രാജപുരം: പരപ്പ ബ്ലോക്ക് പഞ്ചായത്തിന്റെ നേതൃത്വത്തില്‍ ഉന്നതി പരിശീലനം നടത്തി. ബ്ലോക്ക് പരിധിയിലെ പഞ്ചായത്തുകളില്‍ മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ കഴിഞ്ഞ സാമ്പത്തിക വര്‍ഷം നൂറ് തൊഴില്‍ ദിനം പൂര്‍ത്തീകരിച്ച കുടുംബങ്ങളിലെ 18നും 45നും ഇടയില്‍ പ്രായമുള്ള അംഗങ്ങള്‍ക്ക് വിദഗ്ധ തൊഴില്‍ പരിശീലനവും പ്ലേസ്‌മെന്റും നല്‍കുന്നത് ലക്ഷ്യമിട്ടുകൊണ്ടാണ് ഒറിയെന്റെഷന്‍ ട്രെയിനിങ് സംഘടിപ്പിച്ചത് . പരിശീലനം നല്‍കുന്ന വിവിധ ട്രേഡുകളെക്കുറിച്ചും സംരംഭങ്ങളെ കുറിച്ചും ക്ലാസുകള്‍ നല്‍കി. ആര്‍ -സെറ്റി, ഡിഡിയൂജികെ വൈ , കുടുംബശ്രീ എന്നിവിടങ്ങളില്‍ നിന്നുള്ള വിദഗ്ദര്‍ ക്ലാസുകള്‍ എടുത്തു. പരപ്പ ബ്ലോക്ക് പഞ്ചായത്ത് പ്രസിഡന്റ് എം. ലക്ഷ്മി പരിശീലനം ഉദ്ഘാടനം ചെയ്തു. വികസന കാര്യ സ്ഥിരം സമിതി അധ്യക്ഷ രജനി കൃഷ്ണന്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് സെക്രട്ടറി ജോസഫ് എം.ചാക്കോ സ്വാഗതവും ജോയിന്റ് ബിഡിഒ കെ.ജി.ബിജുകുമാര്‍ നന്ദിയും പറഞ്ഞു.
