ന്യൂഡല്‍ഹി : കാത്തിരിപ്പിനൊടുവില്‍ ആശ വര്‍ക്കര്‍മാര്‍ക്ക് സന്തോഷം നല്‍കുന്ന വാര്‍ത്ത കേട്ടാണ് ഇന്ന് കേരളം ഉണരുന്നത്. ആശ വര്‍ക്കര്‍മാരുടെ ഇന്‍സെന്റീവ് കേന്ദ്ര സര്‍ക്കാര്‍ വര്‍ധിപ്പിച്ചു. പ്രതിമാസ ഇന്‍സെന്റീവ് 2000 രൂപയില്‍ നിന്ന് 1500 രൂപ കൂട്ടി 3500 രൂപയായാണ് വര്‍ധിപ്പിച്ചത്. എന്‍കെ പ്രേമചന്ദ്രന്റെ ചോദ്യത്തിന് മറുപടിയായായി കേന്ദ്ര ആരോഗ്യസഹമന്ത്രി പ്രതാപ്റാവു ജാദവാണ് ലോക്‌സഭയെ ഇക്കാര്യമറിയിച്ചത്. സംസ്ഥാന സര്‍ക്കാരിന്റെ അവഗണനയില്‍ നിരാശരായ ആശമാര്‍ക്ക് ആശ്വാസം നല്‍കുന്നതാണ് കേന്ദ്ര സര്‍ക്കാരിന്റെ തീരുമാനം.
ഇന്‍സെന്റീവും ആനുകൂല്യവും വര്‍ധിപ്പിച്ച കേന്ദ്രസര്‍ക്കാര്‍ തീരുമാനം സ്വാഗതം ചെയ്ത് ആശാ സമരസമിതി
തിരുവനന്തപുരം : ആശാവര്‍ക്കര്‍ന്മാരുടെ ഇന്‍സന്റീവും വിരമിക്കല്‍ ആനുകൂല്യവും വര്‍ധിപ്പിച്ച കേന്ദ്രസര്‍ക്കാര്‍ തീരുമാനത്തെ സ്വാഗതം ചെയ്യുന്നുവെന്ന് ആശാ സമരസമിതി നേതാവ് മിനി .സംസ്ഥാന സര്‍ക്കാരും ഓണറേറിയം വര്‍ധിപ്പിക്കാന്‍ തയ്യാറാകണമെന്നും എങ്കില്‍ മാത്രമേ സെക്രട്ടറിയേറ്റിന് മുന്നില്‍ നടത്തിവരുന്ന അഅനിശ്ചിതകാല സമരം അവസാനിപ്പിക്കുകയുളളുവെന്നും മിനി വ്യക്തമാക്കി.
ഇന്‍സെന്റീവ് വര്‍ധന 2000ല്‍ നിന്നും 3500 രൂപ ആക്കിയിട്ടുണ്ട്.വിരമിക്കല്‍ ആനുകൂല്യം 20000 രൂപയില്‍നിന്നും 50000 രൂപയാക്കിയെന്നാണ് അറിയുന്നത്.കേന്ദ്രസര്‍ക്കാര്‍ സ്വീകരിച്ച പാത സംസ്ഥാന സര്‍ക്കാരും സ്വീകരിച്ച് ആശ വര്‍ക്കാര്‍ന്മാരുടെ ഓണറേറിയം വര്‍ദ്ധിപ്പിക്കാന്‍ തയാറാകണമെന്നും മിനി ആവശ്യപ്പെട്ടു.
