ബളാംതോട്്: ബളാംതോട് ഗവൺമെന്റ് ജി എച്ച് എസ് എസ് ൽ 93 – 94 വർഷത്തിൽ എസ് എസ് എൽ സി ക്ക് പഠിച്ച പൂർവ്വ വിദ്യാർത്ഥികളുടെ സംഗമവും അധ്യാപകരെ ആദരിക്കുന്ന ചടങ്ങും സംഘടിപ്പിച്ചു. ഗവൺമെന്റ് ഹയർ സെക്കൻഡറി സ്‌കൂളിൽ വച്ച് നടന്ന ചടങ്ങിൽ ഗോപകുമാർ അധ്യക്ഷത വഹിച്ചു. ഗുരുവന്ദനം പരിപാടിയുടെ ഉദ്ഘാടനം പൂർവ്വ വിദ്യാർത്ഥിയും യുവകവിയുമായ സുധി പനത്തടി നിർവഹിച്ചു . സർവ്വിസിൽ നിന്നും വിരമിച്ച പഴയകാല അധ്യാപകരായ കരുണാകര,മാത്യു , ആർ സി തോമസ് , ചുമർ , ഇന്ദിര ,നാരായണൻ , ഗോപാലകൃഷ്ണൻ , കുര്യൻ എന്നിവരെ ആദരിച്ചു . ശ്രീജ, പ്രസാദ് ,സന്തോഷ് പുലിക്കടവ്, ബാലാമണി ,രവി വെള്ളച്ചാല്, സന്തോഷ് ഉണ്ണി ,ജയകൃഷ്ണൻ ,ഗിരീഷ് ,ദിലീപ്, മനോജ് ,എന്നിവർ പ്രസംഗിച്ചു. വിവിധ മേഖലകളിൽ കഴിവു തെളിച്ച പൂർവ്വ വിദ്യാർത്ഥികളുടെ മക്കളെ യോഗത്തിൽ ഉപഹാരങ്ങൾ നൽകി അനുമോദിച്ചു. റെജി കെ ജെ സ്വാഗതവും ഗിരീഷ് പാറക്കടവ് നന്ദി പറഞ്ഞു.
