തായന്നൂർ.കോടോം- ബേളൂർ ഗ്രാമപഞ്ചായത്ത്, കേരള സംസ്ഥാന യുവജന ക്ഷേമ ബോർഡ് കേരളോത്സവം 2023 കലാമത്സരങ്ങൾ തായന്നൂർ ഗവ. ഹയർ സെക്കന്ററി സ്‌കൂളിൽ വെച്ച് നടന്നു. കോടോം- ബേളൂർ ഗ്രാമപഞ്ചായത്തിലെ വിവിധ പ്രദേശങ്ങളിൽ നിന്നും നാൽപതിയഞ്ചോളം ക്ലബ്ബുകളിൽ നിന്നെത്തിയ മത്സരാർഥികൾ മാറ്റുരച്ചു.നാല് വേദികളിലായി വിവിധ കലാമത്സരങ്ങൾ അരങ്ങേറി. സമാപന സമ്മേളനം ഗ്രാമപഞ്ചായത്ത് പ്രസിഡണ്ട് പി. ശ്രീജയുടെ അധ്യക്ഷതയിൽ കാഞ്ഞങ്ങാട് എം എൽ എ ഇ. ചന്ദ്രശേഖരൻ ഉദ്്ഘാടനം ചെയ്തു..കലോത്സവ വേദിയിൽ വെച്ച് സിനിമ ബാലതാരം അർപ്പിത രാജൻ, സീ കേരളം സ രി ഗ മ പ ഫെയിം സ്വർണ കെ എസ് എന്നിവരെ എം എൽ എ അനുമോദിച്ചു. ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർ പേഴ്‌സൺ രജനി കൃഷ്ണൻ, പഞ്ചായത്ത് സ്റ്റാൻഡിങ് കമ്മിറ്റി ചെയർമാന്മാരായ ഗോപാലകൃഷ്ണൻ, ജയശ്രീ എൻ. എസ്, ഷൈലജ വാർഡ് മെമ്പർമാരായ ഇ. ബാലകൃഷ്ണൻ, രാജീവൻ ചീരോൽ , നിഷ അനന്തൻ, ഗോപി, ജഗന്നാഥ്എം.വി എന്നിവർ പ്രസംഗിച്ചു.പഞ്ചായത്ത് വൈസ് പ്രസിഡന്റ് പി ദാമോദരൻ സ്വാഗതം പറഞ്ഞു
