നവംബർ 18, 19 തീയതികളിൽ കേരളത്തിൽ എട്ട് ട്രെയിനുകൾ പൂർണമായി റദ്ദാക്കിയതായി ദക്ഷിണ റെയിൽവേ അറിയിച്ചു. ഇരിങ്ങാലക്കുട- പുതുക്കാട് സെക്ഷനിൽ പാലം പണി നടക്കുന്നതിനാലാണ് ഈ ദിവസങ്ങളിൽ ട്രെയിനുകൾ റദ്ദാക്കിയത്. യാത്രക്കാർക്ക് നേരിടുന്ന അസൗകര്യത്തിന് ഖേദിക്കുന്നതായും റെയിൽവേ . ശനിയാഴ്ച മംഗലാപുരം – തിരുവനന്തപുരം മാവേലി എക്‌സപ്രസ് ( 16603 ), എറണാകുളം – ഗുരുവായൂർ എക്‌സ്പ്രസ് ( 06448 ) എന്നീ ട്രെയിനുകളും റദ്ദാക്കി. ഞായറാഴ്ടച തിരുവനന്തപുരം – മംഗലാപുരം മാവേലി എക്‌സ്പ്രസ് (16604 ), ഷൊർണൂർ – എറണാകുളം മെമു എക്‌സപ്രസ് ( 06017 ), ഗുരുവായൂർ – എറണാകുളം എക്‌സ്പ്രസ് ( 06449 ), എറണാകുളം – കോട്ടയം ( 06453 ), കോട്ടയം – എറണാകുളം ( 06434 ) ട്രെയിനുകളാണ് പൂർണമായി റദ്ദാക്കിയത്.
