രാജപുരം: ഹോളി ഫാമിലി എ.എല്. പി സ്കൂളില് ഹിരോഷിമ ദിനം ആചരിച്ചു.സഡാക്കോ കൊക്കുകള് നിര്മിച്ചും യുദ്ധവിരുദ്ധ പോസ്റ്ററുകള് ഉണ്ടാക്കിയും കുട്ടികള് യുദ്ധവിരുദ്ധ ദിനം ആചരിച്ചു. യുദ്ധവിരുദ്ധ ചിന്തകള് കുഞ്ഞു മനസ്സുകളില് പതിയും വിധം ജസീക്ക ടീച്ചര് സന്ദേശം നല്കി. പ്രധാനാധ്യാപകന് എബ്രാഹം കെ.ഒ, ഷൈബി എബ്രാഹം, സോണി കുര്യന്, ശ്രുതി ബേബി, ഷീജ ജോസ്, ഡോണ്സി ജോജോ, അനില തോമസ് എന്നിവര് നേതൃത്വം നല്കി.
LOCAL NEWS
ഡെയ്സി മാത്യു മെമ്മോറിയല് ഓള് കേരള ഇന്റര്സ്കൂള് പ്രസംഗ മത്സരം സംഘടിപ്പിച്ചു ചെറുപനത്തടി സെന്റ് മേരീസ് ഇംഗ്ലീഷ് മീഡിയം സ്ക്കൂള് വിദ്യാര്ത്ഥിനി ഐറിന് അന്ന വര്ഗീസ് ഒന്നാം സ്ഥാനം നേടി
രാജപുരം : 2023 ഓഗസ്റ്റ് മാസം 4ആം തിയതി അകാലത്തില്. പൊലിഞ്ഞുപോയ ഹോളിഫാമിലി ഹായര്സെക്കന്ററി സ്കൂള് ഭൗതിക ശാസ്ത്ര അധ്യാപികയായിരുന്ന കനകമൊട്ടയില് ഡെയ്സി മാത്യു ടീച്ചറിന്റെ ഓര്മ്മകള് നിലനിര്ത്തുന്നതിനായി ഡെയ്സിമാത്യു മെമ്മോറിയല് ഓള് കേരള ഇന്റര്സ്കൂള് പ്രസംഗ മത്സരം സംഘടിപ്പിച്ചു . കേരളത്തിലെ വിവിധ ജില്ലകളില് നിന്നുള്ള സ്കൂളുകളില് നിന്നും 26 ഓളം മത്സരാര്ത്തികള് പങ്കെടുത്തു. മത്സരത്തില് ഐറിന് അന്ന വര്ഗീസ് , സെന്റ് മേരീസ് ഇംഗ്ലീഷ് മീഡിയം സ്ക്കൂള് ചെറുപനത്തടി ഒന്നാം സ്ഥാനവും , ദുര്ഗ […]
ചികില്സാ സഹായത്തിനായി എം.എല്.എയെ സമീപിച്ച് ചികില്സാ സഹായ കമ്മറ്റി ഭാരവാഹികള്
പാണത്തൂര് : വീണ് പരിക്കേറ്റ് വയനാട് മൂപ്പന്സ് മെഡിക്കല് കോളേജില് ചികില്സയില് കഴിയുന്ന കുണ്ടുപ്പള്ളിയിലെ കെ.ആര് ജനാര്ദനന്റെ ചികില്സാ സഹായം അഭ്യര്ത്ഥിച്ച് ചികില്സാ സഹായ കമ്മറ്റി. കാഞ്ഞങ്ങാട് എം.എല് എ ഇ ചന്ദ്രശേഖരനെ കണ്ടു. കഴിഞ്ഞ ഏപ്രില് 21-ാം തീയതി വീണ് കഴുത്തെല്ലിന് പരിക്കേറ്റ് ജനാര്ദ്ദനന് വിവിധ ആശുപത്രികളിലെ ചികില്സയ്ക്ക് ശേഷം ഇപ്പോള് വയനാട്ടിലെ മൂപ്പന്സ് മെഡിക്കല് കോളേജില് ചികില്സയിലാണ്. ഇദ്ദേഹത്തിന്റെ കുടുംബത്തെ സഹായിക്കുന്നതിനായി ചികില്സാ സഹായ കമ്മറ്റി രൂപീകരിച്ച് പ്രവര്ത്തിച്ച് വരികയാണ്. ചികില്സയ്ക്കായി മുഖ്യമന്ത്രിയുടെ ചികില്സാ […]
MSc 10 -ാം റാങ്കില് പാസായ കുടുംബശ്രീ അംഗത്തിന്റെ മകളെ അനുമേദിച്ചു.
കളളാര്: കളളാര് പഞ്ചായത്ത് മുന്നാം വാര്ഡ് എ ഡി എസിന്റെ നേതൃത്വത്തില് MSC 10 -ാം റാങ്കില് പാസായ കുടുംബശ്രീ അംഗത്തിന്റെ മകളെ അനുമേദിച്ചു. ഒരു കുടുംബശ്രീ അംഗം അമ്പിളിയുടെ മകള് അശ്വതി വിശ്വമാണ് MSc 10-ാം Rank ല് പാസ്സായത്. ഉപഹാരം പഞ്ചായത്ത് പ്രസിഡന്റ് ടി കെ നാരായണന് കുട്ടിക്കുവേണ്ടി മാതാവ് അമ്പിളിക്കുു കൈമാറി. എ ഡി എസ് പ്രസിഡന്റ് സാലി തോമസ് അധ്യക്ഷത വഹിച്ചു.ഷൈജ മാത്യു സ്വാഗതവും ലീമ നന്ദിയും പറഞ്ഞു.
ജീവിതശൈലി രോഗ നിര്ണ്ണയ ക്യാമ്പ് നാളെ പാണത്തൂരില്
പാണത്തൂര് : പനത്തടി ഗ്രാമപഞ്ചായത്തിന്റെയും ജനകീയ ആരോഗ്യ കേന്ദ്രം പാണത്തൂര്, അഞ്ചാം വാര്ഡ് ഹെല്ത്ത് സാനിറ്റേഷന് കമ്മിറ്റി എന്നിവയുടെ സംയുക്താഭിമുഖ്യത്തില് ജീവിത ശൈലി രോഗ നിര്ണ്ണയ ക്യാമ്പ് നാളെ ചൊവ്വാഴ്ച രാവിലെ 10 മണി മുതല് 12 മണി വരെ പാണത്തൂര് ടൗണില് നടക്കും. ബി.പി,ഷുഗര്, എച്ച്.ബി തുടങ്ങിയ പരിശോധന ഉണ്ടായിരിക്കും.
മുഖ്യമന്ത്രിയുടെ ദുരിതാശ്വാസ നിധിയിലേക്ക് ബാനം ഗവ.ഹൈസ്കൂള് സംഭാവന നല്കി
ബാനം: വയനാട്ടില് ദുരിതമനുഭവിക്കുന്നവരെ സഹായിക്കാനായിമുഖ്യമന്ത്രിയുടെ ദുരിതാശ്വാസ നിധിയിലേക്ക് ബാനം ഗവ.ഹൈസ്കൂള് സംഭാവന നല്കി. വിദ്യാര്ത്ഥികളും രക്ഷിതാക്കളും ജീവനക്കാരും ചേര്ന്നാണ് തുക സ്വരൂപിച്ചത്. ഇ.ചന്ദ്രശേഖരന് എം.എല്.എ പ്രധാനധ്യാപിക സി.കോമളവല്ലിയില് നിന്നും തുക സ്വീകരിച്ചു. ജനപ്രതിനിധികള് ഉള്പ്പെടെയുള്ളവര് സംബന്ധിച്ചു.
വയനാട് ദുരന്തം: മകളുടെ വിവാഹ ദിവസം ദുരിതാശ്വാസ നിധിയിലേക്ക് സംഭാവന നല്കി മാധ്യമ പ്രവര്ത്തകന്
അമ്പലത്തറ: വയനാട് ദുരിതബാധിതരെ സഹായിക്കുന്നതിനു വേണ്ടി മുഖ്യമന്ത്രിയുടെ ദുരിതാശ്വാസ നിധിയിലേക്ക് അമ്പലത്തറ കാലിച്ചാംപാറയിലെ മാധ്യമ പ്രവര്ത്തകന് അബ്ദുള് റഹിമാന് മകളുടെ വിവാഹ ദിവസം സംഭാവന നല്കി. കോടോം-ബേളൂര് ഗ്രാമപഞ്ചായത്ത് വൈ.പ്രസിഡന്റ് സംഭാവന ഏറ്റുവാങ്ങി. അമ്പലത്തറ സബ് ഇന്സ്പെക്ടര് സുമേഷ്, കാഞ്ഞങ്ങാട് പ്രസ്സ് ഫോറം സെക്രട്ടറി ബാബു കോട്ടപ്പാറ, സി.പി..എം ഏഴാംമൈല് ലോക്കല് സെക്രട്ടറി സുരേഷ് വയമ്പ്, പി.ജയകുമാര് എന്നിവര് പങ്കെടുത്തു.അബ്ദുള് റഹിമാന് -സാജിത ദമ്പതികളുടെ മകള് സഫൂറയുടെ വിവാഹദിനത്തിലാണ് ദുരിതാശ്വാസ നിധിയിലേക്ക്സംഭാവനനല്കിയത്.
രാജപുരം തിരുകുടുംബ ദേവാലയ വികാരി ഫാ. ജോസ് അരീച്ചിറയെ ആദരിച്ചു
രാജപുരം : ആഗോള കത്തോലിക്കാ സഭയില് ഇടവക വൈദികരുടെ മധ്യസ്ഥനായ വിശുദ്ധ ജോണ് മരിയ വിയാനിയുടെ തിരുനാളിനോട് അനുബന്ധിച്ച് രാജപുരം ഹോളി ഫാമിലി സണ്ഡേ സ്കൂളിന്റെയും, മീഷന് ലീഗിന്റെയും ആഭിമുഖ്യത്തില് രാജപുരം തിരുകുടുംബ ദേവാലയ വികാരി ഫാ. ജോസ് അരീച്ചിറയെ ആദരിച്ചു. സണ്ഡേ സ്കൂള് ഹെഡ്മാസ്റ്റര് തോമസ് പാറയില്, സോനു ചെട്ടികത്തോട്ടത്തില്, സി. തെരേസ SVM, ഈവ എബ്രഹാം തൈത്തറപ്പേല് എന്നിവര് പ്രസംഗിച്ചുു. കുട്ടികളുടെ കലാപരിപാടികളുംഉണ്ടായിരുന്നു.
കള്ളാര് ഗ്രാമപഞ്ചായത്ത് കൃഷിഭവന് കര്ഷകര്ക്കായുള്ള അറിയിപ്പ് കര്ഷക അവാര്ഡുകള്ക്ക് അപേക്ഷ ക്ഷണിച്ചു
കള്ളാര് ഗ്രാമപഞ്ചായത്തിന്റെയും കൃഷിഭവന്റെയും നേതൃത്വത്തില് ചിങ്ങം ഒന്ന് കര്ഷകദിനാഘോഷവും മികച്ച കര്ഷകരെ ആദരിക്കലും സംഘടിപ്പിക്കുന്നതിന്റെ ഭാഗമായി താഴെപ്പറയുന്ന വിഭാഗങ്ങളിലായി കര്ഷക അവാര്ഡുകള്ക്ക് അപേക്ഷ ക്ഷണിക്കുന്നു. 1. മുതിര്ന്ന കര്ഷന്/ കര്ഷക 2. ജൈവ കൃഷി അവലംബിക്കുന്നവര് 3. മികച്ച കര്ഷകന് 4. വനിതാ കര്ഷക 5. വിദ്യാര്ത്ഥി കര്ഷകന്/ കര്ഷക 6. SC/ST വിഭാഗത്തില് ഉള്ള കര്ഷക/ കര്ഷകന് 7. മികച്ച നെല് കര്ഷകന് / കര്ഷക 8. മികച്ച ക്ഷീര കര്ഷകന്/ കര്ഷക നിബന്ധനകള് 1. […]
മലവേട്ടുവ മഹാസഭ : വിജയോത്സവം പരിപാടി മാറ്റി
രാജപുരം : ലോകത്തെ നടുക്കിയ വയനാട് പ്രകൃതി ദുരന്തത്തില് മരിച്ച സഹോദരങ്ങള്ക്ക് ആദരാഞ്ജലികള് അര്പ്പിച്ച്് മലവേട്ടുവ മഹാസഭ. ദുരന്തത്തില് ദുഖം രേഖപ്പെടുത്തി സംഘടന നാളെ വെളളരിക്കുണ്ടില് നടത്താന് തീരുമാനിച്ചിരുന്ന വിജയോത്സവം പരിപാടി മാറ്റി വെച്ചതായി ജില്ലാ ജനറല് സെക്രട്ടറി ശങ്കരന് മുണ്ടമാണി അറിയിച്ചു. പുതുക്കിയ തീയ്യതി പിന്നീട ് അറിയിക്കും.









