അട്ടേങ്ങാനം: പാട്ടില്‍ വിസ്മയം തീര്‍ക്കുന്ന 5 വയസ്സുകാരി താരാ രഞ്ജിത്ത് റിയാലിറ്റി ഷോയിലും താരമായി മാറുകയാണ്.അട്ടേങ്ങാനം പാടിയരയിലെ അഞ്ജു – രഞ്ജിത്ത് ദമ്പതികളുടെ മകളാണ് താരാ രഞ്ജിത്ത്.റിയാലിറ്റി ഷോയില്‍ പങ്കെടുക്കാന്‍ അതിയായ താല്‍പര്യവും വാശിയും കാണിച്ചപ്പോഴാണ് പ്രവാസിയായ എം.എ.മ്യൂസിക് ബിരുദധാരി അഞ്ജു മകളെയും കൂട്ടി നാട്ടിലെത്തുന്നത്. ഫ്‌ളവേഴ്‌സ് ചാനലിലെ ടോപ്പ് സിംഗര്‍ 4 എന്ന റിയാലിറ്റി ഷോയില്‍ അവസരം ലഭിച്ചതോടെ താരയിപ്പോള്‍ മലയാളികളുടെ വിസ്മയമായി മാറിയിരിക്കുകയാണ്.
മലയാളികളുടെ പ്രിയങ്കരിയായ കൊച്ചു മിടുക്കി താരാ രഞ്ജിത്തിനെ കോടോം-ബേളൂര്‍ ഗ്രാമപഞ്ചായത്ത് വൈ .പ്രസിഡന്റ് പി.ദാമോദരന്‍ വീട്ടിലെത്തി അനുമോദിച്ച് ഉപഹാരം നല്‍കി.കെ.ആര്‍.കെ.കല്യോട്ട്, പി.പത്മനാഭന്‍ ,കെ .സ്മിത എന്നിവര്‍ സംബന്ധിച്ചു. അന്തരിച്ച പ്രമുഖ പത്രപ്രവര്‍ത്തകന്‍ ഉണ്ണിക്കൃഷ്ണന്‍ പുഷ്പഗിരിയുടെ മകളുടെ മകളാണ്താരാരഞ്ജിത്ത്.
