പാണത്തൂർ: സെന്റ് മേരീസ് ദേവാലയത്തിൽ പരിശുദ്ധ കന്യകാമറിയത്തിന്റെ ജനന തിരുനാൾ ആഘോഷത്തിനും എട്ടുനോമ്പാചരണത്തിനും തുടക്കമായി. വികാരി റവ.ഫാ.വർഗീസ് ചെരിയംപുറത്ത് കൊടിയേറ്റി. ആദ്യദിനം ഫാ.ജോസഫ് പുതുമന തിരുക്കർമ്മങ്ങൾക്ക് കാർമികത്വം വഹിച്ചു.
പാണത്തൂർ : ലോക പരിസ്ഥിതി ദിനത്തിൽ എസ് വൈ എസ് വൃക്ഷ തൈ വിതരണം ചെയ്തു. കാഞ്ഞങ്ങാട് സോൺ പ്രസിഡന്റ് ശിഹാബുദ്ദീൻ അഹ്സനി പാണത്തൂർ ശുഹദയിൽ നടന്ന പരിപാടിയിൽ വിതരണം ഉദ്ഘാടനം ചെയ്തു. ശിഹാബ് ടി കെ, ശുഹൈബ് സഖാഫി, അബ്ദുസ്സലാം ആനപ്പാറ, സുഹൈൽ കാറോളി, മൊയ്തു കുണ്ടുപള്ളി, സാബിത്ത് പാണത്തൂർ, ഹനീഫമുനാദി എന്നിവർ പങ്കെടുത്തു.
കള്ളാർ : കള്ളാർ മീത്തലേ വീട് ശ്രീ വയനാട്ടുകുലവൻ ദേവസ്ഥാന പന്തൽ നിർമ്മാണത്തിനായി കള്ളാർ തീയ്യ സമുദായ വനിതാ കൂട്ടായ്മ ഒരു ലക്ഷം രൂപ ഭരണസമിതിക്ക് കൈമാറി. കൂട്ടായ്മ അംഗങ്ങൾ ചേർന്ന് കൈമാറിയ തുക ഭരണസമിതി പ്രസിഡന്റ് സി കെ നാരായണൻ നായർ ഏറ്റുവാങ്ങി. ഭരണസമിതി സെക്രട്ടറി കെ എൻ രമേശൻ എന്നിവരും കമ്മിറ്റിയംഗങ്ങളുംസംബന്ധിച്ചു.
അമ്പലത്തറ: വയനാട് ദുരിതബാധിതരെ സഹായിക്കുന്നതിനു വേണ്ടി മുഖ്യമന്ത്രിയുടെ ദുരിതാശ്വാസ നിധിയിലേക്ക് അമ്പലത്തറ കാലിച്ചാംപാറയിലെ മാധ്യമ പ്രവര്ത്തകന് അബ്ദുള് റഹിമാന് മകളുടെ വിവാഹ ദിവസം സംഭാവന നല്കി. കോടോം-ബേളൂര് ഗ്രാമപഞ്ചായത്ത് വൈ.പ്രസിഡന്റ് സംഭാവന ഏറ്റുവാങ്ങി. അമ്പലത്തറ സബ് ഇന്സ്പെക്ടര് സുമേഷ്, കാഞ്ഞങ്ങാട് പ്രസ്സ് ഫോറം സെക്രട്ടറി ബാബു കോട്ടപ്പാറ, സി.പി..എം ഏഴാംമൈല് ലോക്കല് സെക്രട്ടറി സുരേഷ് വയമ്പ്, പി.ജയകുമാര് എന്നിവര് പങ്കെടുത്തു.അബ്ദുള് റഹിമാന് -സാജിത ദമ്പതികളുടെ മകള് സഫൂറയുടെ വിവാഹദിനത്തിലാണ് ദുരിതാശ്വാസ നിധിയിലേക്ക്സംഭാവനനല്കിയത്.