ബന്തടുക്ക: കുറ്റിക്കോല്‍ മണ്ഡലം കോണ്‍ഗ്രസ് കമ്മിറ്റിക്ക് പുതിയ നേതൃത്വം ചുമതലയേറ്റു. സന്തോഷ് അരമനയാണ് പുതിയ മണ്ഡലം പ്രസിഡന്റ്. സ്ഥാനരോഹണ ചടങ്ങ് ഡിസിസി പ്രസിഡന്റ് പി. കെ ഫൈസല്‍ ഉദ്ഘാടനം ചെയ്തു. പ്രസ്ഥാനത്തെ ശക്തിപ്പെടുത്തുന്നതിനോടൊപ്പം പഞ്ചായത്ത് തിരഞ്ഞെടുപ്പിന് പ്രവര്‍ത്തകരെ സജ്ജരാക്കാന്‍ പുതിയ കമ്മിറ്റിക്ക് സാധിക്കണമെന്ന് അദ്ദേഹം അഭിപ്രായപ്പെട്ടു. ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് പി. ഗോപിനാഥ് അധ്യക്ഷത വഹിച്ചു. ഡിസിസി സെക്രട്ടറി എം. സി പ്രഭാകരന്‍, ഡി. കെ. ഡി. എഫ് ജില്ലാ പ്രസിഡന്റ് വാസുദേവന്‍, മഹിളാ കോണ്‍ഗ്രസ് പ്രസിഡന്റ് മിനി ചന്ദ്രന്‍, ശ്രീജിത്ത് മടക്കല്‍, ഉനൈസ് ബേഡകം, ജോസഫ് സെബാസ്റ്റ്യന്‍, ബലരാമന്‍ നമ്പ്യാര്‍, സാബു എബ്രഹാം, ജോസ് പാറത്തട്ടേല്‍, പവിത്രന്‍ സി നായര്‍, തങ്കമ്മ ജോര്‍ജ,് ലില്ലി തോമസ,് വസന്ത ഐ എസ,് രതീഷ് ബേത്തലം, ജനാര്‍ദ്ദനന്‍ കവേനാടന്‍, നിഷ അരവിന്ദ്, വിഷ്ണു എന്നിവര്‍പ്രസംഗിച്ചു.
