് മരത്തിൽ നിന്ന് വീണ് മരിച്ചതാണ്. ആ കുടുംബത്തിന്റെ ഏക ആശ്രയമായിരുന്നുജോസ്.
