ചെറുപനത്തടി : സെന്റ് മേരിസ് ഇംഗ്ലീഷ് മീഡിയം സ്‌കൂളിലെ 2023- 24 അധ്യായന വർഷത്തെ സ്‌പോർട്‌സ് ഡേ രാജപുരം ഗ്രൗണ്ടിൽ വച്ച് നടത്തപ്പെട്ടു .രാജപുരം ഫൊറോന വികാരി റവ. ഫാ. ബേബി കട്ടിയാങ്കൽ കായികമേള ഉദ്ഘാടനം ചെയ്തു. കഴിഞ്ഞ വർഷത്തെ സ്‌കൂൾ വ്യക്തിഗത ചാമ്പ്യന്മാരായ അൻവിത സി എം , ക്രിസ്റ്റോ സജി , വീണ മരിയ , ആശിഷ് മാത്യു എന്നിവർ ചേർന്ന് ദീപശിഖ തെളിയിച്ചു. സ്‌കൂൾ ലീഡർ അശ്വിൻ മാത്യു പ്രതിജ്ഞാ വാചകം ചൊല്ലി കൊടുത്തു. കുട്ടികൾ 4 ഗ്രൂപ്പുകളായി തിരിഞ്ഞാണ് മത്സരങ്ങൾ നടത്തിയത് .പ്രിൻസിപ്പൽ ഫാ.ജോസ് കളത്തിപ്പറമ്പിൽ, പി ടി എ പ്രസിഡൻറ് ജോർജ്ജ് പി എ, സ്റ്റാഫ് സെക്രട്ടറി ബിൻസി ചാക്കോ എന്നിവർ കുട്ടികൾക്ക് സമ്മാനങ്ങൾ വിതരണം ചെയ്തു. സ്‌കൂൾ ഹെഡ് ഗേൾ നടാഷ നോബിൾ സ്വാഗതവും സ്‌കൂൾ ക്യാപ്റ്റൻ ആൽഡ്രിൻ ജോ മാത്യു നന്ദിയും പറഞ്ഞു.
