സംസ്ഥാനത്ത് ഉയര്ന്ന താപനില മുന്നറിയിപ്പ്. നാളെയും സാധാരണയിലും അധികം താപനില അനുഭവപ്പെടുമെന്നാണ് കാലാവസ്ഥാ വകുപ്പ് അറിയിക്കുന്നത്. സാധാരണയേക്കാള് രണ്ട് ഡിഗ്രി സെല്ഷ്യസ് മുതല് മൂന്ന് ഡിഗ്രി സെല്ഷ്യസ് വരെ താപനില ഉയരാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഉയര്ന്ന താപനിലയും ഈര്പ്പമുള്ള വായുവും കാരണം ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യത ഉണ്ടെന്നാണ് മുന്നറിയിപ്പ്. ഉയര്ന്ന ചൂട് മൂലം സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യ പ്രശ്നങ്ങള്ക്ക് കാരണമാകുമെന്നും അറിയിച്ചിട്ടുണ്ട്. അതിനാല് തന്നെ ജാഗ്രത പാലിക്കണമെന്നും കാലാവസ്ഥ വകുപ്പിന്റെ മുന്നറിയിപ്പില് പറയുന്നു. കഴിഞ്ഞ ദിവസങ്ങളില് സംസ്ഥാനത്ത് കനത്ത ചൂടാണ് അനുഭവപ്പെടുന്നത്. അതിന്റെ തുടര്ച്ചയായാണ് ഇന്നും നാളെയും കനത്ത ചൂടിനുള്ള സാധ്യത പ്രവചിക്കുന്നത്. കേരളത്തില് ഉയര്ന്ന ചൂട് റിപ്പോര്ട്ട് ചെയ്യപ്പെടുന്ന സാഹചര്യത്തില് പൊതുജനങ്ങള്ക്കായി സംസ്ഥാന ദുരന്ത നിവാരണ അതോറിറ്റി പ്രത്യേക ജാഗ്രതാ നിര്ദേശങ്ങളും പുറപ്പെടുവിച്ചു. ഇവ കൃത്യമായി പാലിക്കണം എന്നാണ് അറിയിച്ചിരിക്കുന്നത്. പകല് 11 മുതല് ഉച്ച 3 വരെയുള്ള സമയത്ത് നേരിട്ട് ശരീരത്തില് കൂടുതല് സമയം തുടര്ച്ചയായി സൂര്യപ്രകാശം ഏല്ക്കുന്നത് ഒഴിവാക്കുക. പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക. നിര്ജലീകരണമുണ്ടാക്കുന്ന മദ്യം, കാപ്പി, ചായ, കാര്ബണേറ്റഡ് ശീതള പാനീയങ്ങള് തുടങ്ങിയവ പകല് സമയത്ത് ഒഴിവാക്കുക. അയഞ്ഞ, ഇളം നിറത്തിലുള്ള കോട്ടണ് വസ്ത്രങ്ങള് ധരിക്കുക പുറത്തിറങ്ങുമ്പോള് നിര്ബന്ധമായും പാദരക്ഷകള് ധരിക്കുക. കുടയോ തൊപ്പിയോ ഉപയോഗിക്കുന്നത് നല്ലതായിരിക്കും. പഴങ്ങളും പച്ചക്കറികളും ധാരാളമായി കഴിക്കുക. ഛഞട ലായനി, സംഭാരം തുടങ്ങിയവയുടെ ഉപയോഗം പ്രോത്സാഹിപ്പിക്കുക; തുടങ്ങിയവയാണ് നിര്ബന്ധമായും പൊതുജനങ്ങള് ശ്രദ്ധിക്കേണ്ട കാര്യങ്ങള്
Related Articles
അയറോട്ട് കാരിക്കാട്ടില് ഫിലിപ്പ് (68) നിര്യാതനായി
രാജപുരം: അയറോട്ടെ കാരിക്കാട്ടില് ഫിലിപ്പ് (68) നിര്യാതനായി. ഭാര്യ: ജെസ്സി. മക്കള്: പ്രിന്സി, പ്രിന്സ്, ജീന്സ്, മരുമക്കള്: അഭിലാഷ്, ഷിന്റു, ലാവിമോള്. സഹോദരങ്ങള്: ബേബി, ലില്ലി, ലിന്സി. സംസ്ക്കാരം 12/10/ 2025 ഞാറാഴ്ച്ച 3 മണിക്ക് അയറോട്ട് ഉണ്ണിമിശിഹാദേവാലയത്തില്.
കോടോം ബേളൂർ ഗ്രാമപഞ്ചായത്തിൽ ജലബജറ്റ് ശില്പശാല നടത്തി
അട്ടേങ്ങാനം :കോടോം ബേളൂർ ഗ്രാമപഞ്ചായത്തിൽ ജലബജറ്റ് ശില്പശാല നടത്തി. രൂക്ഷമായ വരൾച്ച നേരിട്ടുകൊണ്ടിരിക്കുന്ന ഈ കാലഘട്ടത്തിൽ വരുംനാളിൽ ലഭ്യമാകുന്ന മഴയുടെ അളവും, പഞ്ചായത്തിലെ വിവിധ ആവശ്യങ്ങൾക്ക് ഉപയോഗിക്കുന്ന വെള്ളത്തിന്റെ അളവ് പരിഗണിച്ചും, ഇവ തമ്മിലുള്ള അന്തരം പ്രതിദിനം രേഖപ്പെടുത്തുക എന്നതാണ് ജലബജറ്റ് കൊണ്ട് ഉദ്ദേശിക്കുന്നത്. ഗ്രാമപഞ്ചായത്ത് വൈസ് പ്രസിഡണ്ട് പി ദാമോദരൻ അദ്ധ്യക്ഷനായ ശിൽപശാല പഞ്ചായത്ത് പ്രസിഡണ്ട് ശ്രീജ പി ഉദ്ഘാടനം ചെയ്തു. ഗ്രാമപഞ്ചായത്ത് സെക്രട്ടറി ജോസഫ് എം ചാക്കോ സ്വാഗതം പറഞ്ഞു. മൈനർ ഇറിഗേഷൻ ഡിപ്പാർട്ട്മെന്റ് […]
ബസ് വെയിറ്റിംഗ് ഷെല്ട്ടര് ഉദ്ഘാടനം ചെയ്തു
ചെറുപനത്തടി: ചെറു പനത്തടി സെന്റ് മേരിസ് ഇംഗ്ലീഷ് മീഡിയം സ്കൂളിന്റെ സില്വര് ജൂബിലി ആഘോഷങ്ങളുടെ ഭാഗമായി നിര്മ്മിച്ച ബസ് വെയിറ്റിംഗ് ഷെല്ട്ടര് പനത്തടി സെന്റ് ജോസഫ് ഫൊറോന വികാരി ഫാ. ജോസഫ് പൂവത്തോലിലും പനത്തടി ഗ്രാമപഞ്ചായത്ത് വൈസ് പ്രസിഡണ്ട് പത്മകുമാരിയും ചേര്ന്ന് ഉദ്ഘാടനം ചെയ്തു. ചടങ്ങില് സ്കൂള് പ്രിന്സിപ്പല് ഫാ.ജോസ് കളത്തിപറമ്പില് അധ്യക്ഷനായിരുന്നു. സ്കൂള് അഡ്മിനിസ്ട്രേറ്റര് ഫാ.രവിചന്ദ്ര ,സി.എഫ്. ഐ.സി സെമിനാരി റെക്ടര് ഫാ. ബിബിന് വെള്ളാരം കല്ലില്, പി ടി എ പ്രസിഡണ്ട് ടിറ്റോ ജോസഫ്, […]




