രാജപുരം: കണ്ണൂർ യൂണിവേഴ്സിറ്റി പ്രഖ്യാപിച്ച ബി.എ ഡവലപ്പ്മെന്റ് എക്കണോമിക്സ് ,ബി എസ് സി മൈക്രോബയോളജി എന്നീ ബിരുദങ്ങളുടെ ഫലപ്രഖ്യാപനത്തിൽ രാജപുരം സെന്റ് പയസ് ടെൻത് കോളേജിൽ റാങ്കുകൾ . ചെറുപുഴ സ്വദേശികളായ ജോസ് വി.ജെയുടേയും, ജോയ്സ് പി.ജിയുടേയും മകനായ ജോസഫ് വി.ജെ, ബി എ ഡെവലപ്മെന്റ് എക്കണോമിക്സ് ഒന്നാം റാങ്കിന് അർഹനായി .
ബി എസ് സി മൈക്രോബിയോളജിയിൽ അഞ്ചിമ ബിജു രണ്ടാം റാങ്ക് കരസ്ഥമാക്കി .കള്ളാർ നിവാസികളായ ബിജു വർഗീസിന്റെയും സിൽവി ബിജുവിന്റെയും മകളാണ് അഞ്ചിമ .
കൂടാതെ ഈ വർഷം കോളേജിലെ ക്യാമ്പസ് പ്ലേസ്മെന്റ് സെല്ലിന്റെ നേതൃത്വത്തിൽ സൗത്ത് ഇന്ത്യൻ ബാങ്കുമായി സഹകരിച്ച് നടത്തിയ ക്യാമ്പസ് പ്ലേസ്മെന്റിൽ പ്രൊബേഷനറി ക്ലാർക്ക് നിയമനത്തിന് ബിരുദ പരീക്ഷയുടെ റാങ്ക് ജേതാവായ ജോസഫ് വി.ജെ അടക്കമുള്ള 3 വിദ്യാർത്ഥികൾ അർഹത നേടിയിരുന്നു.
