ആവേശമായി യുവജന സംഗമം

പടിമരുത് : കെ സി വൈ എം, എസ് എം വൈ എം തലശ്ശേരി അതിരൂപത 2022-23 സമിതിയുടെ ആഭിമുഖ്യത്തിൽ തലശ്ശേരി അതിരൂപതയിലെ 19 ഫൊറോനകളിലെ എല്ലാ യൂണിറ്റുകളിലും നടത്തപ്പെടുന്ന സായാഹ്ന യുവജന സംഗമം T- time പനത്തടി ഫൊറോനയുടെ നേതൃത്വത്തിൽ പടിമരുത് കൊട്ടോടി യൂണിറ്റുകൾ സംയുക്തമായി പടിമരുത് പള്ളിയിൽ വെച്ച് നടത്തപ്പെട്ടു. സായാഹ്ന യുവജന സംഗമത്തിന്റെ ഉദ്ഘാടനം പടിമരുത് ഇടവക വികാരി ഫാ. മനോജ് കരിമ്പുഴിക്കൽ നിർവഹിച്ചു. കെസിവൈഎം പനത്തടി ഫൊറോന പ്രസിഡൻറ് ലിജേഷ് ഫ്രാൻസിസ് അധ്യക്ഷത വഹിച്ചു. ഫൊറോന ഡയറക്ടർ ഫാ.ജോബിൻ കൊട്ടാരത്തിൽ, ഫൊറോന ആനിമേറ്റർ സിസ്റ്റർ മേഴ്‌സി , എലിസബത്ത് അരമണ്ണിൽ എന്നിവർ പ്രസംഗിച്ചു. പടിമരുത് യൂണിറ്റ് പ്രസിഡണ്ട് ജിതിൻ ചോലിക്കര, കൊട്ടോടി യൂണിറ്റ് പ്രസിഡണ്ട് ശില്പി ഇമ്മാനുവൽ എന്നിവർ നേതൃത്വം നൽകി.നൂറോളം യുവജനങ്ങൾ പങ്കെടുത്ത സായാഹ്ന യുവജന സംഗമം എല്ലാ യുവജനങ്ങൾക്കും ആവേശവും പ്രചോദനവും ആയി.