പാണത്തൂര്‍ ; സി.പി എം പനത്തടി ഏരിയാ സമ്മേളനത്തിന് പാണത്തൂര്‍ എ കെ നാരായണന്‍ നഗറില്‍ പ്രൗഢ ഗംഭീരമായ തുടക്കം.
സമ്മേളനത്തിന് തുടക്കം കുറിച്ച് ഏരിയാ കമ്മറ്റിയില മുതിര്‍ന്ന അംഗം യു ഉണ്ണികൃഷ്ണന്‍ ചെമ്പതാകയുയര്‍ത്തി.പാണത്തൂര്‍ പനത്തടി പഞ്ചായത്ത് ഹാളില്‍ നടന്ന പ്രതിനിധി സമ്മേളനം പാര്‍ട്ടി ജില്ലാസെക്രട്ടറി എം.വി.ബാലകൃഷ്ണന്‍ മാസ്റ്റര്‍ ഉദ്ഘാടനം ചെയ്തു പി.ജി. മോഹനന്‍ അധ്യക്ഷത വഹിച്ചു. പി.വി.ശ്രീലത രക്തസാക്ഷി പ്രമേയവും , ടി.വി ജയചന്ദ്രന്‍ അനുശോചന പ്രമേയവുംഅവതരിപ്പിച്ചു
ജില്ലാ സെക്രട്ടറിയേറ്റ് അംഗങ്ങളായ വി.കെ.രാജന്‍, സാബു അബ്രഹാം, പി. ജനാര്‍ദ്ദനന്‍ എന്നിവരും ജില്ലാ കമ്മറ്റി അംഗങ്ങളായ എം.വി കൃഷ്ണന്‍, എം.ലക്ഷ്മി, സി. ബാലന്‍, ഏരിയാ സെക്രട്ടറി ഒക്‌ളാവ് കൃഷ്ണന്‍ എന്നിവര്‍ സമ്മേളനത്തില്‍ പങ്കെടുത്തു.
നാളെ വൈകുന്നേരം മാവുങ്കാല്‍ കേന്ദ്രീകരിച്ച് ആരംഭിക്കുന്ന റെഡ് വളണ്ടിയര്‍മാര്‍ച്ചും, പൊതു പ്രകടനത്തിനും ശേഷംപാണത്തൂരില്‍ സ: കോടിയേരി ബാലകൃഷ്ണന്‍ നഗറില്‍ നടക്കുന്ന പൊതുസമ്മേളം എം.വി.ബാലകൃഷ്ണന്‍ മാസ്റ്റര്‍ ഉദ്ഘാടനം ചെയ്യും. പി.കെ പ്രേംനാഥ് മുഖ്യപ്രഭാഷണംനടത്തും
