മാഗ്രാല്പുത്തൂര് / 2024 ല് കേരള സാഹിത്യ അക്കാദമിയുടെ വിവര്ത്തനത്തിനുള്ള സമഗ്രസംഭാവനക്കുള്ള അവാര്ഡും 2025 ല് കേന്ദ്ര സാഹിത്യ അക്കാദമി അവാര്ഡും കരസ്ഥമാക്കിയ കെ.വി. കുമാരന് മാസ്റ്ററിനെ ചൗക്കി സന്ദേശം ഗ്രന്ഥാലയം ആദരിച്ചു. ഗ്രന്ഥാലയത്തിനു വേണ്ടി കാസറഗോഡ് താലൂക്ക് ലൈബ്രറി കൗണ്സില് സെക്രട്ടറി പി. ദാമോദരന് മൊമെന്റോ നല്കിയും ഷാള് അണിയിച്ചും ആദരിച്ചു. ഗ്രന്ഥാലയം സെക്രട്ടറി എസ്.എച്ച് ഹമീദ്, താലൂക്ക് ലൈബ്രറി കൗണ്സില് അംഗം കെ.വി. മുകുന്ദന് മാസ്റ്റര്, സന്ദേശം വനിതാവേദി സെക്രട്ടറി സന്ഫിയ, പി. മുഹമ്മദ് കുഞ്ഞി മാസ്റ്റര് എന്നിവര് പ്രസംഗിച്ചു കെ.വി. കുമാരന് മാസ്റ്റര് മറുപടിപ്രസംഗംനടത്തി.
