പാണത്തൂര്‍: പനത്തടി പഞ്ചായത്തിലെ പാണത്തൂര്‍ പരിയാരത്ത് ഇറങ്ങി കൃഷ് നശിപ്പിച്ച കാട്ടാനകൂട്ടത്തെ വനത്തിലേക്ക് തുരത്തി. നാട്ടുകാരും ഫോറസ്റ്റ് ഉദ്യോഗസ്ഥരും മണിക്കൂറുകളോളം നടത്തിയ പരിശ്രമത്തിനൊടുവിലാണ് ആനകൂട്ടം പിന്‍വാങ്ങിയത്.. കര്‍ണാടക വനത്തില്‍ നിന്നും വനാതിര്‍ത്തിയോടു ചേര്‍ന്നുളള പ്ലാന്റ്‌റേഷന്‍ കോര്‍പ്പറേഷനീലുടെയാണ് ആനകൂട്ടമെത്തിയത്. പരിയാരത്തിറങ്ങി സാം തോമസ് കുന്നത്തുപൊതിയില്‍, എ ജെ തോമസ് ആലയ്ക്കല്‍, മുഹമ്മദ് നജ്മി കാരിവേലില്‍ എന്നിവരുടെ തെങ്ങും കമുകുമാണ് നശിപ്പിച്ചത്. തുടര്‍ന്ന് പ്ലാന്റേഷന്റെ ആറാം ബ്ലോക്കില്‍ നിലയുറപ്പിച്ച ആനകൂട്ടത്തെയാണ് വനത്തിലേക്ക് തുരത്തിയത്.
