രാജപുരം : 2023 ഓഗസ്റ്റ് മാസം 4ആം തിയതി അകാലത്തില്‍. പൊലിഞ്ഞുപോയ ഹോളിഫാമിലി ഹായര്‍സെക്കന്ററി സ്‌കൂള്‍ ഭൗതിക ശാസ്ത്ര അധ്യാപികയായിരുന്ന കനകമൊട്ടയില്‍ ഡെയ്‌സി മാത്യു ടീച്ചറിന്റെ ഓര്‍മ്മകള്‍ നിലനിര്‍ത്തുന്നതിനായി ഡെയ്‌സിമാത്യു മെമ്മോറിയല്‍ ഓള്‍ കേരള ഇന്റര്‍സ്‌കൂള്‍ പ്രസംഗ മത്സരം സംഘടിപ്പിച്ചു . കേരളത്തിലെ വിവിധ ജില്ലകളില്‍ നിന്നുള്ള സ്‌കൂളുകളില്‍ നിന്നും 26 ഓളം മത്സരാര്‍ത്തികള്‍ പങ്കെടുത്തു. മത്സരത്തില്‍ ഐറിന്‍ അന്ന വര്‍ഗീസ് , സെന്റ് മേരീസ് ഇംഗ്ലീഷ് മീഡിയം സ്‌ക്കൂള്‍ ചെറുപനത്തടി ഒന്നാം സ്ഥാനവും , ദുര്‍ഗ ഹയര്‍സെക്കണ്ടറി സ്‌കൂളിലെ ശിവാനി പി നായര്‍ രണ്ടാം സ്ഥാനവും പാലാവയല്‍ സെന്റ് ജോണ്‍സ് ഹയര്‍ സെക്കന്ററി സ്‌കൂളിലെ അഞ്ജിത ബിജോയ് മൂന്നാം സ്ഥാനവും കരസ്ഥമാക്കി. പങ്കെടുത്ത എല്ലാ മത്സരാര്‍ഥികള്‍ക്കും പ്രോത്സാഹന സമ്മാനങ്ങള്‍ നല്‍കി. രാജപുരം പാരിഷ് ഹാളില്‍ സ്‌കൂള്‍ മാനേജര്‍ ഫാ. ജോസ് അരീച്ചിറയുടെ അധ്യക്ഷതയില്‍ നടന്ന സമാപന സമ്മേളനത്തില്‍ കണ്ണൂര്‍ ആര്‍ ഡി ഡി ആര്‍. രാജേഷ്‌കുമാര്‍ ഉദ്ഘാടനം നിര്‍വഹിച്ചു. ചടങ്ങില്‍ പ്രകാശ് കനകമൊട്ട , പ്രഭാകരന്‍ കെ എ, ഹെഡ്മാസ്റ്റര്‍ സജിമാത്യു, സ്റ്റാഫ് സെക്രട്ടറി സാലു എ എം എന്നിവര്‍ പ്രസംഗിച്ചു. അദ്ധ്യാപന ജീവിതത്തില്‍. ഇരുപത്തിയഞ്ചു വര്‍ഷം പൂര്‍ത്തിയാക്കിയ കോമേഴ്സ് അധ്യാപിക റ്റിജീ കെ . സി ക്ക് ആദരം നല്‍കി. സ്‌കൂള്‍ പ്രിന്‍സിപ്പല്‍ ജോബി ജോസഫ് സ്വാഗതം പറഞ്ഞു.
