ബളാംതോട്: വയോജന – ഗാന്ധി ജയന്തി ആഘോഷം. കേരള സീനിയര് സിറ്റിസണ്സ് ഫോറം പനത്തടി പഞ്ചായത്തു കമ്മിറ്റിയുടെ ആഭിമുഖ്യത്തില് വയോജന ദിനവും, ഗാന്ധി ജയന്തി ആഘോഷവും നടത്തി. ബളാംതോട് മില്മാ ഓഡിറ്റോറിയത്തില് നടന്ന പരിപാടി സീനിയര് സിറ്റിസണ്സ് ഫോറം സംസ്ഥാന സെക്രട്ടറി ജോര്ജ് വര്ഗീസ് ഉല്ഘാടനം ചെയ്തു. പഞ്ചായത്തു കമ്മിറ്റി പ്രസിഡന്റ് ആര് സൂര്യനാരായണ ഭട്ട് അദ്ധ്യക്ഷത വഹിച്ചു. മെയിന്റെ നന്സ് ട്രിബ്യൂണല് കണ്സീലിയേഷന് ഓഫീസര് തോമസ് ടി തയ്യില് സിനി ആര്ട്ടിസ്റ്റ് കൂക്കള് രാഘവന് ബളാംതോട് മില്മാ പ്രസിഡന്റ് വിജയ കുമാരന് നായര് ആര് മോഹനകുമാര്, ഏറത്ത് മുഹമ്മദ് കുഞ്ഞി എന്നിവര് സംസാരിച്ചു. സ്റ്റുഡന്റ് പോലീസ് സംവിധാനത്തില് കാസര്ഗോഡ് ജില്ലയെ ഒന്നാം സ്ഥാനത്ത് എത്തിച്ച പോലീസ് ഓഫീസര് പി.കെ. വേണുഗോപാലിനെ സംസ്ഥാന സെക്രട്ടറി പൊന്നാടയണിയിച്ച് ആദരിച്ചു. വേണുഗോപാല് സൈബര് കുറ്റകൃത്യങ്ങള്, വയോജന ക്ഷേമം സംബന്ധിച്ചുള്ള നിയമം എന്നിവയേപ്പറ്റി ക്ലാസ്സെടുത്തു. ആജീവനാന്ത അംഗത്വമെടുത്ത ബളാന്തോട് യുണിറ്റിലെ 23 അംഗങ്ങള്ക്ക് സംസ്ഥാന സെക്രട്ടറി തിരിച്ചറിയല് കാര്ഡ് നല്കി. ശ്യാമളാ കൃഷ്ണന് പ്രാര്ത്ഥനാ ഗാനം ആലപിച്ചു. പഞ്ചായത്ത് സെക്രട്ടറി എന് ചന്ദ്രശേഖരന് നായര് സ്വാഗതവും ബളാംതോട് യൂണിറ്റ് സെക്രട്ടറി കെ മണി നന്ദിയും പറഞ്ഞു.
Related Articles
പാണത്തൂര് ഗവ:ഹൈസ്കൂളിലെ നവീകരിച്ച സ്കൂള് ഓഡിറ്റോറിയത്തിന്റെ ഉദ്ഘാടനം നാളെ
പാണത്തൂര്: കാസറഗോഡ് ജില്ലാ പഞ്ചായത്ത് 2023-24 വാര്ഷിക പദ്ധതിയില് ഉള്പ്പെടുത്തി നവീകരിച്ച സ്കൂള് ഓഡിറ്റോറിയത്തിന്റെ ഉദ്ഘാടനവും, പൊതു വിദ്യാഭ്യാസ വകുപ്പ് ഗോത്ര വിഭാഗത്തില് ഉള്പ്പെടുത്തി സ്കൂളിന് അനുവദിച്ച പ്രത്യേക പഠന പരിപോഷണ പരിപാടിയുടെ ഉദ്ഘാടനവും, 2024 മാര്ച്ചില് എസ്.എസ്.എല്.സി. പരീക്ഷയില് ഉന്നത വിജയം നേടിയ വിദ്യാര്ത്ഥികള്ക്കുള്ള അനുമോദനവും,സബ് ജില്ലാ-ജില്ലാ കായികമേള, ശാസ്ത്രമേളകളിലെ വിജയികള്ക്കുള്ള അനുമോദനവും കേരളപിറവി ദിനമായ നാളെ ഉച്ചക്ക് 2 മണിക്ക് പാണത്തൂര് ഗവ:ഹൈസ്കൂള് ഓഡിറ്റോറിയത്തില് വച്ച് നടക്കും.
പൂടംകല്ല് താലൂക്കാശുപത്രി: ഡോക്ടര്ന്മാരുടെ കുറവ് പരിഹരിക്കണമെന്നാവശ്യപ്പെട്ട് ഡി എം ഒയ്ക്ക് പരാതി
രാജപുരം : പരപ്പ ബ്ലോക്ക് പഞ്ചായത്തിന്റെ കീഴിലെ പൂടംകല്ല് താലൂക്കാശുപത്രിയില് രാത്രികാല ഡോക്ടര്മാരില്ലാത്തതിലും പകല് സമയങ്ങളിലും ഡോക്ടര്മാരുടെ കുറവുമൂലം രോഗികള്ക്ക് ചികിത്സ നിഷേധിക്കപ്പെടുന്നതു പരിഹരിക്കാന് കള്ളാര് പഞ്ചായത്തിലെ ജനപ്രതിനിധികളുടെ നേതൃത്വത്തില് പൂടംകല്ല് താലൂക്കാശുപത്രിയില് എത്തി പ്രതിഷേധിക്കുകയും തുടര്ന്ന് ജില്ലാ മെഡിക്കല് ഓഫിസില് എത്തി പരാതി നല്കുകയും പ്രതിഷേധം അറിയിക്കുകയും ചെയ്തു. ഡി എം ഒ യുമായി നടത്തിയ ചര്ച്ചയുടെ അടിസ്ഥാനത്തില് അടുത്ത ദിവസം തന്നെ രണ്ട് ഡോക്ടര്മാരെ നിയമിക്കാമെന്ന് ഭരണസമിതിക്ക് ഉറപ്പ് ലഭിച്ചു. വൈസ് പ്രസിഡന്റ് എം.എം […]
സംസ്ഥാനത്ത് ജനുവരിയിലെ റേഷന് വിതരണം ഫെബ്രുവരി അഞ്ച് വരെ നീട്ടി
സംസ്ഥാനത്ത് ജനുവരിയിലെ റേഷന് വിതരണം ഫെബ്രുവരി അഞ്ച് വരെ നീട്ടി .ഫെബ്രുവരി 6ന് മാസാന്ത്യ കണക്കെടുപ്പുമായി ബന്ധപ്പെട്ട് റേഷന് വ്യാപാരികള്ക്ക് അവധി ആയിരിക്കും. | സംസ്ഥാനത്ത് ജനുവരിയിലെ റേഷന് വിതരണം ഫെബ്രുവരി അഞ്ച് വരെ നീട്ടിയതായി അറിയിപ്പ്. ഫെബ്രുവരി 6ന് മാസാന്ത്യ കണക്കെടുപ്പുമായി ബന്ധപ്പെട്ട് റേഷന് വ്യാപാരികള്ക്ക് അവധി ആയിരിക്കും. ഏഴാം തിയതി മുതല് ഫെബ്രുവരി മാസത്തെ റേഷന് വിതരണം ആരംഭിക്കും. സംസ്ഥാനത്തെ ചില റേഷന് കടകളില് മുഴുവന് കാര്ഡുകാര്ക്കും വിതരണം ചെയ്യുന്നതിന് ആവശ്യമായ ഭക്ഷ്യധാന്യങ്ങള് എത്തിയിട്ടില്ലെന്ന […]



