ബളാംതോട് : വെളളരിക്കുണ്ട് താലൂക്ക് ലൈബ്രറി കൗൺസിൽ കളളാർ, പനത്തടി പഞ്ചായത്ത് സമിതിയുടെ നേതൃത്വത്തിൽ നാളെ മാച്ചിപ്പളളിയിൽ സർഗോത്സവം സംഘടിപ്പിക്കുന്നു. രാവിലെ 9.30 മുതൽ മാച്ചിപ്പളളി എം വി എസിലാണ് പരിപാടി. കാവ്യാലാപനം, ചലചിത്ര ഗാനാലാപനം, കഥാപ്രസംഗം, മോണോ ആക്ട്, പ്രസംഗം, ചിത്രീകരണം, ഉപന്യാസ രചന, കഥാ രചന, കവിതാ രചന, നാടൻ പാട്ട് എന്നിവയാണ് മത്സര ഇനങ്ങൾ.
താലൂക്ക് ലൈബ്രറി കൗൺസിൽ സെക്രട്ടറി എ ആർ സോമൻ മാസ്റ്റർ ഉദ്ഘാടനം ചെയ്യും. സംഘാടക സമിതി ചെയർമാൻ ബേബി മാസ്്റ്റർ അധ്യക്ഷത വഹിക്കും. വാർഡ് മെമ്പർ സജിനിമോൾ, സംസ്ഥാന ലൈബ്രറി കൗൺസിൽ അംഗം പി.ദിലീപ് കുമാർ, ജില്ലാ ലൈബ്രറി കൗൺസിൽ അംഗം പത്മനാഭൻ മാച്ചിപ്പളളി, മാനടുക്കം പി.ജി വിജയൻ സ്മാരക വായനശാല സെക്രട്ടറി ജി.എസ്.രാജീവ്, മാച്ചിപ്പളളി വനിതാ വേദി സെക്രട്ടറി അനിത ദിനേശൻ എന്നിവർ പ്രസംഗിക്കും. സംഘാടക സമിതി കൺവീനർ അനന്തു കൃഷ്ണൻ സ്വാഗതവും പഞ്ചായത്ത് തല കൺവീനർ എ കെ രാജേന്ദ്രൻ നന്ദിയും പറയും.
