പനത്തടി : ബളാംതോട് ഗവ. ഹയർസെക്കന്ററി സ്‌കൂൾ പ്ലാറ്റിനം ജൂബിലി ലോഗോ പ്രകാശനം സിനിമ സംവിധായകൻ അമീർ പള്ളിക്കാലും സിനിമാ നടൻ കൂക്കൾ രാഘവനും ചേർന്ന് നിർവ്വഹിച്ചു. പി ടി എ പ്രസിഡന്റ് കെ.എൻ വേണു അധ്യക്ഷത വഹിച്ചു. സംഘാടക സമിതി ചെയർമാൻ എം.വി കൃഷണൻ, പി.എം കുര്യാക്കോസ്, പഞ്ചായത്തംഗം കെ.കെ വേണുഗോപാലൻ, സംഘാടക സമിതി വൈസ് ചെയർമാൻ എം.സി മാധവൻ, ഹെഡ് മാസ്റ്റർ ഇൻ ചാർജ് റിനിമോൾ, പബ്ലിസിറ്റി ചെയർമാൻ സെബാൻ കാരകുന്നേൽ, മദർ പി ടി എ പ്രസിഡന്റ് ജയശ്രീ ദിനേശ്, പി ടി എ വൈസ് പ്രസിഡന്റ് രജ്ഞിത്ത്കുമാർ, പ്രോഗ്രാം കമ്മിറ്റി ചെയർമാൻ ബി സുരേഷ്, സ്റ്റാഫ് സെക്രട്ടറി ബാബു ബി സി എന്നിവർ സംസാരിച്ചു. പ്രിൻസിപ്പൾ എം ഗോവിന്ദൻ സ്വാഗതവും പ്രോഗ്രാം കൺവീനർ ബിജു എം കെ നന്ദിയും പറഞ്ഞു. ചടങ്ങിൽ ജി എസ് രാജീവനിൽ നിന്ന് ഫിനാൻസ് കമ്മിറ്റി ചെയർമാനായ പി എം കുര്യാക്കോസ് ആദ്യ ഫണ്ട് ഏറ്റുവാങ്ങി.
