ബന്തടുക്ക : സഹജീവി സ്‌നേഹത്തിന്റെ ആഴം അനുഭവിച്ചറിഞ്ഞ്് ക്ലാസ് പി ടി എ യോഗം; താരമായത്് പഞ്ചായത്ത് മെമ്പർ. ബന്തടുക്ക ഗവ. ഹയർസെക്കണ്ടറി സ്‌ക്കുളിലെ ക്ലാസ് പി ടി എ യോഗമാണ് സഹജീവികളോടുളള സ്‌നേഹസ്പർശത്തിന്റെയും കരുതലിന്റെയും നേർ സാക്ഷ്യമായത്. കുറ്റിക്കോൽ പഞ്ചായത്ത്് പത്താം വാർഡ്് മെമ്പർ കുഞ്ഞിരാമൻ തവനത്താണ് തന്റെ രണ്ട് ആട്ടിൻ കുട്ടികളിലൊന്നിനെ സ്‌ക്കുളിന് കൈമാറിയത്. അർഹനായ ഒരു കുട്ടിയുടെ കുടുംബത്തിന് ക്ലാസ് പി ടി എ നടക്കുന്ന സമയത്ത് ആടിനെ കൈമാറുകയും ചെയ്തത് കുട്ടികളിൽ പങ്കുവെക്കലിന്റെ സന്ദേശം പകരുന്ന അനുഭവമായി. ഹെഡ്മാസ്റ്റർ ശങ്കരനാരായണ പ്രകാശ് അധ്യക്ഷത വഹിച്ചു.പി ടി എ വൈസ് പ്രസിഡന്റ് ജോമിച്ചൻ മാത്യു, അധ്യാപകരായ നിത്യാനന്ദ എ കെ , അനിത എം നായർ, ജോൺ കെ എ, സുകുമാരൻ, ജ്യോതിലക്ഷ്മി, കമല, ദീപ, ജയപ്രകാശ്, നിരഞ്ചൻ, ദിവ്യ, സന്ധ്യ, വിനയ, അനിത എന്നിവർ പങ്കെടുത്തു.
