കാസര്കോട് :ദേശീയ പാതയില് ചെര്ക്കള മുതല് ചട്ടഞ്ചാല് വരെയുള്ള ഭാഗങ്ങളില് 2024 ജൂലൈ 31 വൈകീട്ട് ആറു മുതല്,ഓഗസ്റ്റ് 01 രാവിലെ 7 വരെ ഗതാഗതം നിരോധിച്ചതായി ജില്ലാ കളക്ടര് കെ ഇമ്പശേഖര് അറിയിച്ചു.
ഒടയംചാൽ : കോടോത്ത് സ്ക്കൂളിൽ എസ്പിസിയുടെ നേതൃത്വത്തിൽ ലോകപരിസ്ഥിതി ദിനത്തിൽ മധുര വനം പദ്ധതിക്ക് തുടക്കം കുറിച്ചു. രാജപുരം ഇൻസ്പെക്ടർ ഓഫ് പോലീസ് കൃഷ്ണൻ. കെ. മാവിൻ തൈ നട്ട് പദ്ധതി ഉദ്ഘാടനം ചെയ്തു. പി.ടി.എ. പ്രസിഡണ്ട് സൗമ്യ വേണുഗോപാൽ അദ്ധ്യക്ഷത വഹിച്ചു. സ്റ്റാഫ് സെക്രട്ടറി പ്രസീജ പി., ബാലചന്ദ്രൻ മാസ്റ്റർ, ഡി ഐ ബാബു, ജനാർദ്ദനൻ കെ എന്നിവർ സംസാരിച്ചു.ഹെഡ്മിസ്ട്രസ്സ് രഞ്ജിനി എസ് കെ സ്വാഗതവും സി.പി.ഒ ബിജോയ് സേവ്യർ നന്ദിയും പറഞ്ഞു.
കരിവേടകം: കരുവാടകം ശ്രീ ദുർഗ്ഗാ പരമേശ്വരി ക്ഷേത്രത്തിലെ ഷഢാധാര പ്രതിഷ്ഠ ബ്രഹ്മശ്രീ ഇരിവിൽ പത്മനാഭ വാഴുന്നവരുടെയും കൃഷ്ണദാസ് വാഴുന്നവരുടെയും കാർമ്മികത്വത്തിൽ നടന്നു. ഗോപുര പാദുക ന്യാസം സ്വാമി അമൃതാനന്ദപുരി നിർവഹിച്ചു. നാളെ രാവിലെ 9.30 ന് സനാതന പാഠശാലയുടെയും രാമായണമാസാചരണത്തിന്റെയും ഉദ്ഘാടനം നടക്കും.
ചുള്ളിക്കര : മലവേട്ടുവ മഹാസഭ കാസര്ഗോഡ് ജില്ലാകമ്മിറ്റി വിദ്യാഭ്യാസ ഉപസമിതിയുടെ ആഭിമുഖ്യത്തില് ആഗസ്റ്റ് 28 വ്യാഴാഴ്ച ചുള്ളിക്കര മേരിമാതാ ഓഡിറ്റോറിയത്തില് വെച്ച് അയ്യങ്കാളി ദിനാചരണവും , വിജയോത്സവം -2025 പരിപാടിയും നടത്തപ്പെടും. SSLC , പ്ലസ്ടു വിജയികളെയും , മറ്റു മേഖലകളില് മികവ് തെളിയിച്ച പ്രതിഭകളെയും പരിപാടിയില് വെച്ച് അനുമോദിക്കും. സിനിമാതാരം ഉണ്ണിരാജ് ചെറുവത്തൂര് പരിപാടി ഉദ്ഘാടനം ചെയ്യും. പ്രഭാഷകന് വി. കെ. സുരേഷ് ബാബു മുഖ്യപ്രഭാഷണം നടത്തും. യുവകവി പ്രകാശ് ചെന്തളം പരിപാടിയില് മുഖ്യാതിഥിയായിആയിരിക്കും.
