പനത്തടി: ബളാംതോട് ഗവ. ഹയർ സെക്കൻഡറി സ്‌കൂൾ പ്ലാറ്റിനം ജൂബിലി ആഘോഷങ്ങളുടെ ഭാഗമായി പനത്തടി പഞ്ചായത്ത് കുടുംബശ്രീ ,സി.ഡി.എസ്, ജി .ആർ .സി എന്നിവരുടെ സഹകരണത്തോടെ ബളാംതോട് ഗവ.ഹയർ സെക്കൻഡറി സ്‌കൂളിൽ സംഘടിപ്പിച്ച ചക്ക ഫസ്റ്റ് നാടിന്റെ ഉത്സവമായി മാറി . പ്രസന്ന പ്രസാദ് ഉദ്ഘാടനം ചെയ്തു . പ്ലാറ്റിനം ജൂബിലി ആഘോഷ കമ്മിറ്റി ചെയർമാൻ എം വി കൃഷ്ണൻ അധ്യക്ഷത വഹിച്ചു. പി. എം കുര്യാക്കോസ്, സുപ്രിയ, ലതാ, വാർഡ് മെമ്പർമാരായ കെ . കെ വേണുഗോപാൽ, എൻ . വിൻസെന്റ്, രാധാ സുകുമാരൻ, സജിനി മോൾ, പ്രിൻസിപ്പൽ . എം. ഗോവിന്ദൻ, ഹെ ഡ്മിസ്റ്റ്ട്രസ് ഇൻ – ചാർജ് . റിനി , സി.ഡി.എസ് ചെയർപേഴ്‌സൺ ആർ .സി രജനി ദേവി , പിടിഎ വൈസ് പ്രസിഡണ്ട് രഞ്ജിത്ത്, മദർ പി.ടി.എ പ്രസിഡണ്ട് ജയശ്രീ ദിനേശ് എന്നിവർ നേതൃത്വം നൽകി.
നഴ്‌സറി , എൽ .പി , യു .പി വിഭാഗം കുട്ടികൾ, സ്‌കൗട്ട് ആൻഡ് ഗൈഡ്‌സ് എസ് .പി . സി ,ജെ ആർ സി എന്നിവരുടെ നേതൃത്വത്തിൽ തയ്യാറാക്കിയ ഇലക്കറി മേള മുഖ്യ ആകർഷണമായി.
ചക്ക വിപണ രംഗത്തെ അനന്തസാധ്യതകൾ വിളിച്ചോതുന്നതായി ചക്ക ഫെസ്റ്റ് .രുചികരമായ വിഭവങ്ങൾ തയ്യാറാക്കാൻ മുൻകൈയെടുത്ത പ്രവർത്തകരെ സംഘാടകസമിതി അഭിനന്ദിച്ചു .
പനത്തടി ഗ്രാമപഞ്ചായത്തിലെ 15 വാർഡുകളുടെയും സ്റ്റാളുകൾ ക്രമീകരിച്ചിരുന്നു . സ്‌കൂൾ പി.ടി.എ പ്രസിഡണ്ട് കെ .എൻ വേണു സ്വാഗതവും പ്രോഗ്രാം കമ്മിറ്റി കൺവീനർ ബിജു മല്ലപ്പള്ളിനന്ദിയുംപറഞ്ഞു
