മൊഗ്രാല്‍ പുത്തൂര്‍ : വായനാ പക്ഷാചരണത്തിന്റെ ഭാഗമായി ചൗക്കി സന്ദേശം ഗ്രന്ഥാലയം& വനിതാവേദിയുടെ നേതൃത്ത്വത്തില്‍ ഉന്നത വിദ്യാഭ്യാസരംഗത്ത് മികവ് തെളിയിച്ച വിദ്യാര്‍ത്ഥിനികളെ അനുമോദിച്ചു. കാസറഗോഡ് താലൂക്ക് ലൈബ്രറി കൗണ്‍സില്‍ പ്രസിഡണ്ട് ഇ ജനാര്‍ദനന്‍ ചടങ്ങ് ഉദ്ഘാടനം ചെയ്തു. മഞ്ചേശ്വരം ഗോവിന്ദ പൈ മെമ്മോറിയല്‍ കോളേജില്‍ നിന്നും ബി.എസ്.സി. സ്റ്റാറ്റിക്‌സില്‍ ഉന്നത വിജയം നേടിയ മറിയം ഷിനാല എം.കെ, മറിയം അംറ , ബി.ടി. ടി.എം റാങ്ക് ജേതാക്കളായ ഗോപി ക, വൈശാലി.വി എന്നിവരെയും സാമ്പത്തിക സാമൂഹ്യ പിന്നോക്കാവസ്ഥയിലും എസ്.എസ്.എല്‍.സി. പരീക്ഷയില്‍ ഉന്നത വിജയം കരസ്ഥമാക്കിയ മായ ഗോപാലനേയും അനുമോദിച്ചു. വിജയികള്‍ക്ക് സമ്മാനങ്ങള്‍ നല്‍കി. സാഹിത്യകാരന്‍ അബ്ദു കാവുഗോളി, മറിയം അംറ, സന്ദേശം സംഘടനാ സെക്രട്ടറി സലീം സന്ദേശം, ശാസ്ത്ര സാഹിത്യ പരിഷത്ത് സന്ദേശം യൂണിറ്റ് സെക്രട്ടറി ടി.എം.രാജേഷ് മാസ്റ്റര്‍, ഷാഫി മഹാറാണി, ബസ്സ് ഓര്‍ണേസ് അസോസിയേഷന്‍ ജില്ലാ വൈസ് പ്രസിഡന്റ് മുഹമ്മദ് കുഞ്ഞി മാസ്റ്റര്‍ , എം.എ. കരിം,ബഷീര്‍ ഗ്യാസ്, സുലൈമാന്‍ തോരവളപ്പ്, ഗഫൂര്‍ കല്ലങ്കൈ, മറിയം ഫിനാല എം.കെ. മറിയം അംറ എന്നിവര്‍ പ്രസംഗിച്ചു. സന്ദേശം ഗ്രന്ഥാലയം സെക്രട്ടറി എസ്.എച്ച്. ഹമീദ് സ്വാഗതവും വനിതാവേദി സെക്രട്ടറി സഫിയ നന്ദിയുംപറഞ്ഞു.
