ബളാംതോട് : വെള്ളരിക്കുണ്ട് താലൂക്ക് ലൈബ്രറി കൗൺസിൽ കള്ളാർ, പനത്തടി പഞ്ചായത്ത് സമിതിയുടെ നേതൃത്വത്തിൽ സർഗോത്സവം സംഘടിപ്പിച്ചു. യുപി. ഹൈസ്‌കൂൾ വിഭാഗത്തിനായി സംഘടിപ്പിച്ച മത്സരം മാച്ചിപള്ളി എംവിഎസ് വായനശാലയിൽ വെച്ച് താലൂക്ക് ലൈബ്രറി കൗൺസിൽ സെക്രട്ടറി എ ആർ സോമൻ ഉദ്ഘാടനം ചെയ്തു. സംഘാടക സമിതി ചെയർമാൻ പി എം ബേബി അധ്യക്ഷനായി. പഞ്ചായത്ത് സ്ഥിരം സമിതി ചെയർമാൻ സുപ്രിയ ശിവദാസ്, വാർഡ് മെമ്പർ കെ സജിനി മോൾ, ജില്ലാ ലൈബ്രറി കൗൺസിൽ അംഗം പത്നാഭൻ മാച്ചിപ്പള്ളി, ജി എസ് രാജീവ്, അനിത ദിനേശൻ എന്നിവർ സംസാരിച്ചു. സംഘാടക സമിതി കൺവീനർ അനന്തു കൃഷ്ണൻ സ്വാഗതവും, പഞ്ചായത്ത് കൺവീനർ എ കെ രാജേന്ദ്രൻ നന്ദിയും പറഞ്ഞു. സമാപന സമ്മേളനം
പഞ്ചായത്ത് പ്രസിഡന്റ് പ്രസന്ന പ്രസാദ് ഉദ്ഘാടനം ചെയ്തു. വാർഡ് മെമ്പർ സജിനി മോൾ അധ്യക്ഷത വഹിച്ചു. ജില്ലാ ലൈബ്രറി കൗൺസിൽ അംഗം പത്നാഭൻ മാച്ചിപ്പള്ളി സംസാരിച്ചു. എ കെ രാജേന്ദ്രൻ സ്വാഗതവും, അനിത ദിനേശൻ നന്ദിയും പറഞ്ഞു. വിജയികൾക്ക്സമ്മാനംനൽകി.
