ചുളളിക്കര:കൊട്ടോടി ഗവണ്മെന്റ് ഹയര് സെക്കണ്ടറി സ്കൂളില് 1994 – 95 വര്ഷത്തില് എസ് എസ് എല് സി പൂര്ത്തിയാക്കിയ പൂര്വ്വ വിദ്യാര്ത്ഥികളുടെ കൂട്ടായ്മയായ ‘ സൗഹൃദ 95 ‘ കൂട്ടുകാര് സ്്ക്കൂള് പരിസരവും ക്ലാസ് മുറികളും ടോയ്ലെറ്റുകളും ശുചീകരിച്ച് അണുവിമുക്തമാക്കി മാതൃകയായി. സ്ക്കൂളില് കുട്ടികള്ക്ക് വ്യാപകമായി മഞ്ഞപ്പിത്തം പിടിപെട്ട സാഹചര്യത്തിലാണിത്. കുട്ടായ്മയിലെ മനോജ് താന്നിക്കാല്, മനോജ് ആര്, ലിന്റോ തോമസ്, ഗോപി, ബാബു, നിഷ, ശ്രീകല, പ്രീത എന്നിവര് നേതൃത്വം നല്കി.
