കൊട്ടോടി : ഗവ:ഹയര്‍ സെക്കന്ററി സ്‌കൂളില്‍ ഒളിമ്പിക്‌സിനോടനുബന്ധിച്ച് ദീപശിഖ തെളിക്കലും ദീപശിഖ പ്രയാണവും ഒളിമ്പിക്‌സ് പ്രതിജ്ഞയും സംഘടിപ്പിച്ചു. പി ടി എ പ്രസിഡന്റ് ബാലചന്ദ്രന്‍ കൊട്ടോടി അധ്യക്ഷത വഹിച്ചു. 13-ാം വാര്‍ഡ് മെമ്പര്‍ ജോസ് പുതുശ്ശേരി കാലായില്‍ ദീപശിഖ തെളിയിച്ച് ഹെഡ്മിസ്ട്രസ് ബിജി ജോസഫിന് കൈമാറി. പ്രധാനധ്യാപിക ദീപശിഖ കഴിഞ്ഞ വര്‍ഷത്തെ സ്റ്റേറ്റ് – ജില്ലാ താരങ്ങളായ സാലോ സാബു, അലീന സ്റ്റീഫന്‍, ശിവന്യ വി എന്നിവര്‍ക്ക് കൈമാറി. ഇവരുടെ നേത്യത്വത്തില്‍ സ്‌കൂളിന്റെ 70-ാം വാര്‍ഷികത്തെ അനുസ്മരിപ്പിച്ച് 70 സ്‌കൂള്‍ കായിക താരങ്ങളുടെ അകമ്പടിയോടെ ഗാന്ധിജിയുടെ സ്മൃതി മണ്ഡപം ചുറ്റി കൊട്ടോടി ടൗണിലൂടെ ദീപശിഖ പ്രയാണം നടത്തുകയും സ്റ്റേജില്‍ പ്രത്യേകം തയ്യാറാക്കിയ സ്ഥലത്ത് സ്ഥാപിക്കുകയും ചെയ്തു. തുടര്‍ന്ന് കുട്ടികള്‍ എല്ലാവരും ഒളിമ്പിക് ദിന പ്രതിജ്ഞ ഏറ്റുചൊല്ലി. ഒളിമ്പിക്‌സിനോടനുബന്ധിച്ച് ഗണിത ശാസ്ത്ര ക്ലബ്ബ് നടത്തിയ ഒളിസിക്‌സിലെ ഗണിതം മെഗാ ക്വിസിലെ വിജയികള്‍ക്ക് സമ്മാനങ്ങള്‍ വിതരണം ചെയ്തു. സീനിയര്‍ അസിസ്റ്റന്റ് മെറീന ആന്റണി, സ്റ്റാഫ് സെക്രട്ടറി സുമതി എം, അധ്യാപകരായഅനില്‍കുമാര്‍ കെ , രാജന്‍ തുടങ്ങിയവര്‍ പരിപാടികള്‍ക്ക്നേത്യത്വംനല്‍കി
